Inéd

leur repos, d'offencer qui que ce soit de faict ny de parolles; et qu'ilz se soubviennent de ce bon empereur Marc Anthoirie le philosophe, qui avoit pour maxime deux beaulx préceptes qu'il praticqua toute sa vie, et s'en trouva merveilleusement bien, à sçavoir, d'imiter Dieu et d'aymer le genre humain ; et l'avons desja touché ailleurs. Nidla aulem re propius homines ad Deos accédant quam salutem hominibus dando et eis bénéficia conferendo.

Et d'autant que les potentats, monarques et princes soubverains, ont plus que tous aultres moyens de le faire; c'est pourquoy ilz sont si souvent, en l'Escriture, appeliez les imaiges de Dieu vivant.

Cela s'entend, s'ilz sont imitateurs, en tant que faire se peult, des bénéfices de Dieu envers les hommes, et qu'ilz s'estiment eslevez par dessus les aultres hommes, non pour pouvoir mal faire, car cela s'appelle plustost impuissance, et les roys peulvent tout , fors ce qui est inique et déshonneste, mais pour avoir soing de leur peuple comme de leurs enfans, et empescher qui que ce soit en leur royaulme de faire impunément tort ny outraige au moindre de leurs subjects.

Hz le fairont, s'ilz sont bien saiges, et s'ilz croyent, comme il est vray, que le plus pauvre et par les mondains estimé le plus malotreu

DE LA RÉFORMATION DE LA JUSTICE. Si

d'entre leurs peuples, est homme comme eiilx, représente l'imaige de Dieu, et n'a pas moins cousté au sang de Jésus Christ que le plus grand prince de la tert-e.

Ce qui est grand au monde est vanité envers Dieu ; celuy que nous estimions gueu , misérable, ou de peu ou de néant, pourveu qu'il porte son affliction, sa pauvreté et sa nécessité avec modération, doibt indubitablement estre moins offencé qu'ung grand millord , et quelquefois porte ung esprit divin, une générosité admirable soubs des haillons. Sœpe suh sordido pallio latet sapientia.

De sorte que l'on pense par fois mettre sa main dans de la cire ou de la paste molle, et l'on est tout esbahy que l'on se rompt et les poings et les mains , et la teste mesme , contre de l'acier.

Cessez donc, cessez, vous qui avez ceste faveur du ciel, d'estre quelque chose au monde par dessus le commun, de vous orgueillir et de vous faire craindre par bravades, par violences, par rapines : possédez vos âmes, vos richesses, vos estats , vos grandeurs avec ung esprit de paix et de justice ; faictes vous redouter et respecter par amour, et non par haisne, ny craincte serville.

Vous estes ordinairement comparez aux bergers, et ceste comparaison vous plaist, comme aussy vous est elle fort convenable, si vous la méritez par vos actions et comportemens. Con-

Sa TRAITÉ

sidérez donc que ce berger ponit animani suam pro ovibus suis.

Le bon berger ne se contente pas de ne poinct faire du mal à son troupeau, de le substanter, de le mener paistre et l'héberger, encores que les debvoirs soyent grands , profictables et nécessaires; mais encores il le préserve contre les entreprinses, courses et yiolences des loups et aultres bestes ravissantes, veoire expose sa propre vie pour les saulver.

Les gouverneurs des peuples en font de mesme , pourveu qu'ilz ayent une bonne ame, qu'ilz ayent leur repos, et de ceulx qui sont soubs leur conduicte, garde et protection.

S'ilz sont loups eulx mesmes , au lieu de bergers, qu'ilz n'attendent que révoltes, factions, troubles, conjurations, guerres intestines, etfinablement leur ruyne totalle; et qu'ilz ne trouvent pas estrange, si les hommes ne veulent ny estre escorchez, ny dévorez.

Le saige et docte Contarin (Contarini) (i), sénateur vénitien, descendeu en ligne directe d'Anelré Contarin, qui feut duc de Venise, et vivoit

(i) Il y a, je crois, erreur de nom. Ce ne peut être, à cette époque, qu'André Contarini lui-même, nommé duc en i368, et mort en i382, et dont tous les historiens s'accordent à louer la sage administration.

DE LA REFORMATION DE LA. JUSTICE. jS

l'an treize cent quatre vingts, remarque à ce propos, entre plusieurs aultres belles instructions et reigles d'estat, praticquées en ceste excellente respublicque , deux principalles , auxquelles je me fonde pour ce que les aultres, pour la pluspart, sont particulières et appartiennent proprement à la démocratie, et ne se pourroient possible guères bien accommoder aux aultres estats; mais celles cy sont véritablement communes à toutes sortes de gouvernemens , soyt monarchiques, aristocratiques ou populaires , et sont de telle conséquence, que l'observation ou violement d'icelles peulvent causer partout ou ung grandissime repos ou de merveilleux troubles.

En premier lieu, dict il, ceste coustume a esté de tout temps observée religieusement à Venise, de garder indifféremment à tous les citoyens leur bon droict, et leur rendre justice esgalle, et sur toutes choses , qu'aulcung , quel qu'il soit , ne puisse impunément offeucer de faict ou de parolle le plus petit, veoire du meneu peuple, n'estimant pas ces excellens personnaiges que pouvoir mal faire, nuire, porter dommaige et malencontre à aultrii}^, soyt augmentation d'honneur, de majesté, d'authorité, mais plustost argument de foiblesse, d'impuissance et naturel despravé. Comme ainsy soyt que toute grandeur desjK'nd de la seureté, et celle cy de la force et authu-

54 TKAITÏ

rite des bonnes loyx , par lesquelles les hommes soyent si bien bridez et reteneus, qu'ilz ne puissent mal faire quand il leur en prendra envie.

Sic hominem patricium contumeliam Jacere plebeio pro sacrilegio ac scelere maximo semper habitum fuit; quod si guis temerarius hujus modiquicquamperpeirare ausus aliquandofuerity nullus unquamfuit ei impunitati locus, sed lanto graviores pœnas dédit, quanto majoris existimationis auctoritati suce extitit.

De veoir, dict il, ung seigneur outraiger, excéder, ou offencer ung petit compaignon, c'est chose qui n'est pas moins en horreur entre les Vénitiens que le sacrilège, ou quelque insigne meschauceté; et, si par fois s'est rencontré quelque insolent et téméraire qui ayt entreprins de faire quelque vilainie au moindre d'entre le peuple, jamais au grand jamais on ne luy a pardonné; au contraire, tant plus griefvement il a esté puny qu'il a eu plus de noblesse, de bien, d'authorité , et celuy qui est offensé plus de foiblesse et d'impuissance en la respublicque. Voilà pour le premier.

L'aultre est l'extresme soing, diligence et pourveoyance du sénat de Venise à donner ordre aux vivres et à tout ce qui faict besoing pour le bien estre, pour l'entretenement, aisance et prospérité de tout le peuple ; de sorte que bien souvent le

fisque porte de grandes pertes, pour ne laisser le public despourveu d'aulcunes choses nécessaires pour la commodité de la vie; aussy est il certain , et cette maxime soyt diligemment remarquée, que toute la plus grande sollicitude, désir et souhaict des peuples, consiste principallement en deux poincts , lesquelz on récompense de leurs soubmission, obéyssance et fidélité.

Hz exigent de leurs supérieurs et de ceulx qui les gouvernent, à sçavoir, de vivre en affluence, et commodité de toutes choses nécessaires pour la vie, et avec cela estre asseurés de leurs personnes et biens, et de n'estre offensez par la noblesse, par les grands, par les magistrats, ny par les plus puissans; et, pourveu qu'ilz ayent asseurance de ces deux poincts, ilz vivent contens de leur condiction, et n'aspirent jamais à troubles, dissensions ou nouveaultez.

Pour l'accomplissement de ces deux souhaicts du peuple, il fault faire estât que rien n'a esté obmis à Venise pour l'en faire jouyr en tout et partout; et mesme, parce que plusieurs accidens arrivent aux hommes ou par caducité, vieillesse, maladies, par fortune de guerre ou quelque aultre événement, lesquelz seroient en langueur le reste de leurs jours, s'il n'y estoit pourveu, la lespublicque a faict bastir plusieurs maisons et

édifices assez commodes pour loger gratuitement les personnes de ceste condictiou (j'entends de ceulx qui ont chascung en leurs qualitez, faict servyce au public, et qui ont vesceu honnestement en leurs vacations).

Vous avez, avec cela, le superbe arsenal, basty en forme d'une grande ville, auquel y a plusieurs pauvres artisans qui ont consommé leur aage à bastir vaisseaux , navires , fondre artillerie, et plusieurs aultres ouvraiges en ce lieu cy, ne peulvent plus travailler, à cause de leur vieillesse, blessure, maladie, accidens qui leur sont surveneus. On leur ordonne certaine pension pour leurs vivres et entretenement , moyennant laquelle ilz sont asseurez le reste de leurs jours contre la faim et mesme la nécessité.

Et pour aulcunement soulaiger ceste publicque et charitable despense, l'on a la bonne et louable coustume qu'en tous les contrats qui se passent pour marchandises de grand prix, le vendeur ou Tachepteur réserve tousjours quelque petite somme de deniers pour estre employez au fonds destiné pour l'entretenement de ces pauvres pensionnaires publics.

Il ne se fault donc pas estonner si ceste respublicque, digne certainement par la police et intégrité de sa justice d'une plus grande estendeue et domination , a dcsja duré plus de douze

cents ans fi) en cest heureux estât; et si elle contineue en ces anciennes mœurs, loyx et discipline, il n'y fanlt poinct craindre ny appréhender de rébellion, ny de changement, parce que tout ce qui faict durer les estats et les conserve en leur entier, se rencontre en celle cy : la piété, la justice, l'amour des grands et de la noblesse envers les petits, l'obéyssance et soubmission volontaire, veoire l'amour extresme de ceulx cy envers la noblesse et les magistrats, la récompense infaillible des bienfaicts, des servyces, des insignes vertus, la punition certaine des violences, des oppressions, des injustices, des crimes et fortaicts, sans aulcune distinction ny connivence.

Ce sont là, de vray , les noeuds , veoire les colomnes qui sonstiennent les estats, grands ou

(i) L'égalité devant la loi était la base de ce gouvernement, quoique sa forme fût aristocratique; mais les nobles eux-mêmes, qui seuls exerçaient l'autorité, étaient, en cas de prévarication, punis suivant la loi commune : le patriciat n'admettait point de privilège d'impunité. Les plébéiens n'étaient pas appelés aux charges publiques. Cet état n'en conserva pas moins, pendant une longue suite de siècles, le nom de république.

Des actes évidents d'hostilité y appelèrent les armées françaises à la fin du siècle dernier. Conquise par les vainqueurs de l'Italie, Venise a été cédée à rcm|)ereur d'Autriclic, et a cessé d'exister comme état indépendant.

petits, en repos et prospérité mondaine, bien plus fort que les chaisnes de diamans sottement imaginées par Denys le Tyran, lesquelles feurent si fragilles, qu'au moindre effort qui feut faict, elles cassèrent comme verre, et feut son estât ruyné pour sa famille.

Au demeurant, le plus certain tesmoignaige que l'on puisse prendre d'une juste domination, dict Aristote en sa Politicque, c'est quando volentibus imperatur. « Quand ceulx auxquelz on commande obéyssent volontairement et sans aulcune contraincte. » Tout cela est à Venise.

k. la mienne volonté , que nous peussions nous vanter avec vérité que ces deux poincts feussent bien observez en ce royaulme envers ce pauvre peuple ; mais Dieu sçayt combien il est esloigné de telle prospérité ; car pour le regard de la distribution d'une justice esgale, hélas! il s'en fault Irop que cela soit; et n'adjousteray rien pour cest article à ce qui a esté dict cy dessus.

Quant aux injures, offenses, oppressions, contumélies et indignitez ordinaires des grands, des officiers, des riches et gros millords, et principallement envers les petits, elles sont si insupportables et journalières, que non seulement le particulier, mais le prince soubverain, est offensé en l'oulraige, tort et vilainie faicte à son subject ;

car en ung royaulme bien policé , toute offense et forfaict est subject à réparation.

Celuy qui l'a faict s'y oblige; et quiconque, hormiz le monarque ( du naturel duquel je ne veulx avoir si maulvaise opinion qu'il veuille , de gayeté de cœur, outraiger et maltraicter ce qui lui appartient, ce qui est sien par protection, et qu'il est teneu de préserver de toute oppression et violence , tant s'en fault qu'il luy doibve mal faire j , est si présomptueux et téméraire d'user d'aulcune contumélie et indignité envers qui que ce soit, grand, médiocre ou petit , se soubmet à la peine de la loy publicque , et fault nécessairement qu'il répare le tort et l'injustice faicte à aultruy.

S'il ne le faict, et qu'il s'estime de telle qualité, rang et condition en ce royaulme, qu'il ne soit soubs la censure, rigueur et discipline publicque, et que la justice soubveraine soit trop foible pour le ranger à l'ordinaire des justiciables du monarque , celuy là, sans doubte, entreprend sur la royaulté , veoire faict le roy , et autant qu'il y en aura de ceste qualité, ce sont autant de roys. Régis intra se quisque habet animum , dict Sénèque , ut licentiam dari sibi velit in alterum, in se nolit.