TR4ITÉ

fera ung jeune homme qui luy apporta de vrav sept ou huict mille esceus, et le jeune homme ( cujus nomini nihil detraho , et pour son aage avoit de louables qualitez et belles partyes, s'il eust peu se donner ceste patience de les faire veoir en temps et saison) feut plus estonné de se veoir eslevé en ceste charge, qui m'appartenoit, que je ne feus de veoir mes servyces et fidélité, et quelque capacité acquise par tant de veilles, comptées pour néant, et imposées à une somme de deniers dont, de vérité, je n'avois pas faict provision; et quand j'en aurois dix fois autant, je ne les employerois pas à ceste marchandise, parce que je crois fermement que la vraye monnoye pour achepter les charges publicques, est la suffisance avec les fidèles servyces rendeus à sa patrie : toute aultre monnoye est de maulvais aloy, et ne sera recevable lorsqu'on vouldra faire justice.

Pour moy, je me contente, comme Caton , d'estre digne de la préture et du consulat, et de la veoir exercer par li'aultres qui ne les méritent pas si bien que moy.

Pellitur a populo victus Cato ; triatior ille est Qui vicit, fascesque pudet rapuis^p Catoni.

Tant y a que depuis ce temps )à j'ay eu tout le loysir de philosopher, de ma venger de ce

DE LA RÉFORIVIATJON DE LA JUSTICK. 36^

siècle d'argent sur ung livre, et de considérer le misérable estât de la France, qui se va perdre par ceste bresche , c'est à dire par la vénalité de toutes choses , mesmement des offices de judicature, et par les injustices incroyables qui dérivent de ceste source, au grand préjudice, désastre et malheur des autheurs d'icelle, et de tous ceulx qui en tirent les proficts, non seulement illicites et deffendeus, mais infâmes à Dieu et aux hommes.

Au demeurant, quelle vergogne de veoir de jeunes hommes se présenter avant le temps et avec une grosse bourse d'esceus , enlever les grands estats, qui ne peuvent estre teneus légitimement, ny bien exercez par gens inexpérimentez, et qui ne se sont pas vouleu donner le loysir ny la patience d'acquérir les qualitez convenables à la profession en laquelle ilz entrent par la cheminée, au lieu d'y entrer par la porte.

Et pourrions , à bon droict , renouveller la plaincte que faisoit ce consul romain dans Tite Live : No/i per honorum gradus docwnentum sut dantes nobiles tendere ad consulatuni , sed transcende ndo média sunima imis continuare.

Tant y a, pour conclusion, que, comme dict ung fort judicieux et digne personnaige qui est encores plein de vie, il fault, de deux choses

l'une, ou que l'injustice d'aujourd'huy, causée par la multitude d'officiers de judicature et par la vénalité des offices de judicature, soit exterminée, ou qu'elle nous extermine; qu'elle soit vainceue , chose fort aysée à faire , ou qu'elle soit victorieuse tout à faict, chose qui ne peult estre sans mettre Testât en péril.

Mais c'est assez pour ce chef; et fault venir à l'examen de l'aultre source d'injustice et d'une multitude infinye et longueur des procez, qui provient des espices et esmoluniens que prennent les judges pour vuider et expédier les procez qui sont meus et poursuyvis par devant eulx; et le faict est que ceste espicerie n'est pas de moindre conséquence que la vénalité, mais encore plus dangereuse, comme nous dirons cy après.

Premièrement, il fault tenir pour maxime indubitable que le prince soubverain est débiteur de la justice à son peuple; que judger et reigner, c'est la mesme chose.

IN^ous avons dict que le roy Salomon le monstra bien, quand, ayant le choix de demander à Dieu ce que bon luy sembloit, il luy demanda la sapience, afin, dict il, que je puisse judger droictement et faire justice à ton peuple, que tu m'as commiz.

Nous avons condamné la vénalité sur ce fou-

dément , et dict en passant qu'il fault avoir les mains nettes en matières de justice, laquelle, comme l'une des choses plus sainctes et sacrées qui soient au monde , ne doibt avoir aulcung commerce, ny pollution avec l'or et l'argent. Nous avons desja touchez ceste chose , qu'il ne fault pas seulement rendre la justice au peuple, autant aux petits qu'aux grands, sans acceptation (acception ) de personne , mais encore qu'il fault bien se garder de la luy vendre; ains le prince est obligé de la luy faire administrer gratuitement; et, parce que je sçais que personne ne le révocque en doubte, je ne m'arresteiay dadvantaige sur ce poinct , et pour ce coup, sinon pour monstrer d'où sont procédez tant de fraix, despenses et fatigues qu'il fault supporter, pour avoir justice; et cela faict, nous viendrons aux remesdes, et ferons veoir. Dieu aidant, le vray chemin pour retourner à ceste ancienne sincérité, bonne foy et simplicité, en laquelle il n'estoit parlé ny d'espices, ny d'esmolumens quelconques aultres que les simples gaiges (i), pensions et appoinctemens ordinaires et modérez pour judger les procez et rendre la justice.

(1) Voyez, pour ce mot gaiges, la note sur la harangue de Michel l'Hospital au parlement de Paris, le 1^^ septembre i56o, premier volmne de ses OEnvres complètes, p. 363.