Ined. i

aujourd'huy une bouteille de vin, d'icy à ung mois il s'en trouvera de si honnestes qui en prendront ung muid , et ainsy de toutes aultres choses; pour à quoy obvier, et oster tout prétexte pour l'advenir, il fault parler net, comme a très bien dict et saigement faict l'ordonnance de Blois ( art. 1 1 4 ) ; car , pour couper la bresche à toute corruption et oster toute excuse, palliation, couverture que pourroient prendre ces mange présens qui sont si aspres à la curée, elle faict une prohibition générale de prendre atilcung présent, sur peine de concussion.

Or, dient maintenant ces messieurs sur quoy ilz fondent leurs droicts pour authoriser les présens qu'ilz prennent si licencieusement et sans aucun scrupule, des partyes et justiciables de leur ressort; car s'ilz se veulent ayder des loyx romaines , oultre que les François ne prennent droict que par icelles, ilz s'abusent fort, et telles loyx ne sont poinct pour eulx, d'autant que, comme nous avons monstre, c'estoient petites honnestetés qui se faisoient, par forme d'hospitalité et bienveneue, aux estrangiers qui arrivoient ez provinces lointaines; le nom l'emporte : Sevou ^âpov icapà toi; ^evotç i^é^ofjLevov , ou présens faicts par les estrangiers : ainsy l'interpreste Suidas; Apulée l'appelle inunus hospitale ; et parce que, soubs ombre de telles civilitez et présens de fort

DE LA RÉFORMAXrON DE LA JUSTICE. ^43

petite valeur, on prenoit souvent snbject de faire de grands présens, comme feit Philippes de Macédoine aux ambassadeurs athéniens.

Démosthène, qui estoit l'ung d'eulx, estant de retour, accusa Eschine d'avoir prins de grands présens du roy, et de s'estre laissé corrompre soubs le nom d'estrennes : ^evta ^s et/i Trpoçavviç, xeniarum (inquit) color a Philippo quœsitus est; et c'est, à mon advis, ce que veult Ulpian en ses notes : Sed nec xenia perducenda sunt ad munerum qualitatem, hoc ut munuscalorum prœtextu quœsito non sunt occupanda , inunera quœ sumpta onerare provinciales possint.

Aussy, soubs le nom d'estreines, qui de soy est favorable , ainsi couvroient leurs concussions et corruption, dont le nom est odieux et infâme.

Vitruve, parlant de ces estrennes, dict que, comme les Grecs se feurent ung peu civilisez , et aussy feurent plus à leur ayse, ilz préparoient des chambres aux hostes et estrangiers qui les venoient veoir, les premiers jours leur donnoient à souper et leur faisoient faire bonne chère , et le lendemain ilz leur envoyoient des poulets, des œufs, des lierbages, des fruicts et aultres meneues denrées de leur mesnaige.

De ce que dessus appert l'abbus, l'erreur et faulse opinion de ceulx qui veulent deffendre

leur avidité soiibs la faveur de telle usance, qui ne leur peult convenir, en quelque façon qu'ilz la puissent prendre; car ilz ne sont pas de la condition des présidens et gouverneurs qui estoient envoyez ez provinces lointaines.

Il y a bien de la différence de qualitez; et puis ces judges sont, pour la pluspart, en leur maison, appropriez de mesnaigerie, tant aux champs qu'à la ville, et fournis des commoditez portées par le droict romain; d'où il appert qu'ilz ne suyvent pas l'intention de la loy, et néantmoins c'est où il fault viser et s'arrester, et non pas aux mots d'icelle.

Mais quoy, ceulx qui ont envie de mal faire ne manquent jamais de prétextes pour couvrir leur turpitude, et n'y a pas tant de façon à se gouverner par continence et modestie, et fermer générallement la porte à toutes sortes de présens et corruptions.

On n'a jamais de peine de rechercher des excuses, des eschapatoires , des palliations en bien faisant ; mais pour couvrir son avarice il y a bien de la peine, et néantmoins tout se manifeste à la fin ; c'est pourquoy ceulx qui de ce temps là vivoient avec sincérité, et vouloient demeurer en leur liberté sans engager leur foy, leur paroUe, leur conscience à personne, faisoient tout esgal , c'est à dire absolument ne prenoient rien

DE LA RÉFORMATION DE LA JUSTICE. ^l\!j

soubs le nom d'estrennes, de présens, de récompense, de bienfaicts, d'hospitalité, ny aultre.

Pline second, qui estoit du temps de Trajan, vivoit de ceste sorte en sa charge d'advocat , comme luy mesme le tesmoigne par ses épistres, escrivant à ses amys. «Quel contentement, disoit il, pensez vous que j'aye en mon ame, de m'estre générallement absteneu, en plaidant poulies partyes, de prendre aulcung don, présens, estrennes ny récompense. »

On me dira qu'il le pouvoit faire , parce qu'il estoit homme riche et favorisé. Je le veulx bien ; mais quel est aujourd'huy l'advocat, tant riche soit il , qui veuille bailler son travail et vacations ordinaires , pour ung grand mercy et par honneur ; et néantmoins ilz le debvroient faire , comme nous dirons ailleurs.

Pour revenir à nos judges, qu'ilz aillent hardyment chercher d'aultre garant qu'au droict romain et à nos ordonnances , pour soustenir leurs corruptions, et qu'ilz fassent leur compte de vivre désormais avec plus de pudeur et de continence, afin d'éviter la peine deue à leurs concussions, et d'avoir, comme les mains, la conscience nette et l'esprit libre , pour judger sans passion du mérite des causes et différends des partyes , et ne pencher jamais à dextre ny à senestre en faveur des personnes qu'ilz veulent favoriser , ains in -

a46 TRAITÉ

cliner tant seulement du costé de la justice, de l'équité et de la raison.

Nous avons monstre cy dessus comme il est besoing, si l'on veult procéder à une vraye réformation, de faire veoir par de grands personnaiges les ordonnances du royaulme, et se servyr de leurs labeurs, ainsy que l'on advisera pour le bien de Testât et soulaigement du peuple; et parce qu'il semble qu'il n'y a plus lieu de remettre et procrastiner , si nous voulons prévenir la punition dont le ciel, justement irrité, nous menace il y a si long temps pour nos impiétez et nos injustices, nous avons, afin de ne pas perdre de temps, dict modestement nostre advis, touchant les qualitez et conditions des judges que l'on vouldra désormais pourvoir aux grandes charges, afin d'avoir des instrumens propres pour maintenir en la dignité d'icelles l'ordre sainct et convenable que j'espère debvoir estre bientost estably, sans néantmoins oster à aulcung officier l'exercice et fonction de son office , ny troubler le repos d'aulcung.

Nous avons desduict les moyens d'empescher les injures, outraiges, violences et voyes de faict qui se commettent ordinairement; nous avons descouvert le secret et remesde salutaire pour desraciner la chicannerie, obvier aux injustices, multitude et longueur des procez , par l'abolition

DE LA RÉFORMATIOW DE LA JUSTICE. ll\n

des espices et aultres esmolumens générallement quelconques, accoustumez d'estre prins par les judges pour leurs vacatious, en. augmentant les gaiges à ctiascung d'iceulx, selon leurs qualitez , par le moyen d'ung fonds (i), qui sera représenté par ung homme d'honneur et bon François, lorsque l'on vouldra entendre à bon escient à la réformation tant désirée.

Nous avons descouvert les inconvénieus qui procèdent des brigues , sollicitations et recommandations qui se font à la poursuyte des procez, et combien il importe de les faire cesser tout à faict , avec ce de citer aux partyes le rapporteur de leur procez.

Nous avons encores faict veoir les injustices qui se font au moyen des corruptions, et qu'il est très nécessaire, pour le bien de la justice, de fîttire une prohibition générale et rigoureuse contre les preneurs de présens ; ensuite de quoy est besoing de toucher encores quelques aultres poinicts principaulx , qui sont grandement néces-

(i) Les épices sont supprimées depuis 1789. Les juges reçoivent un traitement payé par le trésor public ; mais les droits du fisc ne devraient pas excéder le montant des dépenses judiciaires, et le taux des traitements des magistrats devrait être plus conforme aux convenances et aux localités, surtout pour les tribunaux de première instance.

saires à ce desseing, et ne peulvent estre remiz à plus long temps.

Puis nous proposerons ung chapitre sommaire des aultres poincts, lesquelz seront traitez par ordre; mais ce sera pour une aultre fois, avec plus de loisir, et à mesure que l'on procédera au faict de la réformation générale.

Premièrement , puisqu'il est vray que l'injustice, la multitude et longueur des procez vient du nombre effréné des judges et ministres de la justice , il sera fort à propos de rembourser actuellement sur ung fonds qui sera proposé , du moins tant qu'il se pourra estendre , les officiers et judges présidiaulx de la finance, qui se trouvera avoir esté payée, sans néantmoins en supprimer pas ung d'iceulx , ains semble raisonnable de les laisser leur vie durant en l'honneur de leur charge, qui est le vray honneur et rémunération de la vertu ; de manière qu'ilz auront les mesmes fonctions , hormiz les gaiges et esmolumens , lesquelz cesseront avec bonne raison, moyennant ledict remboursement par leur tiers, seront les offices supprimez au profict du roy et du public, et les juridictions subalternes réduictes au mesme nombre de judges qu'elles estoient du temps du roy Loys XII.

J'ay dict cy dessus qu'il sera fort bon d'envoyer des conseillers de la court, plus expéri-

mentez, zélez à la justice et bien de Testât, aux meilleures villes de ce royaulme , pour y avoir l'intendance de la justice et de la police, et les changer de trois ans en trois ans, ou cinq ans tout au plus, avec ung bon syndicat au bout du temps.

Je persiste en cest advis, et croys en ma conscience qu'il n'y a poinct de plus grand remesde pour rendre le roy bien servy par les provinces , le clergé, la noblesse et le peuple, contens par l'administration de la justice roy aile qui leur sera rendeue par les judges qui ne cognoistront que le droict, et n'useront de faveur, connivence ny dissimulation en leurs charges, estant choisiz et constituez en icelles par la seule recommandation de leur mérite et suffisance , et non par faveur et par argent, comme aujourd'huy, qui est cause enpartye des pauvretez, misères et malédictions qui sont en ce royaulme, et qui croistront de plus en plus, si l'on n'y donne ordre.

Après les judges subalternes remboursez de la finance par eulx payée pour leurs offices , si l'on propose quelque bon et raisonnable expédient pour rembourser aulcungs des conseillers ez courts soubveraines , ce sera fort saigement faict de le prendre, à la charge toutesfois qu'ilz demeureront toute leur vie en leurs offices , et auront les mesmes prérogatives qu'ilz ont à présent , hormiz qu'ilz n'auront aulcungs gaiges ny

'-i5o TRAITÉ

esmolumeiis lucratifs, ains se contenteront de l'honneur et des privilèges que leur apportent telles dignitez.

Je m'asseure qu'il s'en trouvera peu ez compaignies soubveraines qui n'acceptent volontiers ce party ; aussy y auroit il , pour en parler franchement, trop de délicatesse à le refuser, et telz délicats se déclareroient ennemys de tout ordre, reigleraent et bonne police.

Le remboursement ainsy faict causeroit deux grands biens, le premier, qu'avec le temps, la réduction des judges se feroit ez courts soubveraines, au nombre porté par les ordonnances; le second, que le fonds destiné pour les gaiges et appoinctemens de ceulx qui seront remboursez ne seroit pas tant chargé, et les deniers devenant bons, seroient employez aux appoinctemens des judges qui demeureroient en charge ez dictes compaignies, et en aultres œuvres de piété que l'on judgera nécessaires pour accommoder le pauvre peuple.

Je dis plus, qu'il se trouvera plusieurs gens de bien ez courts soubveraines, lesquelz ont de grands moyens et se peuvent, sans incommoder leurs affaires domesticques , fort bien passer du gaing et profict de leurs charges, lesquelz veoyant ce bel ordre , auront tant' d'honneur et de zèle à la justice, qu'ilz quitteront volontiers

leurs gaiges et appoinctemens en faveur du public, et ne laisseront pourtant de faire leur plein debvoir en l'exercice d'icelles (i), veoire avec plus d'ardeur et diligence que ceulx qui seront les mieulx appoinctez, entre lesquelz se verra lors une esmulation à qui fera le mieulx, qui sera la plus glorieuse et louable contention qui sçauroit jamais estre parmy telles compaignies.

Au demeurant, ceulx d'entre les judges qui auront vouleu donner en ceste sorte leur labeur et vacations gratuitement au public, mériteront d'estre préférez quand il sera question de quelque ambassade , de commission ou charge honorable, soit au dedans , soit au dehors du royaulme , afin que la vertu de ces grands personnaiges ne demeure poinct sans deue rémunération (récompense ) , et que cela serve d'esperon à leurs compaignons de bien faire , pour avoir pareille récompense.

Ce qui concerne les judges, tant soubverqins

(i) Ceci n'est pas aussi paradoxal qu'on pourrail le croire. Les juges des tribunaux de commerce ( étjiblissemenl: que nous devons à l'Hospital) n'ont jamais eu de traitement; et ces magistrats se distinguent par un plus grand zèle et une plus grande assiduité. Il se rend plus de jugements dans un seul jour au tribunal de commerce de Paris , que dans les cinq sections civiles du tribunal de première instance en une semaine.

que subalternes, expédié, fault venir aux ministres de justice qui sont au dessoubs d'eulx, sçavoir et les advocats et les procureurs; et d'aultant que nous avons desjà parlé cy devant des advocats, nous abrégerons d'aultant plus cest article qui les touche, et dirons, avec l'empereur Valentinien, que le collège des advocats est le séminaire des plus grandes charges publicques. De ceste compaignie , comme d'une pépinière d'honneur, sont choisis et appeliez ceulx qui doibvent estre promeus ez dignitez et premiers offices de la respublicque , pourveu qu'ilz ayent l'ame bonne, ce qui se recognoist aysément par leur manière de vivre et façon qu'ilz se gouvernent en l'exercice de leurs charges.

Car s'ilz ont le cœur assis en bon lieu , s'ilz sont poussez du vray honneur, et jaloux d'une bonne renommée, premièrement ilz n'entreprendront et ne soustiendront jamais une maulvaise cause; secondement, ilz ne playderont poinct contre la vérité des actes, ne diront rien de superfleu et qui ne serve au faict dont est question ; n'entreront poinct en cou vices (injures), injustices et médisances à l'appétit de leurs partyes , quelques mémoires signez qui leur soyent miz en main, sinon en tant que l'obmission des parolles ung peu piquantes feroit tort à leurs partyes, comme il peult arriver quelquesfois, selon la na-

DE l-A RÉFORMATIOIV DE LA JUSTICE. 2,53

ture des affaires , se donnant garde , sur tontes choses, de fuir la resputation de menteurs, impudens et rapineurs , et croyant qu'avec ces conditions ilz ne seront jamais estimez entre les gens d'honneur , ains croupiront au Palais toute leur vie, et ne seront poinct appeliez ez grands magistrats , s'estant eulx mesmes fermez la porte par leur faulte et vicieux desportemens; en somme, se persuaderont que comme cest office est extresmement louable estant exercé par honneur et en homme de bien, aussy est il fort abject, vil et sordide , quand il est manié par chicannerie. Vir bonus est quis ^ quo multœ magnœque secantur lites.

Les advocats sont les premiers judges des procez et différends des partyes ; et s'ilz estoient telz qu ilz doibvent estre , la pluspart des procez qui viennent par devant les judges, tant soubverains qu'aultres, mourroient entre les mains des advocats. S'ilz vivoient en ceste rondeur , il n'y a poinct de profession plus honorable que la leur.

S'ilz sont descriez parmy le peuple, qu'ilz s'en prennent à eulx mesmes , parce qu'au lieu du vray honneur, la pluspart courent à l'ombre d'iceluy ; au lieu de la simplicité et naïfveté qui est en la vérité , ilz vont à des inventions , des subterfuges, des mensonges et des desguisemens, et pensent avoir faict ung grand chef d'œuvre quand

ilz ont tellement embrouillé une cause , que les judges, au lieu de la vuider sur le champ, sont contraincts de l'appoincter au conseil, qui est bien souvent la ruyne des pauvres partyes.

Et puis , par le reiglement , seroit pourveu à ung aultre inconvénient qui n'est pas à négliger, et qui est aujourd'huy fort commun : c'est que la pluspart des sçavans advocats ne sçauroient jamais se rabaisser jusques là de courtiser les procureurs pour avoir de la praticque , et ceulx cy se morfondent au Palais; de sorte que l'on veoit souvent de beaulx esprits croupir et vieillir avec leurs livres, sans faire fortune en leurs vacations; d'aultres se jettent aux estais pour n'estre poinct subjects à cet indigne vasselage.

Pour moy, il fault advouer que je n'ay jamais eu le couraige si rabaissé, que j'aye peu faire la cour à ung procureur, et ay cogneu beaucoup d'aultres gens de mesme humeur.

Or, ce malheur cessera, et le sçavant homme qui courra au champ de gloire par son labeur et par le sentier de la vertu, ne sera plus réduict à ceste indignité, mais serarecogneu selon sa capacité et son mérite; les sophistes, babillards, criards et ignorans auront perdeu leur crédict, et seront contraincts de se mettre en bon chemin ou de faire aultre mestier.

L'impudence, le mensonge, la présomption,

la témérité, qui sont ordinairement de compaignie , n'oseront plus paroistre à la face de ces sénateurs, qui ne se repaistront poinct de crimes, d'ostentation ny de vanité, et ne recognoistront que la vérité, la suffisance et l'intégrité.

Alors se pourra dire que l'honneur sera rendeu au barreau, le loyer à la vertu , et l'authorité à une profession aultant utile et nécessaire, que celle de procureur est inutile et à charge au public.

Pour le regard de l'éloquence, j'en veois plusieurs qui se trompent , estimant qu'elle consiste en afféterie de iangaige, en babil et volupté de langue, et diriez qu'ilz sont plustost au barreau pour enquérir resputation de beaulx diseurs , que de bons et fameux advocats , au lieu que la parolle du vray orateur doibt estre ronde, robuste et virile, et ne sentir rien de féminin; le principal nerf de l'éloquence vient de la cognoissance des lettres humaines, de l'estude assideue et lecture des bons livres : Ex scientia et cognitione rerum florescat oportet oratio.

On cognoist la différence et discerne on les ignorans d'avec les sçavans, en ce que ceulx cy, en peu de paroUes et avec ung discours net et succinct , comprennent beaucoup et contentent les oreilles des hommes sçavans, qui conçoivent aussitostce qu'ilz veulent dire :

!a56 traité

Gui lecta potenter erit res , Nec facundia deseret hune , nec lucidus ordo , Verbaque praevisam rem non invita sequentur.

C'est ce que dict Cicéron , en un passaige qu'il prend de Platon : Omnes in eo quod scirent esse éloquentes. « Entendre bien son faict et le desduire nettement et en bons termes, et ne rien obmettre de ce qui faict à nostre intention ; ne dire aussy rien qui ne serve , c'est proprement estre éloquent. »

Les aultres, avec une abondance et fluidité de parolles choisies et tirées avec figures et artifice, et de certaines cadences curieusement recherchées en leur période , tout ainsy que s'ilz estoient parmy les danses ou à jouer quelques personnaiges de comédie ou tragédie sur ung théastre , après avoir bien compté , se trouve que ce n'est, en tout et partout, qu'une voix simple et qu'ung son qui se perd en la nuée de leurs vaines conceptions : Inanis verhorum sonitus nulla suhjecta sententia nec scientia; ou, comme disoit très bien Salluste : Loquentiœ satis ., sapientiœ. parum «de bave assez, mais d'éloquence poinct.»

Ce n'est pas que j'entende, par mes discours et aultres semblables, rabaisser en façon quelconque la gloire de l'éloquence, laquelle je recognois estre ung don du ciel et grâce spéciale

DE LA RÉFORMATION DE LA JUSTICE. 2 S'y

(le nostre Dieu, octroyée à fort peu d'entre les hommes. Au contraire, si je pouvois adjouster quelque force à ces beaulx et divins esprits qui recueillent avec tant de labeur, de soing et d'industrie, les belles fleurs ez riches campaignes , et les plaisans et savoureux fruicts ez jardins d'icelles, je le ferois de très bon cœur.

Je sçays qu'entre tous les peuples de l'univers, ceulx de nostre nation ont, de tout temps et ancienneté, faict profession, non seulement de bien faire, qui est beaucoup, veoire presque tout, mais encores ont eu ce soing particulier, de bien dire et d'exprimer en bons termes leurs conceptions, et ont mainteneu leur resputation , et par la valeur de leurs armes, qu'ilz ont faict sentir par la plus grande partye de la terre, et par leur éloquence qui leur est naturelle, et aussy leur est attribuée par le suffrage et commune voix de toutes les nations.

C'est ce qui a faict feindre par l'antiquité cest Hercule celtique, alexicaque et dompteur de monstres, lequel, par sa faconde et la force de ses raisons , bien proprement exprimées , attiroit les peuples à sa dévotion, et disposoit de leurs volontez à son plaisir.

Je recognois que les sçavans ont attribué à l'éloquence la force et vertu que Virgile a donnée à la verge et caducée de Mercure.

■^ . Inéd. 1

a 58 TRAITÉ

Et par ces doctes et gentilles inventions, ce grand poète ne veult représenter aultre chose que le parfaict orateur, lequel retire les âmes des enfers, c'est à dire, par la force de ses persuasions délivre les criminels des gehesnes, des supplices et d'une mort honteuse; aultresfois, par ses accusations et vives raisons, faict passer les raeschans et détestables hommes par le tranchant de l'espée, par les mains d'ung bourreau, qui est à son compte les envoyer et précipiter aux enfers.

Il endort aussy et charme ceulx qui luy prestent l'oreille ; et les trouvant animez et préveneus de haisne, d'envie, d'immiséricorde , il les appaise, les tempère, et les rend traictables et miséricordieux; ou les veoyant enclins à compassion et bienveillance, il les esmeut, les irrite et les faict entrer en picque et en courroux; ou mesme estant froids et comme engourdiz et trop endormiz, il les enflamme et resveille comme d'ung profond sommeil, et les rend attentifs et affectionnez à son désir et intention; et finablement, avec ceste verge de Mercure, il esmeut les peuples et leur faict entreprendre ce que bon luy semble; ou les veoyant esmeus et passionnez, il les amadoue et ramène doulcement à leur bon sens, debvoir et fidélité, et de furieux les rend souples, doulx et paisibles comme des agneaux.

DE LA RÉFORMATION DE LA JUSTICE. aSq

En somme , il est certain que l'éloquence faict des merveilles au monde , et n'y a rien qui fasse tant d'efficace, de pouvoir et de vertu qu'img parler disert et bien raisonné. C'est ce que les anciens ont vouleu monstrer à l'œil quand ilz ont pourtraict leur Mercure manchot, n'ayant bras ny mains : Quod omnem rem sermo conficiat.

Mais aussy ne fault il pas se laisser tromper, et prendre ung bavard et impudent sophiste pour ung orateur; ung criard mutin et lasche perfide, qui cause sans cesse et ne sçayt ce qu'il dict, qui murmure tousjours contre ses chefs et supérieurs, et avec son caquet, afféterie et abondance de langaige destitué de sens et de raison , rompt la teste aux personnes, et, en fin de compte, se rend ridicule et contemptible à tout chascung, au lieu d'ung vénérable, discret et saige Nestor : Cujus ex ore simili melle dulcior fluebat oratio ; d'ung accord et prudent Ulysse : Cui grandem, et vehementem, orationem , ac ingentem vocem e forti pectore manantem , poeta tribuit ; ou d'ung brave et vaillant Ménélaus , les discours duquel estoient nerveux, succincts, et jamais extravagans ny hors de propos. Il y a encores d'aultres conditions grandement nécessaires à nostre orateur : c'est qu'il fault qu'il soit homme de bien , et surtout véritable en son dire.

S'il n'a ceste qualité, jamais, au grand jamais il n'aura le tiltrc ny d'oratenr ny d'homme de bien.

La saige antiquité l'a bien cogneu , lorsqu'à ce mesme Mercure qu'elle noramoit le dieu d'éloquence, elle luy attribuoit la surintendance de la vérité, comme le tesmoigne le scholiaste sur Thucydide, pour nous donner à entendre, par ces doctes fictions, que la vraye éloquence ne se sépare jamais de la vérité : Quique non vere dicat, nec bene passe dicere , et que celuy qui parle contre vérité ne sçauroit, quelque travail qu'il se donne, remporter jamais le tiltre de bien disant.

A ce propos, Suidas, autheur grec, demande pour quelle raison les vieilles statues de Mercure n'estoient faictes de bois ou de terre, ains de marbre ou d'aultre matière dure , et aussy pourquoy elles estoient tétragones , c'est à dire , de figure cubique et quarrée. Il respond : Atà Ty»v CTTsppoTviTa ToO ctV/i6ouç loyou. Propter fijinitatem , dict il, verœ orationis ; et d'autant que la figure tétragone a ceste propriété, qu'en quelque sens que vous la posiez elle se trouve bien assise, et ne sçauriez faire qu'elle ne se trouve sur son plan ferme et solide. Aultant en est il du propos véritable ; car , quelque contredict quil rocoibve, et quelque secousse que l'on luy donne, il de-

DE LA RÉFORMAÏION DE LA JUSTICE. l6l

meure tousjoiirs pied ferme sur sa force et sur son quarré.

De m'esteiidre dadvantaige, pour le coup, en louanges de l'éloquence, ce n'est pas, certes, mon intention, parce que, entreprenant à traicter eest argument , il me jetteroit en haulte mer , et me destourneroit trop de mon zénith et du poinct que je me suis proposé.

Je me contente, par cest eschantillon, qui comprend beaucoup si l'on l'examine de près, d'avoir touché briefvement ce qui est de la grandeur et dignité d'icelle : Et hœc pauca de multis dixisse sufficiat.

Quant est de leur salaire, s'ilz le vouloient terminer (borner) à l'honneur de donner leur travail au public, comme faisoient anciennement ceulx de leur robbe, cela leur partiroit d'ung cœur merveilleusement haullain, noble et généreux, comme il a esté dict cy devant.

Le gaing et rescompense pécuniaire rabaisse infiniment l'authorité d'ung honneste labeur et vacations; <le manière que l'advocat qui a des moyens et commoditez pour vivre honnestement, fera fort bien et vertueusement de postposer le gaing à la gloire d'exercer sa charge gratuitement, et se contenter de l'honneur d'icelle.

S'il ne le faict, au lieu de remporter la resputation d'homme de bien, il sera mésestimé et

teneu pour ung avaricieux, ung sordide et homme sans candeur ny piété.

Nec quisquam, dict Quinctilien, qui sufficientia sibi {jnodica autem hcec sunt) possidebit, hune quœstum sine crimine sordidum fecerit.

Et les empereurs Valentinian et Valens reraonstrent aux advocats qu'ilz ont ung beau champ pour acquérir une gloire et resputation qui ne flestriroit poinct : Modo ad turpe compendium stipemque déforment nonferantur, sed œternœ laudis augmenta qucerantur: quod si lucro pecuniaque capientur^ veluti abjecti atque dégénères inter vitiosissimos adnumerabiintur.

Cela pourroit suffire pour destourner d'ung gaing sordide et mercenaire ceulx qui ont l'ame généreuse, et le poinct d'honneur en recommandation ; mais , d'aultre costé , s'ilz n'ont des moyens suffisans pour vivre et s'entretenir avec leur famille, ilz ne peulvent estre blâmez de prendre ce qui leur sera librement offert par les partyes : Sed tum tenendus est moduSy ac plurimum refert , et quantum accipiat et à quo et quousque.

Surtout qu'ilz se gardent de marchander avec les partyes , et de faire ung trafic et négociation en l'exercice d'une si belle et utile fonction : cela sent plustost son corsaire que son advocat; et ceulx de ceste qualité diffament appertement la

robbe : ilz debvroient estre chassez par les aultres advocats qui font leurs charges avec honneur , et les fauldroit bannir du Palais et des plaidoyeries à perpétuité; comme aussy ceulx qui, par le moyen de leurs chicanneries et subtilitez, rendent les procez immortelz , veoire d'ung en font naistre parfois une douzaine, afin d'avoir de la praticque à foison. C'est ce qu'Apulée nomme, dans sa Métamorphose , Jb/enses harpjias, prœdones et latrones publicas^ togatos vul" tures y et d'aultres tiltres scandaleux.

Je cognois des advocats fort riches et aysez, qui sont infiniment aspres au lucre, et ont ung désir invétéré et insatiable d'accumuler de plus en plus leurs possessions et croistre leurs reveneus, et le terme de la vie les saisira plus tost que la fin de leur avarice.

Je les plains, parce qu'ilz sont pauvres, nécessiteux et misérables, puisqu'ilz ne peulvent borner leur appétit d'acquérir incessamment , ne sont capables d'imiter nature , et de considérer qu'elle nous apprend à borner nostre appétit, et de manger et de vivre après avoir prins nostre suffisance, tant de l'ung que de l'aultre; et puis, estant de ceste humeur , ilz ne sont jamais appelez aux magistrats et grandes dignitez, parce qu'il leur seroit impossible de despouiller ceste vieille peau, vouldroient tousjours gaigner à leur ac-

coustumée et faire ung trafic de leurs charges, et appliquer à leur particulier ce qui doibt tourner au profict public : au lieu qu'ayant faict une médiocre fortune au Palais, qui est tousjours la plus durable, ilz debvroient donner libéralement et gratuitement le reste de leur aage à redresser, reigler et modérer, par leur conseil et bon adviz, les actions des hommes, et ne pas tendre indécemment leur avare et sordide main à ung peu d'or ou d'argent , qui faict souvent plus de besoing à celuy qui le baille que de profict à celuy qui le reçoibt.

La maison d'ung grand advocat et jurisconsulte est l'oracle de la cité ; sera dict que cest oracle ne parlera poinct si les rayons du soleil ne luy donnent dans la visière ou dans la bouche, en guise de la statue de pierre de Memnon , laquelle estoit anciennement en Egypte. Et nunquam , nisi solis icta radiis , petentibus responsa dédisse traditur.

C'est, sans mentir, trop ravaler la dignité d'une vacation de tel mérite. Sic bonarum artium princeps sordidis ministeriis paulatim fœdata est^ dict Tacite. A sçavoir, si ces grands personnaiges, Sextus ^lius, M. Manlius, P. Crassus, M. Caton, Scaevola, et aultres grands jurisconsultes dont , parle Cicéron, lesquelz donnoient libre accez à tout chascung de leur demander adviz de tout

ce que bon sembloit , ne tendoient la main pour prendre de l'argent de leurs consultations : rien moins; mais ilz recebvoient bien plus grand loyer et rémunération, à sçavoir, une bienveillance générale et l'honneur de leurs bienfaicts envers leurs cliens et concitoyens, la mémoire desquelz dure encores; là où s'ilz eussent prins de l'argent ou des présens , on n'eust pas estimé leur estre teneu , et ne leur en eust on sceu aulcung gré. Et tamen non solum de jure civili ad eos , verum etiam de filia collocanda , de fundo emendo, de agro colendo ^ de omni denique , et in senatu^ et apud populum , et in causis amicorum^ et domi ^ et militiœ, consilium suum Jîdemque prœstabant.

J'en cognois d'aultres qui ont honnestement des moyens, et font leurs charges avec beaucoup de modestie, n'exigent rien des partyes, ains se contentent de ce qu'il leur plaist, veoire parfois prennent moins que ce qui leur est offert; pour le regard des pauvres et personnes misérables , ou qui sont opprimez par les riches et plus puissans, ilz entreprennent hardyment leur deffense, travaillent pour eulx gratuitement et par charité.

Ceulx là sont véritablement fort rares, et d'aultant plus dignes de louanges, qu'ilz vivent en ung siècle où rien n'est estimé que l'or et l'argent, et méritent que l'on se soubvienne eulx

pour estre en ung meilleur temps employez ez dignitez les plus honorables de leurs provinces.

Au demeurant, sera fort utile, pour le soulaigement des partyes, de praticquer, par toutes les courts et sièges de ce royaulme , l'ordonnance d'Orléans, par laquelle, entre aultres choses, est ordonné que les advocats feront l'une et l'aultre charge d'advocat et de procureur, comme il se praticque au conseil privé du roy et en plusieurs sièges présidiaulx et juridictions roy ailes, et non sans grande considération ; car il est bien certain que les advocats qui ont esté instituez ez bonnes lettres et en la jurisprudence , conduiront les causes avec plus de sincérité et d'honneur, et s'efforceront desoulaiger les partyes des frais et longueurs des procédures.

Par ce moyen , les différends des partyes , qui n'auront affaire qu'à une seule personne , seront plus tost expédiez et judgez, et cesseront les chicanneries , la pluspart desquelles viennent de la forge des procureurs , qui veulent , aux despens d'aultruy , entretenir la praticque; et, au lieu de terminer les procez , font tout ce qu'ilz peulvent pour les allonger, parce que de la multitude et longue durée d'iceulx viennent leurs grands proficts et la ruyne du pauvre peuple : et néantmoins, afin de ne troubler le repos de personne, je suis d'adviz que l'on leur laisse coati-

nuer leurs charges, leur vie durant, s'ilz y veulent demeurer; mais aussy semble fort nécessaire de fermer la porte et n'en plus recebvoir aulcung, mais admettre les advocats à faire les deux charges , non du premier coup et dès leur entrée au barreau.

Ains conviendroit de procéder avec ung bel ordre, et commencer par les anciens advocats, et encores ne les recebvoir que les ungs après les aultres, et tant seulement à mesure qu'ung office de procureur viendroit à vacquer; aultrement, si l'on recebvoit tout d'ung coup tous les anciens advocats à faire conjoinctement la charge de procureur, ce seroit une confusion, et n'auroit on pas remesdié au mal : au contraire , on l'auroit accreu.

Cependant les jeunes advocats, veoyant qu'à leur tour ilz feront conjoinctement toutes les deux charges, travailleront à bon escient, et se rendront de tant plus assideus, afin de n'estre, quand leur temps sera veneu , rebutez par faulte d'inexpérience ou quelque aultre deffault.

Partant, je persiste à mon adviz, qu'il ne les fault admettre qu'à mesure qu'une place de procureur vacquera; ainsy le nombre de procureurs ne croistra poinct, et les deux charges unies, le peuple s'en trouvera bien généralement soulaigé.

Bien est vray qu'il fault cependant modérer

et taxer le salaire et des uugs et des aultres; et semble qu'il seroit fort à propos que ce feust après le judgement des causes, et non plus tost, comme nous lisons qu'il feut ordonné du temps de l'empereur Trajan, sur les plainctes et remonstrances qui se faisoient lors contre les concussions et rançonnemens des advocats.

De ce reiglement naistroient deux grandes commoditez : la première , que les advocats et procureurs s'efforceroient de terminer tous les ilifférends dont ilz auroient entreprins la direction et la poursuyte, et n'immortaliseroient pas les procez par chicanneries, par exquises inventions et malices, comme ilz font à présent; la seconde , que les partyes ne se pourroient plaindre des exactions des advocats et procureurs, le salaire et la vacation desquelz seroient, en fin de cause, taxez par les judges, eu esgard au labeur, temps, sçavoir et capacité de chascung, et pour raison de laquelle taxe il leur seroit permiz de se faire payer par rétention des pièces par préférence, et toutes aultres voyes de droict.

Après ce reiglement faict, les chicanneurs, les impudens, les criards, les menteurs, les concussionnaires chassez et banniz des compaignies , ou du moins sévèrement chastiez. Patroni illi et causidicipriniiprimœ classis Julgebunt , ut solet luna inter minora sidéra ; sop/iistœ ac rabulœ ,

sycophantœj veteratores^ detrudentur adima; non ohstrepent amplius bonis viris, nec imponenl deinceps fudicibus , oculatissimis ^ incorruptissimis ^ œquissimis.

Je voulois ( lassé d'une assez longue course ) faire retraicte pour ce coup, et me mettre à couvert, attendant la fortune et renconstre, bonne ou maulvaise, du reiglement espéré; mais la charité , pour et en faveur de laquelle j'ay entreprins ce labeur, m'est veneu tirer l'oreille et se ramentevoir (rappeler) pour la promesse que si franchement j'ay cy devant faicte de parler pour les pauvres, pour les vefves, pour les orphelins et aultres personnes destituées de secours, de manière qu'il me fault retourner tout court sur mes brisées; et prenant la cause en main pour tant de pauvres créatures qui ne sçavent à qui se vouer pour recebvoir du soulaigement, ayde et confort en leurs afflictions, dire que les riches qui sont poussez de quelque pitié envers leur prochain, et de zèle à la justice, ont aujourd'huy ung beau champ pour gaigner les œuvres de miséricorde, et s'acquérir ung thrésor qui ne soit poincl subject à la rouille du temps, au hasard des brigands et des voleurs publics ou privez, à fortune de feu, de guerre et aultres ravai^es et inconvéniens, qui est ce que peulvent et doibvent appréhender ceulx qui

thésaurisent icy bas avec aultant de soing que s'ilz avoient à y demeurer dix mille ans ou plus Gela soit dict comme en passant à tant de maulvais riches qui n'ont jamais appriz, ou du moins ne praticquent pas le vray usaige des richesses , qui est tout aultre que celuy auquel ilz les applicquent, et se donnent bien de la peine à se faire eulx mesmes leur procez , et porter leur condamnation par devant ce grand et formidable judge, qui rejettera sur eulx la perte et ruyne de tant de pauvres souffreteux et misérables qui vivent en langueur, et enfin meurent de nécessité et pauvreté, pendant que l'affluence de biens mal acquiz pour la pluspart leur sert d'aultant de tesmoings pour les convaincre d'ingratitude envers ceulx qui, comme eulx, sont créez à l'imaige de Dieu vivant, lequel leur en fera ung jour des reproches si aspres qu'ilz vouldroient lors n'avoir esté nez.

S'ilz ne croyent ceste vérité, ce sont athées plongez au labyrinthe de perdition, et mon conseil ne leur servira de rien. Si d'adventure ilz sont inspirez de le croire, qu'ilz fassent leur profict de cest advertissement, et qu'ilz s'exercent aux œuvres méritoires et de miséricorde, tandis qu'ilz ont le moyen et le loysir, car ilz ne l'auront pas tousjours.

Or, entre les moyens de miséricorde, je mets

I)ïï LA RÉFORMATION DE LA JUSTICE. 27 F

la vie innocente et la distribution de la justice : Quurn justitiamfacere apud Hœbreos, idem plerumque sit quod pie juste ac innocenter viç>ere hoc est, Zacharias apud Lucam in cantico suo loquebatur ^ Èv dctorviTi xat^ixa ocuvvi èvwxtov aÙTOÎr >.aTpeustv ôsô, servire Domino in sanctitate et justifia corarn ipso; et toutesfois et quantes que le bon judge rend la justice en toute intégrité à la vefve, au pauvre, à l'orphelin, à l'innocent, il faict aultant d'aumosnes et d'œuvres de piété, cent fois plus agréables à Dieu que toutes les victimes et oblations qu'il luy vouldroit offrir, et en sentira luy mesme la rétribution en ce monde, laquelle redondera sur sa postérité , qui sera comblée des bénédictions célestes promises à ceulx qui font justice et miséricorde devant la face de l'Esternel; comme au contraire, quand le judge préfère l'homme riche et puissant, luy faict honneur et le favorise en tout et partout contre la justice , et pour le regard des pauvres , il les opprime ou les laisse opprimer par les hommes de sang , outraigeux et rapineurs, et attire sur soy et sur sa famille l'ire et l'indignation du ciel , et comme il est dict en l'épistre canonicque de sainct Jacques, chap. 2 : ce Justice sans miséricorde sera faicte à ce maulvais judge qui foule aux pieds l'humihté, l'innocence, la pauvreté, pour complaire aux grands du monde. y>

Or est il que la miséricorde tient le haiilt bout ez judgement : vî yàp jcpici; àviXswç tû jjly) iroiYi'cavTi eXeoç.

Les docteurs hesbrieux ont remarqué qu'en plusieurs lieux de l'Escriture, soubs le nom de justice, s'entend l'aumosne et la miséricorde. Sainct Augustin dict à ce propos qu'il y a trois sortes d'aumosnes , ea tria sunt : est dict une corporelle , quand vous distribuez de vos biens temporelz aux nécessiteux selon vos facultez; l'aultre spirituelle, quand vous pardonnez et remettez volontairement le tort, l'injure et l'offense qui vous est faicte, et celle cy s'estend bien plus avant que la corporelle ; la troisiesme convient à toutes personnes qui ont cognoissance du bien et du mal, mais principallement aux grands du royaulme, aux magistrats et aux juges, qui doibvent chastier les mal faicts et punir les meschans, afin de tenir les gens de bien en seureté, redresser les desvoyez en chemin de vérité, et rendre le droict à ceulx qu'il appartient.

Et telles aumosnes de piété et de justice sont de si bonne odeur devant nostre Dieu, mesmement quand elles sont praticquées selon les saincts commandemens,qu' elles surpassent toutes aultres en perfections.

Aristote dict, au troisiesme de ses Politicques, chapitre 8, que si quelque homme riche et d'au-

DE LA RÉFORMATION DE LA JUSTICE. 2']'i

thorité faict aulcung tort ou outraige à ung pauvre ou aultre misérable personne, il mérite une plus rigoureuse punition que si l'offense estoit faicte par quelque aultre qui feust de la condition de celuy qui se trouve offensé.

La raison est chrestienne et fort remarquable, parce que l'affliction est de soy mesme assez mal aysée à supporter, et ne la fault pas surcharger d'une aultre misère et malencontre , et encores provenant de celuy qui debvoit secourir au lieu de nuire et faire dommaige.

C'est pourquoy le collège des tribuns feut haultement loué lorsque l'ung d'entre eulx , nommé L. Cotta , Jîducia sacrosanctœ potestatis creditoribus suis satisfacere iiollet, estant comme en lieu couvert et sacré, soubz l'authorité de son office de tribun , ne vouloit respondre ny payer plusieurs pau Ivres créanciers auxquels il estoit redebvable : que firent ses compaignons ? ilz résoleurent tous entre eulx, que si L. Cotta, leur collègue , ne faisoit raison à tous ses créanciers , ilz prendroient le faict et cause pour eulx ; et parce que la personne de tribun estoit sacrée et inviolable , ilz le mettoient hors de leur compaignie.

In quam rati majestatem publicam privatce perfidiœ ohtentui esse^ itaque, ut tarn in tribu-