Inéd. l

a 20 trahi';

tous ses efforts pour leur faire accepter de grands présens, qu'il leur offroit chascung en particulier; puis, les trouvant impénétrables, quelques jours en suyvans, il les invita à ung festin solemnel, estimant qu'ilz ne pouvoient honnestement refuser la royalle magnificence de la sorte qu'il la leur feroit, qui feut qu'en soupant, le roy leur feit présent à chascimg d'eulx d'une couronne d'or.

Les ambassadeurs , pour n'eslre accusez de discourtoisie et rusticité, reçeurent les couronnes avec honneur et remerciement; mais, le lendemain , ilz les mirent toutes sur les statues du roy Ptolémée, tant estoient alors les Romains incorruptibles et ennemyz de toute ordure et tache d'avarice.

Aussy ces siècles là nous ont laissé des exemples de probité, d'intégrité, de justice, de magnanimité, du tout admirable, que les studieux peulvent veoir avec plaisir et profict, et mesmement ceulx qui considéreront avec judgemenk comme avec le changement des mœurs les empires et principaultez du monde ont tousjours changé, et rien ne demeure ici bas en mesme estât, sinon en tant que la piété et la justice, qui sont les vrayes et plus asseurées colonnes, sont debout et les soustiennent.

Qu'ainsy ne soyt, environ quatre vingts ans

m" I-A KKFOKM\TIO\ 1)F LA JllSIlCF. iay

après, Perséus, dernier roy de Macédoine, ayant esté deffaict par Panle Emile , et les Romains ayant, après cela , obteneu plusieurs victoires en l'Asie et en l'Afrique, le luxe des provinces debellées (conquises) feut porté à Rome.

L'or et l'argent commencèrent d'y estre en estime, et dès lors la vertu, le sçavoir, le mérite, sans les richesses , mesprisez et miz en arrière.

Tout feut miz en vente : l'injustice, par mesme suyte, monta en hault degré; les gens de bien feurent rebutez des charges et dignitez et gouvernemens; les seulz riches, qui sont ordinairement les plus meschans, en honneur et en authorité, les meschancetez, les crimes plus exécrables impuniz et couverts par argent. Tesmoing ce que nous avons cy dessus remarqué, du détestable Jugurtha, lequel se sçeut bien servir de la corruption des Romains pour couvrir ses parricides trahisons et tyrannies exécrables; et néantmoins, parmy l'infâme corruption de ce siècle là, se trouva ung Métellus, que la bonne fortune des Romains avoit conservé pour la punition de ce monstrueux homme; et depuis, quand les choses feurent encores en pire estât, ce grand Caton eut le couraige de demeurer impollu parmy ces desbordemens et desportemens de son siècle.

Et s'il y eust eu, en ce mesme temps, ung aultre Caton à Rome, eulx deux, jolncts et uniz,

eussent esté suffisans pour restaurer Testât; mais le malheur fatal de caste respublicque vouleut qu'il se trouvast seul contre César, Pompée, Anthoine, Lépide et plusieurs aultres, qui gastoient tout par leur ambition , qui faict par fois autant de mal que l'avarice, de laquelle elle ne s'esloigne guères.

Ainsy sa vertu feut contraincte de succomber et céder à la vénalité de toutes choses, laquelle causa le désordre et l'injustice, et celle cy la ruyne du plus grand estât du monde.

Nous avons monstre ailleurs comme ce grand homme de bien, estant gouverneur de Cypre, refusa les présens du roy Déjotarus, son amy, lesquelz il pouvoit (disoient les saiges de ce temps là , qui n'avoient pas tant de vertu que Caton) honnestement prendre soubs le nom d'hospitalité, comme luy conseilloient ses amys, et la généreuse response qu'il feit, à peu près semblable à celle de Cimon, capitaine en chef des Athéniens, que j'adjousteray en ce lieu, afin de tant plus confirmer ceulx qui ont assez de couraige pour ne se laisser corrompre par présens; et, en tant que faire se pourra, desgouster ceulxqui se flattent, en les prenant, et se persuadant que ce n'est poinct aultrement mal faict, et se plaisent merveilleusement en ceste erreur, cest abbus et double tromperie.

I>E LA RiFOKMATIOJV DE LA JUSTICE. 229

Pendant le séjour donc de Cimon en la ville d'Athènes, ung grand seigneur persien, nommé Koesaces, s'y vint réfugier pour éviter la fureur du roy de Perse; mais son maistre, qui avoit conçeu quelque sinistre opinion de luy, arriva que cest homme, se voyant tous les jours harcelé et décrié par les inventions des calomniateurs, qui luy prestoient des charitez estranges et l'accusoient envers le peuple, eut son recours vers Cimon , avec lequel il avoit prins habitude et familiarité durant son séjour.

Et une fois entre aultres, afin de l'avoir entièrement , ce luy sembla , à sa dévotion , luy porta jusqu'en sa maison deux grandes coupes toutes pleines, l'une de daricques (i) d'or, l'aultre de daricques d'argent; le pria de les accepter d'aussy bon cœur qu'il les luy offroit, et, par mesme moyen, le protéger contre ceste canaille, qui luy en vouloit sans les avoir offensez.

Cimon, après avoir contemplé ces présens, se print à rire, et demanda de fort bonne grâce à ce seigneur persien lequel des deux il aymoit mieulx, d'avoir Cimon pour son amy ou pour

(1) Pièces frappées par ordre tic l'un des Darius, roi de Perse. Le darique d'or valait environ treize francs. Ces pièces ti-taient marquées d'an archer ou tireur d'arc.

2J{> TRAirt

son mercenaire. Il luy feit response qu'il aymoit trop mieulx l'avoir pour arny.

Remportez donc, répliqua Cinion, vostre or et vostre argent; car, si vous me tenez pour votre amy, il sera tousjours à mon commandement pour en user toutesfois et quantes que j'en auray affaire, d'aultant que celuy qui est maistre du cœiu' est maistre de la bourse et de tout ce qui en despend.

Si ce que dict est ne suftict pour destounier l'avidité de ces mange présens, c'est signe que la maladie est bien enracinée, et néantmoins il la fault extirper; aultrement nous n'aurons jamais raison de l'injustice, qui se tient fort de ce costé là, et d'aultant que l'on se veult couvrir de quelques, non raisons, mais excuses de droict mal entendeu de certains textes, que ces hardiz preneurs estudient et praticquent volontiers contre le vray sens et l'intention de la loy; veoire, soubs prétexte de ceste indulgence, passent bien oultre.

Il leur fault, avec l'esguille de la raison, lever doulcement ceste taye, qui leur obscurcit la veue et les empesche de cognoistre la vérité.

Premièrement, il est bien certain que, tant que les magistrats ont eu les mains nettes à Rome, et que Ton n'a poinct eu esgard aux facultez, au

cresclict, à la noblesse et aux grandes alliances, quelapréture, le consulat, la dictature et aultres grandes charges ont este defférées aux plus gens de bien et aux plus capables de servyr au public, sans aultre considération que de leur vertu, tout s'en porta le mieulx du monde.

Dadvantaige, je fais une observation par le cours de l'histoire, et tout homme studieux en demeurera d'accord avec moy, que lorsque les magistrats ont esté plus pauvres, ilz ont faict des actes signalez et en paix et en guerre, ont triomphé de plusieurs grands princes et nations debellées (vaincues), et ont rendeu la respublicque riche et opulente.

Comme au contraire, sitost que les grands magistrats se sont vouleu enrichir, la respublicque est deveneue pauvre et nécessiteuse, comme il advient ordinairement. Ita tiuic illi pauperes magistraius opulente m rempublicam habebani; nunc autein dives poiestas pauperem facit rempublicam. (Voy. Salv. manusc. coût, av.)

Notez ce traict du bon Salvian , vous , riches , qui n'avez aultre soing que de vous aggrandir, n'avez aulcung rassasiement que vous ne remplissiez de biens jusques au crever aux despens du pauvre peuple, lequel veoit ceste affluence, tandis qu'il est à sec et vit comme en langueur,

ala TRAITÉ

Estimez vous que les choses puissent demeurer longuement en cest estât?

Ce fent lors, dict Sénèque, que 1 on commença de regarder aux richesses des citoyens particuliers, que le sénateur, le chevalier, le préteur féurent à l'estimation et grandeur de leurs richesses; car, tout ainsy que si c'eust esté une conspiration et guerre ouverte à la vertu, à la probité, à l'intégrité et à la justice, qui dès lors feurent bannies de Rome, tout chascung se mit à butiner et à amasser de l'or et de l'argent à tort ou à droict, et en toutes façons dont il se peut adviser, afin de ne demeurer poinct des derniers, et d'entrer par la porte dorée aux honneurs, dignitez plus grandes et charges de la respublicque.

En ce mesme temps, le péculat feut compté pour néant, et tourna bientost en coustume, et les premières dignitez, les préfectures, les gouverneraens feurent miz entre les mains des plus meschans hommes; car ilz acheptoient à beaulx deniers comptans les voix du peuple , lequel finablement se laissa corrompre aussy bien que le sénat et la noblesse : de manière que tout le corps politicque feut infecté de ceste lèpre, et n'y eut plus de santé en aulcune partye, et Dieu sçayt comme ces achepteurs se récompensoient bien viste aux despens du public.

De là sont veiieues tant de loyx contre les

Df, LA RÉFOIIMATION DE LA ÎUSTICE. 2^3

brigues et ambition des magistrats, contre les larcins publics et aultres; mais en vain, parceque la racine et cause du mal demeuroit, qui estoit l'estimation des honneurs et magistrats à raison du cens et des facultez; et n'y a rien qui ayt perdeu la respublicque romaine, que ce désordre là; et néantmoins, comme cest estât estoit le plus grand qui feust jamais au monde, il feut long temps esbranlé avant que d'estre renversé par terre, à l'exemple d'ung homme de bonne paste et forte complexion , lequel faict de grands excez , et toutesfois résiste long temps au mal, à cause de sa bonne habitude et complexion naturelle ; et s'il se veult ayder par quelque diète et meilleur régime, encore le bon médecin trouvera il moyen de le remettre en bonne disposition ; comme aussy , s'il retourne à continuer ses excez, desbauches et dissolutions, il ne fault pas doubter qu'en peu de temps il ne tombe par pièces et ne meure en langueur.

Il y eut, de fois et aultres, des Appies, des Fabies, des Mé telles, des Scaures, des Gâtons, et quelques aultres gens de bien en assez petit nombre, qui se bandèrent vertueusement contre la corruption de cest estât, et en feirent surseoir ou retarder la cliente pour quelque temps; mais leurs remesdes estoient trop foibles pour guérir ung malade si desbauché, si dissoleu , si excessif

Îi34 TRAITÉ

en toutes sortes de corruption, et le ramener à la frugalité qui luy estoit nécessaire pour sa guérisoiJ.

Et tout ainsy que rien de grand , d'excellent , pour estre de durée, ne se lève jamais tout à coup , selon l'ordre et progrès de nature , laquelle, petit à petit, faict naistre, puis monstre par degrez les sublimes vertus, autant à peu près en est il des vices et meschancetez énormes et excessives.

Quand on a long temps vesceu en modestie , chasteté et sévérité de mœurs, on ne passe pas du premier coup à l'aultre extresmité, on marchande quelque temps avec sa conscience : JSemo repente fit turpissimus. Il y a des degrez pour monter aux insignes despravations, dont les commencemens sont fort petits et presque insensibles.

Je dis donc, afin de reprendre mon discours de la corruption qui se faict par présens , qu'environ cent ou six vingts ans auparavant la cheute de l'empire romain, les magistrats qui estoient envoyez aux provinces lointaines pour les gouverner et leur rendre la justice, y estoient receus avec honneur et congratulation ; et selon l'ambition ou modestie de l'officier, on faisoit ou grande ou petite despense à leur entrée à la province ou aux villes de leur gouvernement.

DE LA RÉFORMATION DE LA JUSTICE. a35

Et parce qu'ilz estoient hors de leur maison , ou qu'ilz n'avoient aulcurie terre en la province, mesme leur estoit deffendeu d'en acquérir, on leur faisoit des présens de gibier, de vins, de fruicts et aultres commodilez du pays, qui s'appelloit estrenne ou strenna^ c'est à dire, petits présens d'hospitalité, qui se font aux seigneurs et personnes de respect venant en quelque contrée.

Comme aujourd'huy , quand quelque seigneur du conseil du roy, ou aultres gens d'honneur, passent par les bonnes villes de ce royaulme, les consuls ou maires ou eschevins des villes ont accoustumé de leur faire présent de quelques flacons de vin et de fruicts du pays , selon la saison , qui est une reconnaissance qui se faict par honneur aux personnes de qualité, pour la despense de laquelle ces villes n'en sont pas plus pauvres , et ceulx qui les reçoivent n'en sont pas aussy plus riches, mais en sont plus contens, à cause du tesmoignaige qu'ilz croyent estre rendeu à leur vertu , leur mérite et leur réputation.

Ces petits présens donc se faisoient par honiiesteté ; les réceptions de ces messieurs n'estoient poinct , du commencement , à charge aux provinces ; mais , par succession des temps , comme toutes choses se pervertissent si elles ne sont

reteiieues par la sévérité des loyx et d'une forte

discipline publicque exactement gardée, qui est le lien le plus ferme de tout estât bien policé, l'appétit des gouverneurs et présidens des provinces passa bien plus avant que le gibier, les flacons et les fruicts ; car , veoyant que l'honneur de Rome estoit aux finances et aux seules richesses, ilz en vouleurent faire provision et s'accommoder au temps.

Par ainsy, ces messieurs vendirent la justice, opprimèrent l'innocent, brigandèrent avec les brigands, laschèrent les plus criminels pour de l'argent , et , pour dire en ung mot , violèrent tous droicts divins et humains, et moyennant ce,feirent leurs affaires, remportèrent leurs bougettes ( sacs de voyage ) et leurs coffres pleins de butin , des despouilles et du pillage des provinces ravaigées par ces harpyes et loups ravissans.

Avec ces thrésors, ces beaulx gouverneurs, retournez à Rome et y trouvant tout à vendre, ilz ne tardaient guères à employer leur argent en offices et aultres gouvernemens et premières dignitez, ezquelles se veoyant eslevez, non par leur vertu, qui n'avoit plus de crédict ny voix comme aultrefois parmy le peuple, mais par corruption et par avarice, ilz s'y gouvernoient tout de niesmo , et ne cessoient qu'ilz ne feussent

remboursez au double, au triple, aulcungs au centuple de leurs finances.

C'est pourquoy C. Gracchus, lequel, nonobtant la despravation de son siècle, avoit les mains et la conscience nettes, à son retour de Sardaigne, où il avoit esté longuement, haranguant au peuple et se justifiant contre l'envie des grands, qui luy vouloient mal de mort, à cause de sa vertu, et taschoient à le rendre odieux au peuple, disoit, entre aultres choses qui sont remarquées par Aulugelle, qu'il n'y avoit celuy qui peust dire avec vérité luy avoir baillé la valeur d'ung sol de présens, ou de s'estre raiz en fi:-ais et en dépense à son occasion. « Aussy la vérité est elle (disoit il) que je suis seul, entre tous ceulx de Sardaigne, qui y ay porté ma bourse pleine et l'en ay rapportée vuide, là où les aultres, ayant beu le vin qu'ilz avoient porté dans des barils, les ont rapportez tout pleins d'or et d'argent. »

Ainsy vous veoyez que ce qui avoit esté introduict par honnesteté et civilité, et qui n'estoit rien au commencement, feut tiré en une grande conséquence ; car les magistrats ambitieux se faisoient faire de superbes et magnifiques entrées, constituant les provinces et villes en de grandes et superfleues despenses, dont le peuple estoit surchargé ; oultre cela , pour faire la courtoisie entière, falloit bailler à ces messieurs, non

2 38 IRMIK

des poires et des cerises , mais des présens exquiz et précieux, et remplir leurs bourses; aultrement ilz estoient exposez à toutes sortes d'injures et d'oppressions pendant leur magistrature.

Il est vray que Caton, qui estoit exempt de toute vanité et corruption d'injustice, deffendoit expressément aux provinces auxquelles il estoit envoyé, de se mettre en aulcungs frais d'entrée ny aultres quelconques à son occasion.

Pour le regard des présens, jamais Romain n'en feut plus impolleu, pur et net que Caton. Mais quoique plusieurs louoient son couraige, sa continence, aulcung néantmoins ne s'efforçoit de luy ressembler et le seconder. C'est pourquoy le poète lyrique a dict de luy :

Et ciincta terrarum subacta ,

Praeter atrocem animum Catonis.

(Hor. 1. ir,od. I, V. 23-S44.)

Il eust plus véritablement parlé, s'il eust dict : Constantem , sed scenœ servandum; et vouloit complaire à Auguste , qui n'aimoit pas de si haultes vertus, encores qu'après son establissement et la paix universelle, l'empire du monde feust autant bien -gouverné, reiglé et policé à la justice, aussy sainctement administré par ce grand monarque, qu'il estoit possible de désirer, ainsy qu'a esté monstre cy de.ssus ; tous les aultres

DK LA RKFORMATION DH LA JUSTICF, Jl^C)

empereurs , selon leurs inclinations et naturel porté contre ou pour la justice et affaires, ont eu divers mouvemens en Testât public; et tousjours les bons princes , qui sont en petit nombre , ont faict du bien à leur peuple et ont heureusement reigné ; les tyrans ont faict du mal et en ont eu leur part, et ordinairement la fin convenable à leur meschant vice.

J'ay observé en la vie de Néron une chose fort considérable , qui est que pendant qu'il feut homme de bien et prince modéré , ez cinq premières années de son empire, il feit ung édict par lequel il deffendit aux judges, sur peine de la vie, de prendre aulcune chose, tant petite soit elle, soubs quelque prétexte que ce feust, des partyes plaidant par devant eulx , et leur ordonna, par le mesme édict , appointemens convenables et salaire de son espar^ne, qui estoit faire le debvoir de vrayment bon prince; et s'il eust continué en ceste justice, sa mémoire nous seroit encores aujourd'huy en bénédiction, au lieu qu'elle est détestée comme d'ung monstre le plus infâme qui naquist jamais sur la face de la terre.

Pour le regard des judges, présidens et gouverneurs qui estoient envoyez pour rendre la justice aux provinces soubs les empereurs, parce qu'ordinairement venoient dos plainctes de leurs

24o TRAITK

concussions, les reiglemens anciens feurent renouveliez, mesmement soubs l'empereur Alexandre Sévère, qui feut grandissime justicier, comme nous trouvons dans nos livres rapportez par le jurisconsulte Modestus, en ceste loy vulgaire: Plehiscilo cavetur ne qiiis prœsidum munus ^donumve caperet ^ nisi esculentum ^ poculentum ^ quod intra paiicos dies proximos prodigatur ( Dig. de off. Près. ) ; et par la lo\ Soient, §. Non veto in totum xen'ds abstinere debebit proconsul. ( Dig. de off. Proc. et Leg. )

Voilà ce qui est du droict romain pour ce qui concerne les présens ou estrennes, selon que l'on voudra les nommer. Nos ordonnances ont varyé pour ce regard , selon les diverses saisons et génie de nos princes : celle de sainct Loys tranche tout court, et deffend aux judges de rien prendre de leurs justiciables, ny de boire et manger à leurs despens.

Charles VII , après avoir remonstré combien les présens sont dangereux en justice, les deffend foit estroictement, et renouvelle l'ordonnance de sainct Loys.

Celles d'Orléans et de Moulins (i) font deffenses expresses aux judges de prendre don ou

(i) Voyez le tome V des OEuvres complètes. Ces ordonnances ont été rédigées par l'Hospital.

présent, quelque petit qu'il soit, de vivres ou aultre chose , sur peine de concussion ; font toutesfois une maulvaise réformation de venaison ou gibier prins ez forests et terres des princes et seigneurs qui les donneront; et soubs ce prétexte, on ne prend pas seulement de la venaison des grands seigneurs , mais indifféremment plusieurs judges et magistrats prennent, des pauvres partyes qui ont affaire à eulx, gibier, volaille, poissons et aultres sortes de denrées, acheptées, pour la pluspart, en plein marché, veoire les reçoivent en telle quantité, qu'ilz sont contraincts d'en faire traffic et marchandise, veoire de les renvoyer au marché pour les recevoir en argent, aussy bien que les dragées anciennes; encores ne sont ce pas les plus maulvaises, car il y en a qui se licencient bien plus avant qu'à la mangeaille. C'est pourquoy il est nécessaire, de toute nécessité, de leur couper les mains, comme aux judges de Thèbes, c'est à dire, leur faire deffense, sur peine de la vie, de prendre chose , tant petite soit elle , oultre et par dessus leurs simples gaiges, qu'il est fort raisonnable d'augmenter , et à eulx et aux aultres judges , afin qu'ilz ayent moyen de vivre honnestement en servant au public, et faisant bien et dignement leurs charges.

Car seulement qui leur permettra de prendre