XIII

D'aultrc costé, les advocats ont laissé ceste rondeur ancienne de tendre tout droict à la vérité, et de playder nettement, sans tergiverser, mentir et sans user de surprise : les judges les

DE LA RÉFORMATION DE LA JUSTICE. 2g5

ont tolérez, afin de faire valoir le mestier, et de ne manquer poinct d'affaires; et n'y a cause si légère , si certaine , si sommaire , que l'on n'en fasse aujourd'huy ung procez par escript : c'est à quoy tendent les procureurs et advocats et les judges mesmes; aultrement ceulx cy n'auroient poinct d'espices, si l'on yuidoit tout en audience, et les aultres ne proficteroient pas, comme ilz font, de la longueur et multiplication des procez, d'où vient leur plus asseuré et grand reveneu, et la ruyne de plusieurs bonnes familles.

Il sera fort aysé de pourveoir à cela par la praticque des moyens cy dessus desduicts, qui est fort aysée à faire, et ne fault que le vouloir.