I. Inéd, :i
3'')/| thaï 11':
(le salut et l;i plus légitime administration qu'ilz eussent peu choisir, demeura florissant, et dura en ceste sorte jusques à ce que, par l'intolérable injustice des siècles postérieurs, auxquelz n'y avoit chose si saincte qui ne feust vénale , ceste grande respublicque, qui avoit subjugué toutes les nations de la terre, feut renversée de fond en comble par ses propres forces, ne le pouvant estre par les estrangiers.
Strabon, parlant de ceulx de Marseille, qui vivoient en aristocratie , et estoient les mieulx policez de toutes les Gaules, dict qu'ilz avoient ung conseil composé de six cents sénateurs, qu'ilz appelloient Tiixouyouç, qui veult dire honorable, lesquelz estoient perpétuels.
Oultre ce grand nombre , il y avoit quinze personnes avec tiltre de princes ou principaulx du sénat , lesquelz cognoissoient des affaires particulières qui se présentoient ensemble de la police; et de ces quinze ilz en élisoient trois en qualité de présidens, avec puissance soubveraine, et soubs ceste forme vivoient en grandeur et pro spérité merveilleuse.
Ainsy, en matière de judges, fault tenir pour maxime indubitable, que le petit nombre est tousjours plus exquis et plus utile, et le plus à désirer; mais je demeure d'accord qu'il les fault bien choisir tout aultrement que par la bourse.
DE L\ RÉFORMATION DE LA JUSTICE. 35f>
si on ne veult mettre en proye et abandon des plus meschans l'estat des villes et des meilleures provinces; estant bien certain qu'il ne se trouve personne si peu soigneux de son mesnaige , qui n'ayt extresme envie, désir et dessein de se rembourser au double, triple et quadruple de la finance que l'on luy a faict payer aux partyes casuelles, et croit le pouvoir faire sans scrupule de conscience et maulvaise et dangereuse croyance, et dont le formulaire est pris en la détestable escole de la vénalité.
En ceste escole les judges multipliez apprennent à faire naistre et venir les procez de toutes parts; ne s'en trouve si malotru qui n'ayt une douzaine de rejettons, et n'y a rien dont la pluspart des ministres de justice et supports de la vénérable praticque ayment moins veoir la fin que des procez, parce que c'est leur vie; c'est le remboursement du fort principal et intérests de leurs deniers.
A la vérité, je ne sçaurois assez m'esmerveiller comment il a jamais peu entrer en l'esprit de nos roys très chrétiens de faire cest infâme trafic d'offices de judicature , qui est le plus odieux et déshonneste que l'on sçauroit praticquer en quelque estât que ce soyt, et auquel Dieu est plus offensé; et ne me sçaurois persuader que s'ilz sçavoient la gravité de ce crime, qui est ung
356 TUAITÉ
vray sacrilège qu'ilz commettent autant de fois qu'ilz vendent iing office de ceste qualité, ilz ne s'en déportassent avec appréhension du courroux et de vengeance divine sur leur teste et sur leur sceptre.
Pour moy, je diray franchement que ce traicté m'oblige que ceste vénalité est suffisante de ruyner ceste grande monarchie, pour les raisons cy dessus touchées, et aultres que je desduiray ailleurs plus particulièrement. Tant y a que pour revenir à mon propos sur Loys XII, tout estoit assez bien; son successeur, très mal conseillé, commença de faire ce trafic , modestement toutesfois; et le plus grand mal que j'y veoye, c'est qu'il donna entrée à une non seulement maulvaise et pernicieuse, mais malheureuse et détestable invention, à laquelle on a pris tel goust, que ce nombre des offices de judicature vénaux et des ministres et supposts de justice font grande partye du peuple de ce royaulme.
Tout le monde y accourt pour deux raisons principallement, comme je respondis ung jour à ung grand seigneur du conseil privé du roy, qui me faisoit ceste question , la première à cause du lucre qui en ce mestier est infaillible.
Et velut ad niessem auream qiiilibet accurrit. Et tant plus chicanneur se monstrera l'homme
de ceste profession , ou moins consciencieux , el plus aura il de ciiens et de praticque, et fera conséquemment plus de gaing. L'aultre raison est parce qu'au misérable temps qui court, ce n'est pas, comme jadis, assez de ne faire poinct de mal : l'innocence est ordinairement opprimée, et personne ne la défend; l'injustice règne avec orgueil, et chascung est exposé à l'injure, pour contre laquelle se garantir et précautionner, ou il fault estre de ceste robbe, ou tout au moins convient prendre l'alliance, faveur et protection des principaulx d'icelle.
Aultrement on estime, à la façon que nous vivons, que les personnes et les biens sont à la mercy des gens de justice, lesquelz se soustiennent et font les ungs pour les aultres : dadvantaige on crainct de se défendre contre eulx s'ilz font quelque injustice ou demande à aultruy.
S'ilz sont débiteurs, on n'ose les actionner, à cause (le leur crédict et authorité , ou de leur subtilité en l'art de chicannerie, qui est ung grand mal, et auquel il fault nécessairement pourveoir, aultrement le désespoir qui naistroit de telle injustice pourroit causer ung grand désastre.
Mais passons oultre, et retenons que le comble (le toute injustice et le grand desbordement est veneu par l'érection des présidiaulx et sièges royaulx particuliers, desquelz Henry II tira une
somme de deniers incroyable; et néantmoins tant s'en fault qu'il en ayt enrichi, qu'au contraire il a esté nécessiteux tout le long de son règne, qui n'a esté que de quatorze ans ; et pour le justifier, c'est qu'il a laissé son royaulme tellement endebté de son chef, qu'il est aysé à judger que la bénédiction céleste jamais n'a esté et ny sera parmy ceste négociation, et l'argent qui proviendra de ceste maulvaise marchandise sera l'or de Tholose (i), et produira quelque malenconstre à son maistre.
Quod Deus aveitat.
Ez règne subséquent on a , par plusieurs et diverses fois , mesmement sur les grandes plainctes faictes aux estats d'Orléans et de Blois (2), et en l'assemblée teneue à Moulins l'an i566, faict semblement de bannir et d'exterminer tout à faict ceste vénalité ; et pour retrancher l'effrénée multitude des officiers supernuméraires , on promit de ne pourveoir plus à aulcungs offices , jusques à ce que réduction d'iceulx soit faicte au nombre qu'ilz estoient du vivant du roy Loys XTI.
(i) Voyez la note, page i65.
(a) C'est évidemment une des additions de De Refuge. L'Hospital n'était plus lorsque les états de Blois furent convoqués.
DE LA RÉFORMATION DE LA JUSTICE. SSq
Mais au lieu d'effectuer ce vertueulx et louable dessein , on a tant multiplié les offices par crues nouvelles, tant ez compaignies soubveraines que subalternes, qu'il n'y a chambre, coing ny recoing au palais, grands ou petits, qui ne soit employé pour loger les judges et aultres officiers qui despendent d'eulx; et néantmoins on n'en peult tant créer ny mettre en vente, qu'il ne se trouve aussytost des achepteurs qui vendent leur patrimoine, engagent le bien de leurs femmes, de leurs enfans , de leurs amys ; prennent argent à gros intérest, et ne font aulcune difficulté d'enlever ceste marchandise sur l'asseurance qu'ilz ont de s'en rembourser bien viste aux despens de ceulx qui passeront par les mains de ces vénérables marchands d'offices.
Le sieur d'Argenton, chambellan du royLoys XI, dict que de son temps les particuliers vendoient les ungs aux aultres leurs offices, hormis toutesfois ceulx de judicature ; et c'est de là que doibt avoir pris son commencement ceste mauldicte négociation. Le mesme autheur s'estonne de l'ambition et avarice des officiers de son temps , qui estoient , dict il , si grandes, qu'en la ville de Paris il y avoit des offices sans gaiges qui feurent vendeus huict cens esceus, plus que montoient les gaiges de cinq années.
Considérez, je vous prie, comme la corrup-
36o TRAITÉ
tion monte petit à petit, jusques à ce qu'elle soit parveneue au faiste et période de toute impureté et dissolution, et combien il est dangereux de donner entrée et commencement à une maulvaise chose.
Ce bon et saige courtisan trouvoit estrange que l'on acheptast ung office plus que ne montent les gaiges de cinq années , et que l'on donnast huict cens esceus d'ung office sans gaiges dans la ville de Paris; et aujourd'huy il fault que je die que la fureur est si grande parmy nous , que depuis neuf ou dix ans que la paulette est inventée, ung office de judicature s'achepte plus que ne monteroient les gaiges, non pas en cinq ans, non pas en cinquante, non pas en cent, mais en trois cents ans ; car ung office de conseiller de la court ( afin de justifier mon dire ) se vend soixante mille livres et plus, de particulier à particulier : il ne luy est attribué que cinq cents livres de gaiges, lesquelles ne peuvent faire soixante mille qu'en trois cents ans; de manière qu'il fauldroit que monsieur le conseiller vesquit cest aage avec cest office, s'il n'avoit chose sur quoy se rembourser que sur ses gaiges ; et pour les offices de judicature sans gaiges, il y en a, non ez plus grandes, mais ez petites villes de ce royaulme, qui se vendent les six , sept et huict raille esceus, où n'y a pas ung teston de gaiges.
Ah, bon Dieu! que diront ceulx qui viendront après nous, quand ilz sçauront et verront telz prodiges? De quoy s'estonneront ilz plus, ou de l'ambition , ou de l'avarice et manie de ces achepteurs , ou de l'injustice du siècle , qui ne rougit non plus de ceste négociation , qu'ung maquignon qui met en vente , en pleine foire ou marché, son mulet et son cheval; ou de la folie grande en toute extresmité du peuple françois, qui vit parmy ce désordre, veoit que c'est luy sur qui tombe tout l'orage, et toutesfois est si stupide qu'il ne se corrige poinct, ains abreuvé de ce doulx poison de chicannerie , tout ce qu'il peult amasser de clair et de liquide , il vous le porte au palais et sièges de justice, pour soustenir les procez que les supposts de praticque luy font entreprendre , non pour son profict , mais pour leur intérest particulier; et bien souvent, quand mesme il remporteroit gaing de cause, il trouve que c'est une victoire cadmienne^ et que tout desduict, calculé et compensé, il en reçoit plus de dommaige que de profict, sans mettre en ligne de compte la perte de temps, qui pouvoit estre cent fois mieulx employé qu'à la poursuyte d'ung misérable procez ; sans aussy compter la fatigue des sollicitations , les indignitez qu'il fault recebvoir à faire la court à ceulx qui sont eslevez aux honneurs et dignitez à pro-
portion de leurs bourses, et qui ne font cas que des riches et de ceulx qui ont moyen de les rembourser peu ou prou de la finance de leurs offices.
Or, avant de concleure le propos de ceste vénalité qui a déjà causé tant de malheurs et fera bien pis si on ne l'extermine promptement, il me sera permis de dire en ung mot ce qui m'a meu mettre la main à la plume et traicter cest argument.
Je me suis proposé, à l'exemple de Salluste, homme de grand mérite et réputation, qui, après avoir exercé de grandes et honorables charges, veoyant la corruption de son siècle telle que tout estoit à vendre; que rien n'estoit en estime que l'or et l'argent; que les magistrats et plus grandes dignitez estoient teneues par les plus meschans hommes qui feussent lors; que la vertu, le sçavoir, la probité, l'intégrité estoient imputées à sottise et nyaiserie; qu'il n'y avoit que les larrons publics, hommes oultraigeux et violens, en crédict, feit judgement de la prochaine ruyne de Testât, et ne se trompa poinct; et pour ceste occasion se retira à l'escart hors les affaires publicques, ne pouvant veoir ny supporter l'insolence de ceulx qui estoient admis aux honneurs et magistrats à force d'argent, et non par leurs verlus; et néantmoins ne demeura pas oyseux et inu-
DE LA RÉFORMATION DE LA JlfSTlCE. 363
tile , ains mit par escript et représenta fort ingénieusement la corruption de son temps , et se rendit beaucoup plus profictable à sa patrie que s'il eust esté employé au maniement de quelque grande charge, qu'il eust achepté à beaulx deniers comptans , qui ne feut jamais son intention.
« Combien qu'ilz se trouveront, dict il, force sots et gens de néant qui n'ont aultre art et industrie que de médire et blasonner (fronder) les actions de ceulx qu'ilz ne sçauroient jamais imiter, qui diront que mon labeur est vain et infructueulx ; mais ce n'est pas à eulx que je veulx plaire, ains à ces belles et innocentes âmes, qui judgent sans envie les labeurs d'aultruy, et à la saincte postérité, qui, sans passion, prononcera sur le mérite de mon ouvrage, et luy donnera le tiltre d honneur espéré par l'autheur. » Atque ego credo fore j qui, quoniam decrevi procul arepiiblica œtatein agere, tanto tamque utili lahori nomen inertiœ imponant : certe quibus maxima industria videtur, salutare plebern et conviviis gratiam quœrere. Qui si reputaverint et quibus ego temporibus magistratum adeptus sum et quales viri idem assequi nequi^erint , et postea quœ gênera hominum in senaium pen^enerint , profecto existimabunt me magis merito quam ignavia judicium animi mei mutavisse^ majusque commodwn
ex otio quam ex aliorum negotiis reipublicœ venturum, (Sali. Bell. Jugurt. cap. II.)
Voilà, en peu de parolles, le motif de la justv douleur d'ung personnaige qui vivoit en ung temps où tout estoit vénal comme au nostre, et n'y arien de dissemblable entre luy et moy, sinon qu'il estoit d'éminent sçavoir, et emporta l'honneur de l'ung des plus célèbres orateurs et meilleurs historiens de son temps. Pour moy, je ne prends pas mon vol si hault.
Mecum habito, et novi quam sit mihi curta supelîex.
Mais pour le moins je n'ay pas moins de zèle au servyce de ma patrie , et feray veoir qu'en ma vie privée j'ay veillé pour elle , et si mes veilles recebvoient la bénédiction du ciel, que j'espère , j'auray atteint au comble de mes derniers vœux et plus chères intentions.
Au surplus, je me puis vanter d'avoir comme luy l'esprit, grâces à Dieu, merveilleusement libre; je ne prends, comme luy, aulcung plaisir à faire la court et idolastrer personne : je me contente d'honorer, rechercher et respecter les hommes vertueux et de mérite , et en cela je ne cède à qui que ce soyt.
Les vicieux et meschans, quelque riches et grands qu'ilz soyent, je ne les puis veoir de bon œil, ny rencontrer qu'avec desplaisir, veoire avec
mal au cœur. Pour la fortune, mesine rencontre à peu près ; car comme Tingratitude , l'extresme avarice, la vénalité des offices et magistrats le feit distraire de la respublicque, et luy mit, en haine de telles dissolutions et indignitez, la main à la plume, le mesme m'est arrivé.
Car sur la fin de l'année mil cinq cent quatre vingt dix neuf (i), estant retourné de Tholose, comme l'office de lieutenant général d'ung des plus célèbres sièges de ce royaulme, où j 'a vois celuy de président présidial il y avoit plus de douze années, vint à vacquer, je présentay ma requeste au conseil, par laquelle, conformément à l'ordonnance de Blois, je demandois cest office , demeurant celuy de président supprimé au profict du roy et du public. Deffunt monsieur le chancelier de Bellièvre et la pluspart des seigneurs du conseil du roy trouvèrent ma requeste de justice : mes servyces, ma suffisance judgée, par deux diverses fois , par les deux plus sévères compaignies de ce royaulme, Paris et Tholose; mes escripts publiez en ung temps où il failloit avoir de la vertu et du couraige, me recommandoient assez en ung meilleur siècle.
Néantmoins la vénalité et la cause du fisc pré-
(i) Ce passage a été évidemment ajouté par De Refuge. L'Hospital était mort en i573.
