I.e roy seul est exempt de la censure des loyx

6o ■ TRAITÉ

pénales, et n'est justiciable que de Dieu, lequel luy sçaura bien rendre compte des torts et griefs qu'il aura faicts en sa charge , quand son heure sera veneue; et toutesfois et quantes qu'il permet ou dissimule les injures, les indignitez et injustices, il commet trois lourdes faultes tout d'ung coup.

La première va contre la majesté divine , en ce qu'il abuse de la puissance que Dieu luy a mise en main pour empescher les malfaicts et punir les injustices , et néantmoins il ne le faict pas, et se rend par trop indigne des grâces, des faveurs et bénédictions de l'Esternel , lequel prendra, sur luy ou sur sa maison, la juste vengeance du péché d'aultruy , que le roy a faict sien en le pardonnant, le dissimulant ou ne le punissant pas.

La seconde, en ce qu'il rend l'oppresseur plus meschant, plus hardy, insolent et endurcy à cause de l'impunité, de manière qu'il ne trouve plus aulcune meschanceté difficile, et ce qu'il estimoit auparavant vicieux, veoire détestable, est desjà tourné en naturel et accoustumance ; et c'est lors que l'on ne rétrograde jamais plus à bien faire.

La troisiesme (ceste cy regarde son authorité), tn ce qu'il argue et manifeste sa craincte et son nnpuissance, de n'oser, pour quelque respect et

DE LA KKFORMATIOIV DE LA JUSTICE. (il

considération humaine , rendre librement et ouvertement la justice à son pauvre subject, qui la luy demande comme à son roy ; en ceste qualité la luy doibt, avec le mesme tiltre qu'il croyt l'obéyssance et le servyce luy estre deus ; et s'il ne s'acquitte de ceste debte, Dieu, qui est son judge incorruptible, qui luy a miz le sceptre en la main à ceste charge et condition, à bon droict luy ostera, ou du moins à sa postérité, faulte d'accomplir icelle condition ; et puis ung roy qui crainct son subject, de quelque rang, grandeur et authorité qu'il soit , n'est plus roy , il est plustost vassal de celuy qu'il crainct, esvite, et, par conséquence nécessaire de cela, deviendra contemptible, veoire mesme envers celuy de qui il aura craincte : Qui rex est regem maxime non haheat. Et puis le subject qui reçoit toutes ces nyaiseries, ces impertinences, ces pardons que l'on faict à ses despens, et par le mespris que l'on faict de luy, tout ainsy que si c'estoit ung membre du tout inutile au corps de Testât, tourne son couraige et sa volonté vers celuy ou ceulx qui font tant de maulx et d'oppressions qu'il leur plaist sans estre repris , punis ny recherchez , se met à couvert le mieulx qu'il peult soubs leur protection , puisque celuy qui la luy debvoit naturellement luy a manqué de garanties, l'a laissé au besoing et l'a abandonné à la gueule des loups,

caresse, suit et faict la cour à ses tyranneaux et mange peuples, non pour bien qu'il leur veuille, ny pour aultre grâce qu'il espère d'eulx, que celle que font quelquesfois les brigands, lesquelz estiment ceulx à qui ilz n'auront osté tous les biens ou la vie mesme, leur estre redebvables et obligez des biens qui leur restent et de la vie qu'ilz ne leur ont pas ostée ; et de la est veneu le proverbe bénéficia latronum, les grâces, les faveurs, les bénéfices des brigands.

Sur ce propos, je suis contrainct de dire que je m'esmerveille infinyment de la grande licence que les riches et la noblesse de ce royaulme prennent d'offenser si hardyment les foibles, les impuyssans, et ceulx qu'ilz trouvent à leur advantaige; le tout bien souvent sans aultre subject que pour assouvir ung plaisir brutal auquel leur orgueil et présomption ( vices ordinaires des riches ) les portent, et pour monstrer qu'ilz sont quelque chose plus que le commun; lequel commun ilz sont si mal appriz de discrétion. Faulse et pestiféré persuasion , la praticque de laquelle a causé mainctes altérations , ruynes et subversions de plusieurs sociétez, communautez, villes, provinces, potentats ou principaultez , comme nous monstrerons ailleurs.

Je ne m'estonne encores dadvantage qu'est deveneu le couraige des François, qui s'est, au temps

jadis, faict cognoistre, et a par tant de fois arboré ses estendards par toute la terre, s'est aujoiird'hiiy tant rabaissé, que vous diriez proprement que toute sa valeur est réduicte à ce poinct de surprendre, d'injurier, braver, vexer, oiitraiger ceulx de sa nation qui bien souvent ne se deffendent poinct à cause de leur foiblesse, et que personne ne prend le faict et cause pour eulx , tant la mollesse et faulte de charité chrestienne s'est meslée parmy nous, maxime omnium.

Je m'offense de veoir ceste valetaille que la noblesse principallement ( excepté tousjours les bons, les gens d'honneur et craignant Dieu , dont il y a encores, grâces à Dieu, bon nombre en tous les trois estats du peuple) (i) nourrit avec une insupportable audace de gourmander, excéder et faire des indignitez , et à qui leur monte à la teste, non seulement au village, où le gentilhomme ne croira poinct qu'on le tienne pour tel et pour vaillant homme, s'il n'a tousjours le baston sur le dos du pauvre paysan ou

(i) Le clergé n'a pas toujours été considéré comme ordre dans l'état ; mais parvenu à prendre rang dans les assemblées nationales, il s'est placé au premier. C'est depuis cette époque que s'est établie la division de la population en trois ordres, clergé, noblesse et tiers-état.

atiltre personne de peu ou poinct de deffense, mais encores ez plus grandes villes, en pleine rue, en plein midy , où se veoyent journellement des outraiges, violences et affronts faicts à des gens d'honneur et à des personnes de qualité de tout sexe, par des matois (i), des brelandiers (2), des coupe jarrets, des ruffiens (3), gens de sac et de corde, et aultres desbauchez, qui ne sçavent pour tout aultre mestier , praticque , que d'outraiger, braver, frapper, et quelquesfois assassiner à prix d'argent ceulx qui leur sont recommandez et qu'ilz trouvent à leur advantaige ; de manière qu'il n'y a si homme de bien , saige et paisible , n'y a femme si chaste et vertueuse , n'y a fille si bien nourrie et pudicquement eslevée, qui ne soit à la mercy et exposée à l'injure de telle canaille ; et de cent outraiges , excez et indignitez qui se font, à grand peine en veoit on deux resparées par la justice, ny empeschées par aulcungs ; et diroit on proprement que nous sommes en ung royaulme de confusion, où faict mal qui veult, se saulve qui peult, et tout y va à l'adventure.

Ce mal est estrange et scandaleux, et traisne

(1) De mate , vieux mot qui signifiait rouerie.

(2) Joueurs de profession.

(3) Débauchés, libertins.

après soy une queue de misère de plus grande conséquence que plusieurs n'estiment ; et quelque matin (que Dieu ne veuille), l'on sera tout esbahy que le paysan, après en avoir bien enduré, jouera à quitte ou double, ne vouldra plus estre gourmande par le gentilhomme de son village , encores moins par ses valets , et ne vouldra plus faire de corvées extraordinaires, ne vouldra plus veoir l'espargne de son labeur et petit mesnaige ravaigé par son seigneur , par le picoureur ( maraudeur) soldat, par le concussionnaire et outraigeux sergent, qui est une aultre espèce de vermine dont le peuple est rongé jusques aux moesles; le bourgeois et peuple des villes ne vouldra plus estre le jouet et le passe temps des gros milords et de messieurs de la noblesse, qui nourrissent encores img nombre excessif de laquais barbus, insolens et outraigeux au possible, pour le voler, rapiner, mastiner et violenter, et tournera sa trop longue patience, trop de fois impunément offensée, en fureur et désespoir ; et le pis sera que l'on ne se prendra pas seulement aux valets et aux grands laquais qui sont façonnez aux moeurs et au goust de ceulx qui leur commandent, mais on s'adressera directement aux maistres, et leur fera on sentir à leurs despens qu'une prospérité et grande ou médiocre fortune conduicte par audace, par orgueil ou