Inéd. i
2IO TRAlTl';
tueuses, honnestes et de justice; foulant aux pieds les sales voluptez, et les rangeant, malgré qu'elles en ayent, soubs l'empire et le pouvoir de la raison.
Le bon Samuel estoit vrayment doué de ceste vertu; et c'est aussy ce qui le rendoit recomraandable en son gouvernement et en ses judgemens.
Ses enfans, establis et constituez par ce sainct personnaige pour judger sur tout Israël, se fourvoyèrent bien viste du chemin du père, ouvrirent la porte aux présens, et, par une nécessaire conséquence , aux injustices; donnèrent des judgemens iniques en faveur et à l'appétit de ceulx qui plus leur donnoient; qui feut cause de leur totale ruyne et du changement d'estat , comme il est arrivé assez d'aultres fois, et arrivera tousjours pour semblables occasions.
On ne veit jamais de magistrat adonné à l'avarice et aux présens, qu'il ne feust plein d'injustice; aussy le psalmiste le met ensemble et ensuite l'ung de l'aultre. In quorum manibus iniquitates surit, dextera illorum repleta est muneribus.
Hésiode, poète fort ancien, appelle les judges corrompeus par présens, Baci^yiaç ^ojpoçayouç, reges seu judices donivoros , et les déteste merveilleusement, et non sans cause, certes; car entre tontes les meschancetez des hommes, il n'y en
DE LA RÉFORMATION DE LA JlfSTICE. 211
a poinct en laquelle Dieu soit plus offensé que par le judge corrompeu.
On se met à couvert contre ung meurtrier, ung furieux , ung ivrogne ; on se donne garde d'ung brigand , on s'en garantit et s'en deffend on par le soing que l'on y prend.
S'il arrive qu'ung bandoulier (i) vous oste vostre or et vostre argent, vous ne vous plaignez que de vostre maulvaise fortune; car d'ung brigand il n'en fault pas espérer aultre chose : mais, pour le moins, il se cache, il ne vous vole pas publicquement, et vit en perpétuelle appréhension de la rigueur et peine de la loy, s'il est une fois attrapé.
Le judge corrompeu, au contraire, soubs ung maintien de modestie, de saincteté, de gravité, vous oste vostre bien et vostre honneur, veoire vous met, selon les occurrences des accusations praticquées et artifices des meschans, entre les mains d'ung bourreau; le tout néantmoins soubs voile de justice, et au partir de là, le concussionnaire triomphe des gens de bien , qui de toutes
(i) Voleurs de campagne marchant en troupes, ou avec armes à feu. On nommait spécialement ainsi les bandes de brigands qui infestaient les Pyrénées, et portaient un baudrier d'une forme particulière, qui a été adopté pour les principaux régiments , et qui est encore en usage poin- les gardes -du -corps.
parts sont exposez à l'injure , comme aussy de l'impunité des meschans, qui sont en hault cresdict et bien veneus auprès de luy, et des despouilles de plusieurs bons citoyens qui sont destruicts pour enrichir le meschant, ses satellites, associez et confédérez.
Heureux sont ceulx qui ont les âmes nettes comme les mains, et qui, par une vraye magnanimité, rejettent généralement toutes sortes de présens, sans nul excepter, comme les appasts, les hameçons et les instrumens de toutes impuretez, vilainies, meschancetez et iniquitezî
A ce propos, je trouve par escript qu'il y a en la mer ung poisson, que les Latins nomment torpédo (torpille), qui est d'une estrange qualité et propriété; car si le pescheur le touche, il luy endort premièrement le bout des doigts, après toute la main, et peu après le reste du corps, et engendre une stupidité en tous les membres; de sorte que le pescheur, pour se garantir de ce danger, n'a d'aultre meilleur remesde que d'ouvrir la main, lascher la prise, abandonner les rets et fdé, comme dict le poète Claudian :
Prœdamque rebellem Jactat, et amissa redit exarmatus habena.
Il advient presque le semblable à ceulx qui salissent et souillent leurs mains à prendre : car
DE LA RÉFORMATION DE LA JUSTICE. 2l3
ce vernis coule de telle sorte de la main en l'esprit, qu'ilz deviennent comme paralytiques; leur judgement est corrompeu; ilz ne peulvent discerner le vray du faulx, et enfin se rendent, par leur avarice et aultres passions desreiglées, inhabiles à bien faire, et pernicieux membres de leurs citez et respublicques.
La raison de cela est que leur esprit, tout ainsy que leurs mains, est comme enchanté de ces dangeureux charmes, et n'est plus en sa liberté naturelle. Benejîcïum accipere libertatem vendere est.
Ains despend de la volonté et mouvement de celuy à qui il s'est asservy, en se souillant de ses présens. Sic corruptus judex , j'am non suus , sed altcrius., Ubidini sennt alienœ , et jus nonexconscientia qiiam vendidit^ sed ex inunerwn fide , conditioner pondère metitur et adstruit. Car ce qui faict dir à Horace que
Maie verum examinât omnis Corruptus judex.
Et, de faict, ces opinions, préoccupées et achep' tées par diverses sortes de corruption , sont tellement imprimées en la fantaisie de ces preneurs , qu'ilz sont eulx mesmes pris, et reçoivent bien souvent des fables pour histoires, des impostures pour véritez , et les vices les plus énormes pour les plus haultes et éminentes vertus.
2J4 TKAIïÉ
In prœoccupatis btneficio animls quis uriquam credat vero crimini locum superfore ^ dict Tite Live en la cause de Marcus Manliiis Capitolinus.
Il estoit, par la loy de Dieu, deffendeu aux prophètes et aux judges de prendre aulcung présent. C'est ce qui faict dire à Eusèbe , qu'il ne tient poinct pour prophète celuy qui prend des présens et de l'or ou de l'argent.
Et, par la loy des Douze Tables, il estoit deffendeu aux judges et aux arbitres, sur peine de la vie, de prendre chose quelconque des partyes pour les judger. Pourquoy cela? Parce qu'il n'y a poinct de lieu , raison , ny place pour la justice, où l'or, où l'argent sont en cresdict et resputation. Auro loquente , ratio quœvis est irrita. Aurum sola specie sua suadere novisti etiam tacens.
Est remarquable le dire de Plutarque, qu'il y a beaucoup de temples où l'or n'entre jamais; et ceulx qui en ont, le doibvent laisser en dehors, afin de ne souiller, par ce métal prophane, les lieux desdiez à la Divinité. Et d'aultant, dict il, que la tribune aux harangues et le siège présidial est ung temple commun à Jupiter, conseiller et protecteur des villes, et à l'équité et justice : avant que d'y mettre le pied, despouille dès à présent ton ame de toute avarice , de toute
DE LA RÉFORMATION DE LA JUSTICE. 2l5
convoitise d'avoir, et la rejette en la halle des marchands, revendeurs, banquiers et usuriers, et t'en esloigne le plus que tu pourras , estimant que celuy qui s'enrichit au maniement des affaires publicques est ung sacrilège, qui desroberoit jusques sur le maistre autel, jusques au dedans des sépultures des morts, dedans les coffres de leurs plus grands amyz; s'enrichiroit de trahisons, de faulx tesmoignaiges; qu'il est conseiller infidel, judge parjure, magistrat concussionnaire; bref, est taché de toutes les énormitez et crimes qu'ung meschant homme peult commettre.
J'ay cogneu quelques judges qui ne faisoient difficulté de prendre des présens, ne laissoient pourtant, leur sembloit il, de faire justice; de manière qu'ilz estimoient avoir satisfaict au debvoir de leur conscience, et de s'estre, soubs tel prétexte, acquitté de l'office de bon judge.
O le doulx poison qui s'insinue si aysément dans l'ame de ceulx qui se flattent en leur avarice, et, de peur de lascher ceste proye, emprunte le sacré nom de justice ! Et hoc prœtegunt nomine culpam. Et puis ces mange présens ne se contentent pas de prendre d'une seule partye; leur maison est ouverte pour ce regard à toutes les deux.
2l6 TRAITÉ
Hos pete , ne metuas fiastus limenque superbum , NuUa magis toto janua poste patet.
Or, est il que toutes les deux ne peuvent pas gaigner leur procez : par ainsy arrive que l'ung perd son procez et ses présens; et Dieu sçayt s'il appelle monsieur le judge par son nom, et si ce concussionnaire ne faict pas tort aux gens de bien de la robbe, qui est générallement diffamée à l'occasion de ceulx qui n'ont ny honneur, ny bonté , ny mérite. Scelus est accipere a reo , quanto magis ab accusatore , quanto inagis ab utroque^ disoit Cicéron en ses Verrines.
Il est permiz de droict à ung advocat de prendre de son client, parce qu'il est advocat; ung jurisconsulte peult, sans scrupule et charge de conscience, vendre son juste conseil (parce que le prendre, pourveu qu'il garde la mesdiocrité, n'est poinct deffendeu): mais il n'y a droict divin, ny humain, qui permette au judge de prendre or, ny argent, pour faire justice.
Qui recte jiidicat et prœmiwn remuiieratioiiis expectat^ dict sainct GTé^oive ^ fraudem in Dewn perpétrât y quia justitiam^ quani gratis imperiiri débet ^ acceptione pecuniœ vendidit. Donis maie utuntur qui pro teniporali lucro juste judicant.
Taies quippe ad veritatem non justitiœ defensio, sed amor prœmii provocat : quibus si nummi
DE LA RÉrORMATION DE LA JUSTICE. 217
spes subtrahitur a justitiœ confessione recedunt. Acceptio quippe nummorum prevaricatio veritatis est; unde et pro justo dicitur : Qui excutit inanus suas ab omni munere , hic in excelsis habitabit. C'est celiiy que les Grecs appellent du mot fort propre à<^wpo^oV/îToç, s'abstenant de prendre aulcung présent. Horace a voulu traduire en ces mots :
Judex avarae fraudis , et abstinens Ducentis ad se cuncta pecuniae.
C'est ce qui a donné occasion à sainct Augustin de s'escrier : Que deviendra, dict il, le pauvre homme qui n'a rien pour rassasier l'appétit d'ung judge affamé d'avarice? Que sera ce des vefves et des orphelins qui sont destituez des biens temporelz? Est il pas vray que, non seulement on ne leur veult pas donner audience, mais encores sont opprimez en judgement, et consumez à l'appétit des riches et puissans hommes , que l'on y supporte et favorise contre la vérité et justice?
Dadvantaige à quoy se résoudront les crimes les plus esnormes et les plus exécrables meschancetez, soubs telz judges d'argent et de présens? Est il pas certain que les plus criminelz, non seulement seront renvoyez absous et impuniz, mais qui, pis est, enhardiz et encouraigez à faire plus de mai que jamais , sçachant par où sortir
et se tirer de la peine et rigueur de la loy, à sçavoir, avec une bourse d'esceus, de présens et aultres sortes de corruption que l'on praticque envers les maulvais judges?
Ubi violatur auro justitia, iiullam reus pertimescit culpam, quant redimere nummis existimat.
En somme, les présens ont tant de force sur les esprits des hommes, que non seulement ilz les font trébuscher d'ung costé, mais aveuglent ceulx là mesmes que l'on tenoient pour justes et prud'hommes, et renversent le bon droict de l'innocent; et, pour monstrer la vérité de cela, c'est que, par la loy de Dieu, commandement est faict à Moyse d'establir des judges sur chascune lignée pour judger, dict le texte, le peuple en toute équité et justice, sans pencher d'ung costé ni d'aultre, et immédiatement après il adjouste : Non accipies personam , nec munera ; quia munera excœcant etiam oculos justorum , et pervertunt causas innocentium.
Tout nous donne à entendre qu'il n'y a ny cœur si droicturier qui ne soyt fléchy, apprivoisé, adoucy par l'amorce et friandise des présens. Puisqu'ainsy est qu'ilz font trébuscher mesme les plus entiers, fermes et gens de bien , et que tous les hommes sont hommes , vault il pas mieulx leur fermer la porte tout à faict, afin de demeurer en liberté d'esprit, et n'engaiger janjais nostre
1)E LA RÉFOKMATION DE LA lUSTICK. 21 9
conscience en l'appétit de ceuix qui croyent fermement, qu'en prenant leurs présens, les judges sont obligez de prononcer non selon le droict et l'équité, mais selon leurs demandes, fins et conclusions?
Je cognois des juges et des premiers de ce royaulme qui vivent avec ceste résolution, et la font mesme praticquer à tous ceulx qui despendent de leur pouvoir et commandement, n'entrent aucungs présens en leur maison par eulx ou par personnes interposées, et ne s'y faict aulcune corruption pour ce regard , soubs quelque prétexte et occasion que ce soyt. Aussy ne se plainct on poinct d'injustice de ce costé là, oultre qu'ilz sont infinyment aymez et honorez en leurs charges, et l'un est consécutif de l'autre; car, tout ainsy qu'il n'est pas possible d'avoir bonne opinion de celuy qui s'est laissé corrompre ou gaigner par argent, par présens, ou de quelque aullre sorte et mal façon, ny se fier jamais de luy : aussy fault il bien s'asseurer de celuy qui se rend inexpugnable à l'or et l'argent, aux présens , et à tous aultres appasts et outilz de corruption, est vrayment à l'espreuve et a toutes les partyes requises en ung grand personnaige.
A ce propos , est grandement remarquable l'exhortation et advertissement que Philippes, roy de Macédoine, donnoil à son filz Alexandre :
l'IO TRAITE
« Quelle raison , mal advisé que tu es , quelle « apparence d'estimer fidelles et loyaulx ceulx que « tu as corrompeus et gaignez par argent et à « force de présens? Hé quoy! as tu marchandé « aux Lacédémoniens d'estre leur receveur gé- « néral, leur payeur, leur thrésorier, leur argen- « tier, et non pas leur roy? qui est bien, dict il, «la plus indigne, sordide et vilaine chose qui « pourroit arriver à ung grand prince? »
En quoy fault noter que ce mot de largesse et libéralité royale dont les Lacédémoniens usoient, afin de couvrir leur avidité, soubs ce nom spécieux, ilz l'appellent corruption.
Et, de vray, celuy qui prend devient meschant et corrompeu de plus en plus, est tousjours prest d'en recevoir aultant; de sorte que tu serois plustost desnué de moven que tu n'auras rassasié l'appétit désordonné de ces goulphres insatiables.
Hoc illefiliOy dict Cicéron en ses Offices, sed prœceptum putemus omnibus.
L'on sçayt bien qu'il y a d'autres sortes de corruptions; comme ainsy soyt que les judgemens sont pervertiz en quatre sortes principallement, Can. Quatuor moclis. Can. i/i, 3, sçavoir est, par craincte, quand, de peur d'offenser les grands ou aultres, quelz qu'ilz soyent, on manque à dire la vérité ou faire justice , qui est une très maulvaise qualité en ung judge ; par avarice et
DE LA IIÉFOIIMATION DE LA JUSTICE. 9.2 l
maulvaise convoitise ou cupidité , par haisne , par envie, finablement par amour ou faveur.
Mais, parce que nous sommes sur la corruption qui se faict par l'or, l'argent et les présens, nous remettons à parler des aultres trois sortes en lieu plus commode, et continuerons nostre discours.
Il sera donc fort à propos de rechercher ung peu plus hault, succeinctement toutesfois, comme on s'est gouverné au monde en matière de présens, et principallement en la respublicque de Kome^ comme de celle dont se tirent les plus beaulx préceptes , exemples et authoritez. De quand a commencé la corruption en icelle, par avarice , et les maulx et ruynes qui en sont proveneus ?
Je dis donc que Testât romain s'est long temps mainteneu avec une grande frugalité : la justice, en le mesme tems, y a esté rendeue avec tant d'intégrité, que les peuples de la terre se soubmettoient volontairement pour la pluspart à la justice des Romains.
En ce siècle ont esté les Fabies, les Yalères, les Fabrices, les Cincinnatus, les Appius , les Scaurus, les Gâtons, et plusieurs aultres dignes, chascung d'eulx, de commander, non à l'Italie seule, mais à l'univers; et néantmoins faisoient litière des richesses du monde, c'estoit leur gloire et
leur grandeur de les mespriser : aymoient mieulx commander à ceulx qui les possédoient que d'estre possédez par icelles. Hz ont duré en ceste sévère discipline près de six cents ans; et, pendant ce temps, l'on peult appeller Rome la victorieuse; Rome triomphante en grandeur, en loyx, en police et en justice.
Le premier de tous les estrangiers qui se travailla le plus de luy oster son pucelaige et de corrompre les Romains à force de présens, n'ayant rien gaigné par violences et par les armes, feut Pyrrhus, roy d'Épire, l'ung des plus convoiteux et ambitieux princes qui feust jamais, lequel avoit l'empire du monde dans sa teste, et son ambition (cas estrange de la vanité des hommes) feut lors de sa plus grande prospérité bornée par une tuile qui luy feut jettée sur la teste par une pauvre vieille.
Ce prince , fort vaillant de sa personne , et , avec ce, grand capitaine , feut le premier qui feit veoir des éléphans en l'Italie; et, après s'estre esprouvé contre les Romains, et les judgeant invincibles, vouleut avoir et praticquer leur amityé. Pour ce faire, il leur envoya Cynéas, son ambassadeur, homme fort esloquent, et, oultre cela, bon guerrier, garny de forts présens pour les distribuer aux sénateurs, à la noblesse et gens de marque;
entre aultres choses, il portoit ung grand nombre de pierreries, bagnes et joyaiilx pour bailler aux dames romaines, croyant que les femmes, qui naturellement sont avaricieuses , ne refuseroient jamais ses présens, et, par la réception d'iceulx, s'obligeroient à persuader à leurs mariz ceste amitié, alliance et traicté de paix, tant recherché par le roy Pyrrhus.
Cynéas, pour le faire court, n'y gaigna rien par ses présens envers les hommes et envers les femmes, et encores moins par ses affecteries et beau langaige, tant lors estoit grande la vertu, sincérité de mœurs et la conscience des Romains et Romaines ; et, s'en retournant, porta ceste réponse : Que son maistre eust à sortir promptement de Fltalie, avec son armée et puis on traicteroit de paix; car, tant qu'il tiendroit ung ponlce de terre des R^omains, c'estoit ung abbus à luy d'attendre aulcung accord avec eulx.
En ce mesme temps , ilz envoyèrent , pour retirer leurs prisonniers et composer de leurs rençons , leurs ambassadeurs devers Pyrrhus , entre lesquelz estoit Caius Fabricius.
Lors Cynéas donna adviz au roy que ce personnaige estoit celuy de qui on faisoit plus de compte à Rome, comme d'ung grand homme de bien, bon capitaine et vaillant homme de sa per-
sonne; au demeurant, merveilleusement pauvre, et luy conseilloit de luy faire plus de chère qu'à tous les aultres.
Par quoy Pyrrhus le tirant à part, luy feit en privé plusieurs grandes carresses; entre aultres luy offrit de l'or et de l'argent en pur don, le priant fort instamment de le vouloir accepter, non pour aulcung servyce déshonneste qu'il en prétend ist de luy, mais seulement pour tesmoignaiges de sa vertu qu'il honoroit extresmement, et pour ung arrhe d'hospitalité et d'amityé que désormais ilz auroient ensemble.
A quoy Fabricius luy feit response : Pour le regard, dict il, de la paix que vous demandez avec les Romains, je loue vostre désir, et vous la feray accorder, pourveu qu'elle soyt utile et honorable au peuple romain : car, puisqu'ainsy est que vous avez bc.ine opinion de moy, vous ne vouldriez pas me requérir de chose quelconque au préjudice de ma patrie; mais pour ce qui concerne vos présens, à Dieu ne plaise, que je sois si lasche de faire ceste bresche à mon honneur, et d'en recevoir jamais aulcung. Et, de faict, en quelle qualité m'offrez vous ces grands présens? Si je suis homme de bien, pourquoy me tenter pour me faire changer?
Au demeurant , je veulx bien que vous sçachiez que je suis plus riche que vous en ce que
DE LA RtFORMATlON DE LA JUSTICL. 225
je suis content, et ne désire ny or, ny argent : vous ne pouvez pas dire de nriesme, et plaings infinyment vostre misérable condition ; car c'est la vérité, que vous estes merveilleusement pauvre et nécessiteux, qui, non content de vostre royaulme d'Épire et de plusieurs aultres terres et provinces de grande estendeue que volts possédez, avez, non sans plusieurs grands hazards, traversé tant de mers pour faire de nouvelles conquestes , qui est ung tesmoignaige certain que ce que vous avez d'acquiz ne suffit pas à l'insatiabilité de vostre désir.
Zonare rapporte ceste particularité, qui n'est pas en Plutarque, ny en Justin. Pyrrhus ne print poinct ceste franchise en maulvaise part; ains raconta à ses plus familiers la grandeur de couraige qu'il avoit trouvée en cest homme , désira plus que jamais de faire appoinctement avec les Romains, et livra tous les prisonniers soubs la foy de Fabricius, afin que, si le sénat ne vouloit accorder la paix, ilz peussent visiter leurs parens et amys , et faire la feste de Saturne avec eulx , et que l'on renvoyast puis après, comme aussy luy feurent ilz renvoyez après la feste, ayant proposé le sénat peine de mort à celuy qui manqueroit de retourner.
Environ ce temps, le sénat ayant desptité des ambassadeurs en Egypte , le rov Ptolémée feit
