I- Inéd

l8 TRAITF.

que d'une longue, griefve et prochaine maladie, veoire d'une mort misérable, s'il n'y estpourveu par l'industrie, sagesse, et prévoyance d'iceluy.

Il ne commence pas du premier coup par médicamens purgatifs et violens, mais il prépare ce corps par juleps, apozèmes et breuvaiges faciles à prendre , retranche peu à peu cette crapule et manière de vivre dissoleue et désordonnée, qui causoit cette plénitude et grande superfluité d'humeurs corrompeues ; ordonne une aultre forme, non toutesfois trop exquise, avec ung exercice opportun et modéré.

Si ce régime ne proficte ou ne suffit pour réduire ce corps à une saine et bonne température, il vient à l'ouverture de la veine, puis aux médicamens plus forts , selon la portée , force et qualité du personnaige ou du mal; le tout petit à petit, avec judgementet deue prévoyance, et jamais ne hazarde rien tant qu'il peult par les voyes doulces et amyables à nature, pour parvenir à son desseing qui est la guérison de son malade.

Toutesfois si le mal est pressant, la maladie aiguë, fascheuse et mortelle, il practique tout ung aultre ordre et manière de faire , estant bien certain que, s'il suyvoit l'ordre cy dessus deduict, il mettrait bientost le malade au tombeau, au lieu de le guérir.

Les extresmes maladies sont ennemyes des remises et de procrastinations (i), et ne sont jamais surmontées par remèdes doulx, faciles et légers. Le chirurgien qui applique ung cautère, ou qui par fois faict couper ung bras ou une jambe tombée en gangrène, tant s'en fault qu'il doibve être blasmé , ou qu'il soit cruel , inhumain, qu'au contraire, il le fault tenir pour charitable et miséricordieux , d'autant que par l'incision de cette seule partie gastée, incurable et inutile, il saulve tout le corps , qui couroit à sa ruyne et perte inévitable; de sorte que, selon les divers accidens et occasions de maulx, d'ulcères, de maladies incurables, il fault que le saige et expérimenté médecin change de façon de faire, et sache accommoder son art et labeur avec grande prudence et discrétion.

Tout de mesme le saige prince ou les gouverneurs d'ung estât ou grande cité, comme il s'apperçoit de quelque murmure et grand mescontentement de son peuple , qui pourroit aboutir, s'il n'y estoit pourveu, à quelque émotion, révolte et faction populaire, il tasche premièrement par remontrances, par doulces paroles et persuasion , et quelquefois par la représentation

(1) Ajournement au lendemain.

de la seule aiithorité, d'appaiser cette division et mutinerie, par toutes promesses convenables au temps, au lieux, et aux persormes, et par ceste modération, le lénitif tempérament praticqué bien à propos laict bien souvent tomber les courages, remet les volontés et les esprits effarouchez et débauchez en leur bon sens.

Et s'il trouve que le malcontentement soit fondé sur quelque cause légitime, à laquelle il soit nonseulement raisonnable, mais nécessaire de pourvoir, il ne s'oppiniastre point sous prétexte de sa puissance absoleue et soubveraine à ne rien relascher, de peur qu'il ne soit veu céder à la volonté d'ung peuple irrité, et ne croit point le conseil de ceulx qui, avec ung sourcil d'audace, accompaigné de force paroles , bravardes advantageuses et mal saiges, luy conseillent de ne modérer en chose quelconque, et qu'il y va de son honneur de se roidir et rendre inflexible en telles occurrences.

Ains, au lieu d'adhérer à tels esprits de perdition et de malencontre, veult, par une bonté paternelle, cognoistre du mérite de l'affaire qui cause cette altercation, en préférant la clémence à la rigueur et sévérité dont il pourroit bien user s'il voulait , faict, par sa doulceur et saigesse , cesser tous ces orages, ramène le calme et la tranquilité parmy ses subjects, lesquels s'alloicnt

perdre, et mettre tout son estât en branle, si Ton n'y eust destrement pourveu.

Bien est vray que si la voye de doulceur ne suffict pour retenir les factieux, ou mal vivans , à la discipline, reigle et température de ses justes loyx, ordonnances et commandemens, il vient (bien à regret) aux médicamens, purgatifs et remèdes plus forts et violens, pour surmonter en tant que faire se peult l'aigreur et la malignité de la maladie, et réserve seulement les extresmes remèdes pour les extresmes et dernières nécessités.

Voilà justement la procédure qu'il fault tenir quand le désordre est adveneu; mais cela est trop général.

Il fault venir au particulier, et à cest effect poser pour maxime vraye et indubitable que l'ordre ou désordre qui est aux monarchies, citez et respublicques, émane et procède nécessairement de justice, soubs le nom de laquelle je comprends la piété, qui est inséparable; ou l'injustice, qui ne s'esloigne jamais d'impiété , d'irréligion, d'hypocrisie, de superstition, veoire d'athéisme.

Tout homme qui a vrayment la craincte de Dieu empreinte dans son ame, ne veult rien de l'aultruy, rend à Dieu ce qui luy appartient, et ne faict à aultruy que cela mesme qu'il vouldroit qu'on lui feist, et cela s'appelle faire justice , et

accomplir en ce faisant le premier commandement de loy de Dieu.

Voilà certainement qui est bien sommaire, et qui néantmoins est la reigle, je ne diray pas seulement du chrétien, mais de tout homme vivant sous la lumière de la simple loy de nature, et avec quelque raison.

L'homme, au contraire, qui, non content du sien, ravit sans respect de prince, de magistrat, ny de loyx quelconques, l'honneur, le bien, la bonne renommée d'aultruy , opprime l'innocent, machine contre son prochain , contre son prince, contre ses supérieurs, contre sa propre patrie, bref, contre tous droits divins et humains , c'est ung vaisseau rempli d'infection, de malédiction, et mesme de toute injustice.

Et pour montrer que l'homme juste se maintient avec ordre, reigle et police, c'est qu'il vit en repos de conscience, ne sent aucun trouble ny répugnance en soy ; a la raison pour compaigne, dame et maistresse de ses actions; crainct beaucoup plus d'offenser Dieu que les hommes , et finalement, s'il est constitué en quelque dignité, il fault faire estât que ses justiciables et inférieurs non-seulement luy obéyront sans force et sans contraincte, mais encore se conformeront petit à petit et comme insensiblement au naturel, mœurs et discipline de cest homme vertueux.

DE LA. RÉFOllMATÎON DK LA TUSTICF. 'l3

Il y ayant rien plus flexible, duclible et attrayant que la conformité de vie des petits avec les grands qui ont commandement sur eux.

Nec sic inflectere sensus Humanos edicta valent, quam vita regentis : Mobile mutatur semper cum principe vulgus.

C'est ce qui faict que, comme la bonne vie et actes vertueux des grands sont bien de plus grand mérite et recommandation, aussy leurs crimes et maulvaise vie est bien de plus grande conséquence, et trop plus punissable envers Dieu que celle des petits, parce que les grands du monde, quand ilz font mal , plus exemplo quam peccato no cent.

A ce propos, Platon, Aristote, Plutarque et tous les aultres politicques, nous ont laissé par escript, que tous, telz que sont les principaulx et gouverneurs de la cité, telz sont ordinairement les citoyens.

L'histoire du passé nous apprend, et l'expérience journalière nous le justifie, non seulement ez cités, mais encore ez maisons particulières, où nous recognoissons les domesticques de confiance au moule, reigle et l'exemple du maistre ou maistresse de la maison.

Si donc le prince soubverain d'ung grand estât est de ceste qualité, il est luy mesme la loy, la reigle et le formulaire de ses subjects. Sur ce pa-

tron sont formées leurs mœurs, beaucoup mieulx et plus seurement que sur toutes les plus sévères ordonnances qu'ung prince mal vivant scauroit jamais publier.

Si (les magistrats sont aussy par luy choisis, mis et constitués aux charges publicques, non pour leur argent, faveur ou crédict, ny à l'appétit et recommandation d'aultruy, mais seulement par leur mérite, sçavoir, intégrité, et àultres louables conditions, il fault espérer de telz personnaiges tous exemples de piété, de religion, de justice, de sincérité, de tempérance et aultres insignes vertus.

Il fault aussy croire qu'ils feront premièrement servyr à Dieu, selon la pureté de sa doctrine, feront obéyr le prince soubverain, non par craincte servile, mais amour filial, et feront ployer grands et petits soubs la justice, censure et doulce correction des loyx politicques du royaulme, us et coustumes de chascune province particulière, et par ainsy chascung ayant le sien selon son rang, chascung estant mainteneu en ses droicts, chascung jouissant, selon sa portée, des agréables et savoureux fruicts de la paix, et du bénéfice de la société publicque, si justement et saigement gouvernée, naistra cest ordre que tant nous recherchons, cause de toute félicité, bonheur et prospérité mondaine.

D'aultre costé, si les princes soubverains, gouverneurs, magistrats et aultres supérieurs, quelque grands et puissans qu'ilz puissent être, sont sans craincte de Dieu, sans foy, sans piété, sans religion; sont cruels, avares, injustes, violens, serfs de leurs affections et esclaves de toutes sortes de vices, ô bon Dieu! qu'ilz auront bientost ung monde de sectateurs volontaires, qui les imiteront non seulement en leurs faicts, mais aussy en leurs paroi les , veoire jusques à leurs contenances plus particulières.

Mais tout le mal n'est pas là; ains le pis est que telz princes choisissent ordinairement des officiers de mesme humeur et naturel qu'eulx, qui, pesle mesle, ravaigent le public, oppriment l'innocence non deffendeue, ne craignent pour tout que les meschants, et les attirent à eulx par bienfaicts, faveurs, et toutes sortes de gratifications, ont pour suspects les genz de bien, tournent en risée toute religion, se mocquent impudemment de la justice, et la foulent à beaulx pieds; en authorisant les injustices, font multiplier les crimes à l'infiny , à cause de l'impunité d'iceulx.

Bref, tout y est en discord , en désordre , et diroit on proprement que c'est ung pays de conqueste, où tout est au pillaige, tout est renversé, tout est exposé à l'injure du plus violent, du plus caut, du plus rusé, du plus raeschant.

Au demeurant ne iault rien attendre, ny espérer d'ung tel estât que troubles, divisions, massacres, brigandaiges, guerres intestines, saccagemens , boule\ ersemens , révoltes , ruynes et désolation, si Dieu, par sa bonté infinie, ne regarde (à la prière de quelques genz de bien qui peuvent rester) tel estât ou monarchie de son œil de miséricorde, touche le cœur du prince, et, comme d'une profonde léthargie, le remet en son bon sens, et le régénère en une aultre créature; ce qui n'arrive guères, et se trouvent bien plus de Pharaons que de princes semblables au pénitent David et aultres, qui, par contrition, humilité et changement de vie, ont destourné l'ire du Tout Puissant de leurs chefs et de leurs sceptres.

Nous avons bien force exemples de princes qui, de bons, modestes et tempérez, sont deveneus superbes, meschans et tyrans; mais que de meschans se soient, par une saincte métamorphose, réformez en bons et vertueux princes, le nombre est fort petit.

Le Tacite dict à ce propos que Vespasianus soins omniiun ante se principuin in melius mutatus est (i), et luy mesme s'en estonne, parce

i) Corn. Tant. Hist. Ub. IV.

DE LA RKFORMATfON DK LA JLSTICE. 27

qu'il est bien plus aisé, à cause de la proclivité et inclinaison de nostre nature, de passer du bien au mal, que de rétrograder du mal au bien.

C'est une belle leçon et advertissement pour les princes, qui se doibvent représenter qu'ilz sont justiciables de ce grand Judge, qui rejettera siu* eulx le tort, l'excès et violences faicts impunément par eulx ou leurs officiers au moindre de leurs subjects; les punira pour les transgressions de sa loy, pour les injustices et le sang de l'innocent, sur eulx ou leur postérité, jusques à la troisiesme et quatriesme génération; afin qu'ilz ne se flattent poinct sous les piperies et esprits de séduction et faulx prophestes, qui leur vouldront, pour les flatter et les perdre tout ensemble, annoncer aultre doctrine.

De ce que dessus résulte pour constant, certain et asseuré, que le bien ou mal estre, l'heur ou malheur, la manutention ou la ruyne des estats ou principaultez du monde , procède de la justice ou de l'injustice, l'une causant l'ordre, la police et la paix ; l'aultre traisnant quand et soy le désordre, la guerre, le renversement des loyx et de toute bonne police.

Si cela est, il se fault donc garder de toutes sortes d'injustice, d'oppression et violence, de peur que, par une meilleure conséquence, elle ne nous attire à sa ruyne, qui n'est pas moins

inévitable que la parolle de Dieu est éternelle et véritable. Et, au lieu d'injustice, embrassons avec ung zèle et amour de charité ceste belle Astrée, qui faict reigner les roys, asseure leurs sceptres, faict florir leurs couronnes, les rend inviolables, comble et remplit les peuples qui la révèrent de toutes sortes de biens, richesses et prospérité.

Je diray plus, que tous les grands du monde doibvent sçavoir et retenir que la justice et le bon prince sont relatifs et inséparables; et que dès lors qu'ung prince entre au gouvernement de soû estât, il se charge au mesme instant dé rendre une bonne, briefve et sincère justice à ses subjects, doibt croire, avec sainct Augustin, que c'est la justice seule qni donne le nom à son royaulme, et que le pays où la justice n'est pas exercée comme il fault, ains au lieu d'icelle l'injustice y abonde, ce n'est pas ung royaulme, c'est ung vray brigandaige , c'est ung vray coupe gorge , c'est une pure et manifeste tyrannie.

Qu'ainsy ne soit, dict il, qu'est ce qui faict que tant de milliers d'hommes de diverses contrées, langues, mœurs, qualités et conditions, se rangent si volontairement sous l'empire, sous la loy et domination d'ung seul ? sinon la justice, qui veult que l'on rende à chascung ce qui luy est deu, en commençant en premier lieu à Dieu,

nostre Créateur, auquel, ajuste titre, le premier degré d'honneur, d'amour et d'obéyssance appartient; puis aux princes terriens, et, de degré en degré, à ceulx qui nous sont proposez pour nous régir, nous policer, nous protéger, nous garder d'oppressions.

Ce taisible consentement des peuples et des nations et ceste convenance générale vient du ciel; c'est la vraye harmonie du monde, laquelle entretient d'ung lien ferme et asseuré la société des hommes, rend heureux et les supérieurs qui commandent toute doctrine, et les inférieurs qui obéyssent en tout debvoir, respect et fidélité de bons subjects.

Mais sur tout se fault bien donner garde que ceste belle harmonie ne soit jamais dissoulte par son contraire; car elle ne produiroit que désobéyssances, rébellions, malheur et désolations extresmes.

Tant y a que le premier et principal office des roys et des judges est de faire justice, sans laquelle ce nom ne leur peult convenir.

Philippe, roy de Macédoine, le recogneut bien, quand une pauvre vieille s'estant adressée à luy pour luy faire une plaincte et demander justice, luy ayant doulcement respondeu qu'il avoit pour lors d'aiiltres affaires et ne la pouvoit cscouter,

3o TRAITÉ

la vieille s'escriant, luy dict hault et clair: Cessez donc, Philippe, d'estre roy, et quittez la place à ung aultre.

Tant s'en fault que ce prince débonnaire se courrouçast de ceste franchise, qu'au contraire ce resproche luy toucha vivement au cœur, et songea que ceste pauvre créature avoit raison, de manière qu'il retourna tout court, luy donna audience et luy feit justice.

Le bon empereur Adrian en feit ung jour tout de mesme : estant monté à cheval pour aller en quelque expédition militaire, print la patience d'ouyr les remontrances d'une pauvre femme qui luy demandoit justice; il la luy rendit à l'heure mesme, postposant (i) toutes aultres affaires, bien qu'ilz feussent grandement importans au public

De faict les premiers roys ne feurent jamais créez par les peuples pour aultre occasion, tient Hérodote, Justin et plusieurs aultres bons autheurs, sinon pour faire cesser toutes violences, outraiges, torts et injures parmy leurs subjects, protéger les innocens, les impuissans, les pauvres, les pusillanimes, contre les entreprinses des plus forts, plus riches, plus puissans, cauts, sub-

(i) Ce vieux mot n'est plus d'usage, et n'a pas été roinplaeé.

DE LA RÉFORMATIOIV DE LA JUSTICE. 3l

tils et industrieux, et rendre justice à tous, sans exception de personne.

Aussy estoient ilz appeliez du nom de judges, juris redditores , rendeurs de droict au peuple, et qui leur font justice; et n'y a rien de si fréquent dans Hésiode, témoing quand il taxe les judges qui, de son temps, se laissoient corrompre par présent pour des injustices, qu'il appelle y wJ/c65 donivoros ^ judges mangeurs de présent.

Homère les appelle ordinairement populorum pastores, pasteurs des peuples, parce que les bons judges, roys et gouverneurs des peuples, doibvent en avoir le même soing, que le bon pasteur a de son troupeau.

Et Platon, au cinquiesme des loys, soubtient qu'il n'y a rien, au monde plus convenable à ung bon prince que de faire justice; et cela est si véritable , que mesme il la doibt préférer à son profict et particulier intérest.

Qu'ainsy ne soit, ne voyons nous pas que, plusieurs siècles devant Homère, Minos et Éacus, qui notoirement ont possédé de grands empires, n'ont jamais esté grands, jamais esté honorez par leurs peuples, ny par toute la postérité, d'aultres plus magnifiques tiltres d'honneur, tiltre de majesté, tiltre de salut, tiltre de bon augure, quand il est accompaigné d'iuie bonne ame.

Il n'y en peult avoir ung plus grand, plus auguste, plus royal parmy les hommes.

Pour le monstrer, c'est que l'Éternel ne refuse point le nom de judge; mais, par toute l'Escriture,nous trouvons ceste appellation luy estre adaptée avec ces beaulx mots, de juste, de fort et patient, qualités grandement nécessaires à ung bon judge, s'il veult, comme il doibt par la nature de sa charge, tenir la balance droicte, sans faveur, sans craincte , ny aultre passion quelconque, et s'il veult judger avec grande cognoissance de cause.

Il ne fault donc pas s'esmerveiller si le peuple de Dieu, qui a esté plusieurs siècles gouverné, conduict et manié par des judges, s'est bien trouvé de ceste forme d'administration; car c'estoit Dieu mesme qui gouvernoit sous le ministère des judges, comme il le tesmoigne à Samuel , le dernier d'iceulx. Et tant que ce gouvernement continua parmy les Hesbreux, ilz régnèrent en grande tranquillité.

Mais finablement, enyvrez d'une trop doulce et favorable fortune, et ne pouvant plus se contenir en leurs prospérités (qui est parmy la plupart des hommes trop plus insupportable que les afflictions et adversités ) , ilz commencèrent à regimber comme le cheval trop gras, abandonnèrent Dieu le créateur, lequel, pour punition

de leur ingratitude et prévarications, les permet tresbucher en toutes sortes de rencontres et désolations par l'esloignement de sa justice.

C'est ce qui a donné subject aux poètes, qui par leurs fictions poétiques prennent plaisir d'envelopper la vérité de toutes choses , de dire que la justice a esté la dernière de toutes les vertus qui a abandonné la terre et a remonté au ciel , dont elle estoit premièrement veneue :

Ultima cœlestum terras Astraea reliquit.

Tant est qu'il n'y a rien en quoy le prince soubverain se puisse rendre plus agréable envers Dieu qu'en faisant justice et jugeant équitablement, ny en quoy sa divine majesté soit plus offensée que par l'injustice, à cause de laquelle il menace les cités, les royaulmes et les familles particulières de toutes malédictions.

Là où ceulx qui feront justice, il leur promet toutes sortes de bénéfices et bénédictions mondaines. In benedictione erit semen justi, florebit ut palma , sicut cedrus amplificabitur ; hujus neque spes destituetur j neque semen conspicietur inendicare panem : hic hœreditario possidebit terram et ea quœ Deus prœparavit diligentibus qiiod justitiam omnibus rébus prœposuerit.

L'empereur Auguste n'ignoroit pas ceste saincte doctrine, duquel nous lisons qu'il estoit si as-