PREMIÈRE PARTIE

De la dignité, pouvoir et authoiité de la justice, et du bonheur qu'elle apporte en ung estât.

JL NTRE tous les plus grands princes qui jamais ont esté au monde, et qui par leurs glorieux faicts ont laissé une louable mémoire de leurs noms, laquelle ne flétrira point, et en sera de bonne odeur en la bouche de la postérité , nous avons en singulière recommandation ceidx qui , après avoir, par la grâce de Dieu, pacifié les peuples à eulx soubmis, ont eu le soing particulier de réformer les mœurs de leurs subjects, despravées et corrompeues parle désordre et licence de la guerre, ou par l'impunité des crimes, ou par l'injure du temps , corruption et caducité des choses humaines, et, en ce faisant, les ranger

soubs l'empire de leurs loyx, soiibs la censure d'une bonne et forte discipline, et principalement soubs le bienheureux joug de la justice.

Judgeant bien que ce n'est pas assez d'appaiser les maulx et les troubles qui surviennent aux estats, lesquels bien souvent ne se reigisseut que par feu. sang et ravaiges incroyables : mais que le principal est d'oster la cause essentielle du mal, et arracher si l'on peult la racine, comme ainsy soit qu'entre les sçavans et bien expérimentez médecins, ceulx là sont bien de plus grand mérite, doctrine et expérience, qui sçavent prévenir les maladies, que ceulx qui les guérissent par leur art et à force de breuvages mal plaisans , saignées, incisions, cautères et autres applications de remèdes fascheux et douloureux, trouvent le moyen de remettre, après une longue patience, langueur et souffrance , ung corps en sa première ou du moins meilleure disposition pour les habitudes. Heureux les princes auxquels Dieu, par une grâce et faveur spéciale, a donné le moyen de réunir les membres séparez de leurs estats, et après leurs laborieux exploits et faicts mémorables ont triomphé de leurs ennemys, et, pour le couronnement de leurs œuvres et asseurer la paix envoyée du ciel, l'ont fondée sur les deux colonnes dédiées à l'immortalité, scavoir en la piété et la justice!

Ce grand Auguste, soubs lequel nostre Saulveur et Rédempteur vouleut vestir nostre humanité, estant déjà sur l'arrière saison de son aage, et néantmoins sain d'esprit, veoyant la terre universelle réduicte soubs les loyx et puissance de ses armes, appliqua toute son estude à réformer les mœurs; n'ayant poinct de honte de recommencer par soy mesme et aussy par le moyen des équitables loyx qu'il feit religieusement ob. server, et d'une bonne justice qu'il feit généralement administrer, tant en Italie qu'en l'estendue de son empire.

Aussy régna il le reste de ses jours en une profonde et solide paix, et laissa le plus grand,» riche et florissant estât en armes et en loyx qui feut et sera jamais.

Ovide, qui vivoit de ce temps, et qui veoyoit déjà ces choses adveneues, par une gentille invention, les représente en ces beaulx vers, comme s'il feust poussé d'un esprit prophétique :

Pace data terris, animum ad civilia vertet Jura suum, legesque feret justissimus auctor, Exemploque suo mores reget.

Les bons princes qui Tout suivy mesmement, les deux Antonins, Trajan, surnommé Père du peuple, et quelques aultres en fort petit nombre, se sont veus, par le moyen de leur juste domi-

nation , au comble de toutes sortes de biens , faveurs et bénédictions , et ont laissé la mémoire de leur gouvernement si vénérable, que les plus grands vœux des hommes seroient de tout poinct accomplis, si Dieu, par sa bonté paternelle, vouloit bien heurer leur siècle de la rencontre d'ung prince semblable à ceulx là.

Au contraire, les aultres empereurs, dont le nombre est fort grand, qui se sont plongez en l'abysme des vices, ont foulé l'honneur de Dieu et la justice aux pieds, et ont suivy leurs passions bestiales et déresglées , abusant par trop de Tauthorité soubveraine que Dieu leur avoit mise en main , se sont trouvez embarrassez de tant d'affaires, qu'eulx mesmes sont demourez soubs le faix, et aulcungs d'eulx se sont ensepvelis et ruynez ez cendres de leur patrie, sont et seront eulx et leurs semblables en exécration à toute leur postérité.

Je représenteray à ce propos avec Salluste une conception merveilleusement importante et remarquable, à sçavoir, qu'ez affaires de ce monde c'est presque tousjours ung circuit, une révolution et une mesme chose, et que de mesme source procèdent les biens et les maulx , les prospéritez et malheurs , les grandeurs et cheutes des monarchies et des républicques.

Gouvernez votre peuple comme ung berger faict

son troupeau , ou comme iiiig père de famille faict ses enfans; pourvoyez luy de magistrats craignant Dieu, non violens, non timides, ennemys d'avarice; gardez le de toute oppression et violence; faictes distribuer à chascung ce qui luy appartient, soit pour le loyer (prix, récompense), soit pour la peine, sans aulcune acception, vous aurez en ce faisant ung peuple obéyssant, voire si affectionné, qu'il ne vous fauldra point d'aultre garde que l'amour de vos subjects; vous aurez ung empire ferme et asseuré , et encore ung repos de conscience qui ne vault pas moins que la conqueste d'ung aultre royaulme, et finablement vous le transmettrez à vostre successeur, qui n'héritera pas seulement de votre couronne, mais de la bienveillance et amour de vos subjects, qui sont les plus asseurées richesses et inexpugnables forces qu'ung grand monarque scauroit jamais acquérir.

Que si le berger, au lieu de pourvoir aux Jiécessitez de son troupeau, le tondre doulcement et en saison convenable, le servyr et accommoder de sa laine qui luy est superfleue et ne luy est qu'à charge, il l'escorche et lui oste la peau, ce n'est plus ung berger, c'est ung tigre, c'est ung loup ravissant. Si le père, au lieu de gouverner libéralement ses enfans, les gourmande, les asservvt comme si c'estoient ses esclaves, et en tire

tout le SUC et la substance qu'il peult, ce nVst plus ung père, c'est ung bourreau, c'est uugennemy du genre humain. Si finablement, au lieu de gouverneurs et de bons officiers ou magistrats, le prince pourveoit et constitue aux charges et dignitez des hommes violens, ignares, rapineurs, cruels, avaricieux, et conséquemment remplis de toute sorte d'injustice, ce n'est pas grande merveille si la haine publicque s'en ensuit, qui est l'ung des plus grands tourmens qui soient au monde, et qui cause plus de désastres et malencontres.

Ung ancien disoit à ce propos, qu'après ung grand et absolu tyran vient ordinairement ung très bon et très juste prince, et en rend une fort pertinente raison. Quorum enim exitus perhorrescunt (dit-il), eorum vitam imitari non turpe inodo^ sed et niinis periculosum judicant.

C'est pourquoi vous veoyez ung infâme Néron immédiatement suivy de Galba, prince fort humain; ung luxurieux et prodigue Vitelle, d'ung Vespasien et puis de son fils Titus, princes fort vertueux, magnanimes et tempérez; ung cruel et avare Domitian, de cinq grands princes tout de suite, sçavoir est de INerve , de Trajan , d'Adrian, d'Anthonin le Débonnaire et d'Anthonin le Véritable. Après eulx ung insensé (^ommodus suivy d'ung sage Pertinax; ung monstrueux Ué-

liogabale, d'ung Alexandre, exemplaire de toute piété et justice; ung superbe et bestial Maximin, d'ung doulx et pacifique Gordian. Je ne m'estendray plus avant pour ce regard, parceque ce discours iroit à l'infiny. Tant il y a que telle a esté et sera tant que le monde sera monde, la conversion de toutes les monarchies qui ont esté du passé et qui seront cy après. Et toutesfois et quantes que vous appercevrez les vices extresmes, soit au prince, soit à Testât, concluez hardiment que bientost arrivera ung grand changement, ung périlleux orage et bouleversement en tel estât, si ceulx qui tiennent le gouvernail des affaires publicques, et qui ont le principal intérest, ne reprennent leur bon sens qu'une trop grande fortune et prospérité leur auroit osté, et s'ilz n'y donnent l'ordre convenable et remesde nécessaire. Nostre mesme Salluste attribue ( et il n'y a rien plus véritable) le bonheur et le malheur, non seulement des citez et des républicques, mais aussi des familles particulières, à l'ordre ou au désordre, soustient que tous changemens arrivent par l'ung de ces deux , qui rentrent tousjours l'ung dans l'aultre.

Et d'iceulx l'on veoit naistre plusieurs divers accidens bons ou maulvais. Quant à l'ordre, il est de longue durée, et très malaisé à détruire; l'aultre a ses mouvemens et ses fonctions si pleins

lO TRAITÉ

de violence et d'injustices , qu'il ne peult longuement durer; et les monarques, les gouverneurs des provinces et des citez, et les pères de famille, ne peuvent avec trop de soing, de vigilance et d'industrie , se travailler à rétablir l'ordre , quand son contraire est arrivé aux lieux où ilz ont puissance de commander et se faire obéyr.

C'est pourquoi les bons et fidèles serviteurs de ceste coronne doibvent incessamment supplier le roy de remesdier, sans plus user de remises, au grand mal que nous faict ressentir le désordre où nous sommes tombez; et tout homme de bien et bon François doibt contribuer à ce travail selon sa portée, mérite et capacité, ou selon le zèle , courage et vertu qu'il a pieu à Dieu luy inspirer.

Les Babyloniens avoient une loy exactement observée entre eulx, grandement louable, par laquelle il estoit ordonné de porter les malades au devant de leurs maisons, ou mesme au marché et place publicque, afin que les passans s'informassent de la qualité de la maladie, et que chascung donnast conseil au patient selon son sens et expérience; et ceulx qui avoient esté garantis de semblable mal, langueur ou passion, leur enseignoient amiablement et à la pareille les remesdes dont ilz avoient usé et s'en estoient bien trouvez. Par ainsy, les malades estoient charita-

DE LA RÉFORMATION DK LA JUSTICE. Il

blement bien secoiireus par leurs concitoyens, et celuy Jà estoit réputé ingrat, infâme et meschant, qui passoit par devant ung malade sans s'arrester à luy donner quelque consolation et secours, de faict ou du moins de parole.

Si ceste loy a esté trouvée juste et salutaire, et a esté tant exhaussée par toute l'antiquité, bien qu'il ne feust question que des maladies particulières, combien plus devons nous travailler pour secourir de noslre conseil, ayde et industrie la patrie qui est cheute en langueur et en chartre, atténuée, non d'aujourd'huy, mais de plusieurs années; non d'une seule, mais de plusieurs maladies contagieuses et pestilentes qui la menacent de sa fin , s'il n'y est promptement remesdié. Le remesde, nous le descouvrons, mais il n'appartient qu'à la majesté d'un grand , courageux, pieux et vertueux prince de l'appliquer.

L'ecclésiasticque déduira quand il sera temps les moyens de réunir les membres séparez de l'église; le marchand fera les ouvertures pour remettre le trafic et commerce; pour le regard de la milice et des armes, personne ne se hasardera d'en parler à la face de nostre roy, de peur d'avoir la mesme réprimande que feit le brave Hannibal à Phormion , qui se vouloit mesler de ce qu'il n'entendoit pas, et encores devant le plus grand capitaine de son temps.

Pour moy , je me lieiidray ez termes et limites de ma profession, et selon l'expérience que je puis avoir acquise par l'espace de vingt cinq ou trente années ez compaignies où j'ay eu l'honneur de veoir le cours du marché (comme l'on dict ), et par le travail de plus de trente cinq ou quarante années que j'ay employées ezbons livres grecs et latins, ayant creu fmais en vain) que c'estoit la vraie porte pour entrer aux offices et dignitez de judicature , ou aultrement servyr et estre dignement employé en Testât et monarchie en laquelle Dieu m'a faict naistre.

Je représenterai les vrays, légitimes et infaillibles moyens, non seulement d'abréger, mais retrancher la plus grande partie des procez, bannir à perpétuité l'injustice au peuple, sans faveur, sans craincte, sans acceptation, en somme, en toute intégrité, candeur et sincérité, pourveu que sa majesté le veuille, dont je suis très asseuré, et personne n'en peult douter sans offenser sa piété envers son peuple.

Geste promesse semble tenir du paradoxe, voire de l'impossible, mesmement aux plus spéculateurs , qui considèrent que la chicannerie a pris sa profonde racine en ce royaulme ; qu'il n'y a plus moyen de l'arracher; qu'il y a plus de cent cinquante ans que l'on commence à s'en plaindre, comme aussi de la multitude et Ion-

DE LA RÉFORMATION DE LA JUSTICE. l3

gaeur des procez. Pour à quoy remesdier, Charles sepliesme feit de belles et bonnes ordonnances, suyvies de plusieurs aultres, comme je le diray en son lieu, lesquelles, pour en parler franchement, à la vérité, ont augmenté le mal au lieu de le diminuer ou l'extirper, et montreray (ceste liberté, qui est sans vanité, me soit pardonnée) que l'on n'y a jamais mis la bonne main , et le bonheur de nostre roy a porté que ce sainct ouvrage lui est réservé, ou il ne tiendra qu'à luy. Je dis donc que ce qui rend non seulement tous estats, républicques, citez, familles, mais encore chascung homme particulier heureux ou malheureux, sain ou malade, bon ou maulvais, sage ou fol, juste ou injuste, doué de bonnes ou maulvaises qualités et conditions , c'est l'ordre ou le désordre. Cette maxime est des plus certaines , et se vérifie généralement en tout ce qui se trouve en l'univers; et de faict, y a il chose au monde qui estant hors de son lieu, rang et situation naturelle, ne soit incontinent ^en inquiétude, tourment et vexation? Quelle violence, quel ravage, quel tintamarre faict l'élément quand il est hors de son centre! Tirer le poisson de la mer, et lui oster la vie , est ce pas une mesme chose? Plongez y l'oiseau du ciel, il y sera tout aussitost suffoqué. L'os estant hors de sa joincture et boëte naturelle, quelles douleurs.

l4 TRAITK

quels symptosnies, quels estranges accidens cause il? ÏJi bile desgorgée de son canal, et répaiideue par le corps, combien produit elle d'infirmités dangereuses, et quelquefois inexpugnables? La rate enflée de trop de sang qu elle attire faict elle pas dessécher et mourir toutes les aultres parties du corps? et puis elle mesme crève et se ruyne de trop d'abondance. En somme , les humeurs du corps humain, quand ilz oultrepassent certaine mesure, et sont hors de ceste proportion et tempéramment naturel qu'ilz doibvent avoir, causent des douleurs, des symptosmes et accidens estranges, veoire souvent la mort de plusieurs, quand par l'art du médecin ilz ne peuvent estre ramenez à une bonne température , et que le mal est si grand et si insupportable, qu'il surmonte la vertu de toutes sortes de médicamens et applications de remesdes.

Et pour le regard des passions, affections et appétits sensuels , quels estranges mouvemens apportent ilz à l'ame qui en est possédée? Est il pas vray que, non seulement elles lui ostent ceste divine clarté, corrompent et obscurcissent le jugement, veoire bien souvent la mettent hors de soy? Une passion amoureuse, une frayeur panique ou aultre extraordinaire, une aveugle et desmesurée ambition, Tyvresse d'une trop récente et trop favorable fortune, une avarice in-

satiable, une vengeance désordonnée, combien ont elles produict d'effects lamentables, perdeu et ruyné de grands et illustres personnaiges, des puissans estats, des provinces, villes et lépublicques florissantes? D'où vient cela? De nulle aultre chose, certes, sinon que la vraye économie de ce petit monde qui est l'homme, recueil et abrégé de l'univers, dont la structure est si admirable, est troublée, gastée et renversée misérablement, et que les subjects, qui sont les passions, les cupiditez et afflictions sensuelles, veulent donner la loy et commander à la raison , qui néantmoins est leur royne, dame et princesse soubveraine, à laquelle naturellement appartient l'authorité, le pouvoir et l'office de commander et d'estre obéye. Et où cela est , il fault bien croire que cela va par ordre, par compas, par reigle, et vraye police; et par une suite nécessaire, tout bonheur et félicité y abonde.

Là où tout au contraire l'esprit désordonné et desréglé porte ses gehesnes, tourmens et croix, quand et soy et à soy mesme est sa peine et supplice ; et quand il n'auroit pas d'aultres ennemys que ceulx qu'il nourrit et entretient chez soy, il n'a jamais faulte de très fascheux hostes et très laborieux exercices.

Ce discours, qui se traicte ailleurs tout au long, ne peult ores passer plus avant, et me contenle-

l6 TRAITÉ

ray de dire que ceulx qui volontairement se ranojent sous l'obévssance des lovx divines et humaines vivent en ordre , et par conséquent en paix et repos asseuré; sitost qu'ilz en sortent, ilz perdent l'ordre et la paix tout ensemble.

Et sans aller mandier les histoires estraneères, les guerres civiles, les particularitez et souslèvemens populaires que les chroniques de ce royaulme nous tesmoignent estre arrivez en divers siècles pour raesnies subjects, celles aussi que nous avons veues de nostre temps servent de garantie et d'authorité à ce discours, qui se peult encores appuyer par la raison de ces maximes et résolutions politicques, à sçavoir , que la confusion et le désordre principalement en la justice engendre de l'impunité des vices, apporte la licence de les commettre. Cette licence faict naistre la désobéyssance des inférieurs à leurs supérieurs , avec le mespris des loyx et des plus sainctes ordonnances. De cette obéyssance et mespris procèdent final^lement le désespoir, la haine publicque et la conspiration des subjects vers leur prince, et les conspirations mettent souvent les vies et les estats des soubverains en hasard; et puis Dieu le permet ainsy , qui tant de fois répète en Tescriture qu'il ruynera les principaultez du monde pour les impiétés et les injustices des ministres, et les transférera ou de nation à aultre,ou

du moins de famille à aultre ; que les soubverains doibvent bien estre en destresse , au livre ouvert de l'univers : il y a tant d'exemples anciens et modernes pour cela, que toute personne ayant des yeulx et ung peu de mémoire me deschargera volontiers de ce soing de luy en produire aulcung.

Il est donc nécessaire de rappeller l'ordre , et le restablir comme protecteur de notre repos, chassant son contraire par la réformation des abbuz qui l'ont introduict , puisqu'il demeure pour reigle infaillible et indubitable, que de la confusion s'engendre la division , laquelle dissipe et ruyne les estats, les respublicques , voire les familles grandes et petites.

L'ordre au contraire et bonne conduicte les conserve, et bien souvent amène avec soy la bonne fortune.

Tout ainsy que le bon médecin (i), quand il est appelle pour la guérison d'ung corps cacochyme, corrompeu et remply d'une infinité de maulvaises humeurs, qui ne le menace rien moins

(i) La médecine commençait alors à jouir de quelque considération , et c'était plutôt une routine qu'une science. La chirurgie était encore moins avancée. Ambroise Paré, contemporain de l'Hospital , en fit un art. Charles IX en encouragea les progrès par des privilèges. Les apothicaires étaient encore confondus avec les épiciers.