TKAlTli

Fauldroit, par mesme erreur, bannir la faculté de médecine, parce qu'elle apprend à ses disciples la nature des maulvaises et pernicieuses plantes, la qualité des poisons et venins, afin de se pourveoir, par les bonnes précautions et gardes, contre la malignité d'iceulx, par lesremesdes que le sçavant et expérimenté médecin sçait praticquer bien à propos pour le bien estre et conservation du genre humain.

Il fauldroit aussy arracher les vignes et oster l'usaige du vin , parce qu'il arrive aussy souvent que tous les jours plusieurs s'enyvrent comme des bestes brutes.

Ainsy se peult dire de toutes choses qui sont très bonnes, salutaires et utiles de soy : seulement se fault garder d'en abuser, et c'est à quoy tend mon desseing. Et cependant donneray adviz de ce que j'ay ton sj ours observé et recogneu parmy les courts, tant soubveraines que subalternes, que ce ne sont jamais guères les grands jurisconsultes et sçavans hommes qui prennent plaisir à chicanner, desguiser les matières, et envelopper la vérité de faicts calomnieux et faulx et simulez, et de toutes sortes d'inventions et artifices pour penser, agencer et farder une maulvaise cause; ce que font les chicanneurs, et leur raison est, parce que s'ilz représentoient la maulvaise cause en son naturel, elle seroit si odieuse,

DE LA RÉFORMATION DK LA JLSTICK. Ti'l']

si inique, qu'elle se rendroit elle mesme ridicule et contemptible, et celuy qui la soubtiendroit seroit teneu pour ung imprudent, ung affronteur, ung scélérat, et entre cinquante habiles hommes il ne s'en trouvera pas six qui fassent le mestier de Carnéadès, homme fort subtil et sçavant au possible, mais meschant et merveilleusement corrompeu, qui, au tesmoignage de Cicéron, sœpe optimas causas ingenii calumnia ludificari solebat.

Au contraire, les hommes capables et fort suffisans abhorrent tout ce que font les brouillons , ne les sçauroient veoir ny ouyr qu'avec extresme regret et desplaisir : comme aussy, pour dire franchement tout ce qui en est , ce sont gens de néant.

Ce sont des juriconsultes de trois jours qui, ne voulant prendre la peine de veoir les bons livres, se rendre capables de ceste tant exquise et désirable cognoissance du droict, de puiser ez vives sources de la philosophie, des histoires sainctes et prophanes, et cueillir, comme les abeilles, les belles fleurs ez délicieux champs des muses et lettres humaines ; ilz suyvent par une lascheté et croupissent ez formalitez, et entachez d'ung gaing sordide et illibéral, après lequel ilz abayent incessamment, et y sont si aspres que, pour assouvir leur avarice, ilz engaigent leur ame et leur conscience à qui plus leur donne.

3Li8 TRAITJ':

Hz ne trouvent poinct de maulvaises causes, pourveu qu'ilz ayent une bonne et riche partye, qui fournisse à rappoinclement et qui n'y veuille rien espargner; et s'ilz ne la peuvent gaigner par raison, ilz inventent tant de délays, subterfuges, d'incidens et aultres ruses du mestier, que jamais on n'en veoit la fin ; et une pauvre partye, pour se rédimer de tant de vexations, aime mieulx tout quitter, ne sçachant plus quelles pièces y mettre, tant il se trouve enveloppé parmy les chicanneries dont on a remply une cause qui de soy estoit sans difficulté, si on eust rejette d'icelle les ruses et les artifices de la partye adverse.

C'est contre eulx que le bon Ménechmes crie, dans Plante, quand il leur reproche qu'ilz sont sans honte, sans honneur, sans charité :

Clientes sibi omnes volunt esse; multos bonine an mali sint, Id haud quœritant. Res quaeritur magis qiiam clientiim fides, Quojusmodi cluerat : si pauper est, atque haud malus Nequam habetur; sin dives malus est, habetur is cliens frugi.

Au demeurant, vous ne sçauriez veoir rien au monde si impudent, ny si hardy à mettre en avant ung faulx faict et une menterie en plein barreau; ilz ont des fronts d'acier, et, n'ayant poinct d'appréhension de perdre leur honneur, tout leur est indifférent, pourveu que rien ne tourne à leur dommaige.

DE LA RÉFORMATIOIV DE LA TLSTICE. 329

Vous oyrez crier, braire et tempester à Tappétit d'une partye hargneuse ; vous verrez les langues impures, vénales et mercenaires mettre l'honneur des phis vertueux, illustres et grands personnaiges en compromis, et ce donc je ne me sçaurois assez estonner, ces asnes d'Arcadie, à qui les judges debvroient, à toutes les fois qu'ilz s'oublient et s'esmancipent contre la décence de leur robbe, mettre ung mords de bride, et leur fermer la bouche avec une bonne et grave réprimande; ilz les laissent desvacquer (i), de manière qu'il semble à ces effrontez, qu'ilz ont faict quelque beau chef d'œuvre quand ils ont, dient ilz, bien lavé la teste à ung homme d'honneur, et mettent ceste haulte et sotte vanterie parmy leurs trophées.

Sunt isti rahulœ et causidici qui ad ravim usque in foro, tamquam infoco laurus virens crepitans , alternis JLirgiis con^ficiantur, rixantur, latrant^ tenso jecore ^ qui toti verbis tumidis et lapsantibus diffluunt nulla subjecta sententia nec scientia.

Queis immensa cavi spirant mendacia folles , Gonspuiturque sinus.

Et néantmoinsce sont ceulx ordinairement qui (i) Peut-être débâcler ou cUvaj^uer.

33o TRAITÉ

ont le plus (le pralicque, parce qu'ilz se mettent à tous les jours, à toutes les causes; et les bous playdeurs, qui inteuteroient ung procez sur la poincte d'une éguille, les recherchent plus volontairement que les aultres, dont les mœurs sont composées à la prudence et modestie : vray ornement d'ung sçavant homme de bien, d'advocat, lequel, faisant trop plus de cas de l'honneur que du gaing, ne soubtient jamais de cause contre sa conscience ; aussy la deffend il avec tant de vigueur, de force et de solides raisons, que l'on recognoist à vue d'œil qu'il ne se fonde pour obtenir la victoire que sur la vérité et la justice de sa cause.

Et tout ainsy que le vray orateur est ung homme de bien, doué de la science de bien dire, aussy le faulx orateur est ung meschant homme, et qui ne sçait ny bien faire, ny bien dire; ou bien qui a, comme dict Cicéron, de la baue assez, mais d'éloquence peu ou poinct : Loquentice satis , eloquentiœ vel sapientiœ , nihil aut parum ; ou , comme dient les Grecs plus proprement, par l'ung nous est représenté ung causeur, ung brouillon, bavard et charlatan; par l'aultre, ung homme saige, qui parle bien à propos, ne dict que ce qu'il fault, le dict dissertement et en bons termes.

Ccstuy cy ne faict rien qu'en faveur et consi-

Di£ LA RÉFORMATIOIN DE LA ILSTICK. 33 1

dératioii de la vertu et de la justice, et s'em}3loye hardynient pour la deffeuce et tuition de l'innocence opprimée , ou que l'on veult opprimer : l'or et l'argent ne luy commandent poinct; toutes les grandeurs et puissances ne le sçauroient destourner du vray honneur qui ne s'acquiert qu'en bien faisant.

En somme, suyt en tant qu'il peult le train et la manière de vivre de ce grand personnaige, Servius Sulpicius (i), duquel Cicéron dict, en ses Philippicques, qu'oultre l'éminent sçavoir qu'il avoit acquis en la jurisprudence et l'heureuse facilité d'entreprendre sainement le droict civil, il avoit encore ceste perfection de retrancher les pièces et les actions; au lieu que ses compaignons enseignoient les moyens de les intenter, poursuyvre et allonger.

Au contraire, le brouillon, avec son ignorance, qui luy faict escorte perpétuelle, estime pure vanité tout l'honneur qui est sans profict et con-

(i) Servius Sulpicius Rufus, orateur et jurisconsulte distingué. Il fut consul , avec Marcus Marcellus , l'an de Rome 7o3 , cinquante -un ans avant l'ère chrétienne. Il a laissé différents traités de droit très - estimés. Plusieurs orateurs célèbres avaient été ses disciples.

Chargé d'aller proposer quelque accommodement à Antoine, qui assiégeait alors Modène , il mourut en chemin, l'an de Rome 710.

tribiitioii pécuniaire; n'aime que playe et bosse; semé des noises , querelles et procez partout où il se trouve, afin d'avoir de la praticque aux despends de qui que ce soit.

Si nihil est, litium lites serit.

D'ung procez il vous en fera provigner, et vous en fera naistre une douzaine : aussy il vous fera accroire au commencement que vostre affaire n'est rien , que vostre cause est sommaire et sans aulcune difficulté, et qu'il vous en fera sortir en une matinée. Mais s'il vous peult embarquer une fois et tenir en ses pièges, vous n'en sortirez qu'il ne vous ait arraché le plus beau et le meilleur de vostre crébitance, où sa science de chicanner luy fauldra au besoing.

C'est de ceste sorte de gens dont parle Manluan, qu'il appelle race de fols incurables.

Stultorum aliud genus immedicabile quoddam , Latrones et causidici, rabulaeque forenses, Nummorum aucupium dicti, iegumque tyranni, ^re patrocinium vendunt; producere causas, Et lites pendere diu, vindemia quaedam est.

Tacite, en la vie de l'empereur Claudius, dict qu'il n'y avoit marchandise plus vénale au marché que la foy des advocats, et qu'en ce mesme temps , ung chevalier romain , des premiers de

la ville, ayant donné une grande somme d'argent à Suilius, advocat des plus fameux de sa robbe, et se recognoissant trahy par la prévarication d'iceluy, entra en tel désespoir, qu'il se tua dans la maison mesme de cest advocat.

Cest accident si estrange feut cause que l'on proposa et vouleut on remettre en vigueur la loy Cintia, qui, long temps auparavant, avoit esté publiée à l'instance et persuasion de ce tant saige et vertueux citoyen, Fabius Maximus, et par icelle estoit expressément deffendeu aux advocats de prendre aulcung salaire des partyes, et feut long temps ceste loy si exactement et religieusement praticquée, que Cicéron mesme, bien qu'il vesquit (vécût) en ung siècle fort corrompeu, dict, en une sienne espistre qu'il escript à Attius, qu'il faisoit conscience de prendre des livres que luy présentoit une sienne partye , craignant d'encourir la peine de ceste saincte et esquitable loy.

Pline second, l'ung des plus fameux orateurs de son temps, tesmoigne le contentement qu'il a pour n'avoir jamais pris chose, tant petite feust telle, d'aulcune partye par luy soubteneue en judgement.

Quam me juvat^ dict il, quod in causis agendis non modo pactione , dono , munere , veruni etiani xeniis absiinuil

Il suyvoit en cela le conseil de son précepteur Quintilien, qui conseille aux aisez et riches advocats de playder gratuitement pour leurs cliens; il en rend une notable raison.

Nam vendere operain, et pretio tanti beneficii auctoritatem elevare sordidum est, ciim pleraque hoc ipso vilia videre possint, quod pretium hahent.

Or, est il que plusieurs beaulx exemples, raisons et authoritez, feurent alléguez pour le renouvellement de ceste loy : et tout le sénat inclinoit au restablissement d'icelle; mais une brigade d'advocats, coulpables d'infinyes concussions, vindrent aux prières et supplications, se jettèrent aux pieds de cest empereur, le plus lourd et stupide animal qui feust oncques, lequel non seulement empescha leur punition, mais qui feit pis, et s'opposa au renouvellement de la loy Cintia, qui monstra par cest acte ou lascheté de son couraige, ou le peu de zèle qu'il avoit à la justice; et néantmoins, pour aulcunement contenter le sénat et ceulx qui , poussez d'ung sainct amoui: envers le public, poursuy voient le restablissement de ceste esquitable loy, feul lors restreinte ceste effrénée licence que se donnoient les advocats de prendre les partyes à discrétion, leur feut permis de recevoir jusques à dix sex-

DF LA RKFORMATION DE JJl JUSTICE. 335

terces, et deffence à eulx, soiibs peine de concussion, de prendre dadvantaige.

Trajan leur permit, par esdict public, de prendre jusques à ceste mesme somme, mais il vou- Jeut que ce feust après le judgement et arrests définitifs, et non aultrement; feut, par mesme esdict , expressément ordonné que ceulx qui vouldroient intenter et soustenir quelque action, en demandant ou en deffendant, seroient teneus avant toute œuvre se purger par serment, s'ilz avoient donné ou promis quelque chose à leurs advocats, qui ne feut pas une petite raison et précaution pour empescher et couper chemin aux chicanneries, longueurs, dont on peultuserà la poursuyte et l'expédition des procez; et toutesfois, c'estoit ung grand argument de la corruption de ce temps là, auquel une si honorable profession, que celle d'advocats, s'estoit tant rabaissée de sa dignité que de s'asservir à ung gaing infâme et indigne d'une si belle charge.

Car, pour n'en mentir poinct, ceste vacation , qui est le séminaire des honneurs et des dignitez publicques, et de là d'une pépinière de gloire et de vertu, ont esté tirez de tout temps et ancienneté les plus grands et illustres personnaiges de tous siècles, ne peult estre rescompensée par

argent.

Aussy n'estoit ce pas le but des rares vertus et

des beaulx esprits de cesle robbe. Leur rescompense estoit l'honneur et resputation qu'ilz acquéroient, et qui les portoient infailliblement aux premières et plus honorables charges de la respublicque; et tant plus grand nombre de cliens ilz avoient, tant plus avoit on d'opinion de leur suffisance et sincérité; et, pour faire veoir combien ceste charge estoit vénérable, c'est que bien souvent les plus grands magistrats descendoient de leurs haults sièges , estant accompaignez de leurs massiers, avec leurs robbes de pourpre, et n'avoient poinct de honte de se tenir debout et play- ^der par devant les judges, qui estoient beaucoup moindres qu'eulx, et n'estimoient pas ravaler leur dignité de consuls, de tribuns ou aultres charges publicques, pour prendre en mesme temps celle d'advocats, et soubtenir la cause de leurs amys ou de leurs cliens, appeliez en justice.

Ces excellens orateurs, Hortensius, Jules César, mesme les deux Gâtons, le jeune Pline et aultres, l'ont faict plusieurs fois; et celuy cy, escrivant à Pomponius Falco, son amy, confesse qu'il avoit eu autrefois ceste vanité, qu'estant tribun , c'eust esté trop se rabaisser que de descendre au barreau pour playder pour des cliens, parce qu'il luy sembloit que ce feust chose mal séante de veoir ung magistrat, auquel tout chascung rendoit de l'honneur, estre debout devant

ceulx qu'il avoit accoustumé de se lever et quitter leur place par respect, et recevoir quelquesfois une réprimande et se veoir imposer silence par celuy auquel il pouvoit, estant hors de là, commander de se taire, et enfin supporter tranquillement les crieries et paroles advantaigeuses de la partye adverse.

Res tamen usque adeo visa est honesta ad gloriarn laiidemque comparata ^ ut sœvissime magistratuum purpura inforo soli opposita sedentiwn adstantiumque oculos splendore suo perstrinxerit .

Quintilien le dict fort élégamment, et rapporte que les premiers hommes et plus grands seigneurs de la respublicque ne se sont jamais desdaignez de playder publicquement pour les partyes; adjouste une belle chose, que les jeunes hommes des plus illustres maisons avoient coustume de donner par forme d'ostage de leur singulière affection envers le public, d'entreprendre l'accusation contre quelque meschant citoyen et pernicieux membre de la respublicque, sans avoir esgard à sa grandeur, puissance et authorité, et cela leur parloit d'ung grand couraige et de bonne ame, parce que d'espouser de gayeté de cœur la querelle d'ung meschant, sans appréhension de son grand pouvoir, cela ne peult procéder que d'une ame généreuse et mortelle ennemye des vices.