XXVI

Arrivent tous les jours plusieurs vexations des marys qui playdent et chicannent aultruy impunément soubs le nom de leurs femmes, qu'ilz ne veulent jamais authoriser, soit en demandant, soit en deffendant, et le font à desseing et par malice : car, lorsque l'on a obteneu judgement contre elles , premièrement ilz en empeschent l'exécution sur les biens de la communaulté; en second, l'ordonnance des quatre mois ne se praticque pas contre les femmes mariées, là où ceulx qu'elles obtiennent, elles les font exécuter sur tous les biens du condamné, et encores le font, si bien leur semble, condamner par corps après les trois mois, suyvant édict.

Geste prodigalité en justice est du tout inique, abusive, tolérée contre les maximes du droict et contre la raison.

Pour luy couper chemin, seroit bon d'en faire une loy que les judgemens obteneus contre la femme mariée et en puissance de mary seront exécutoires sur les biens de la communaulté si elle est demanderesse, tout de mesme si elle est deffenderesse, et que le mary ait sans cause légitime et telle judgée avec luy et approuvée par le judge, s'il a faict refus de l'authoriser.

DE LA. RÉFORMATION DK LA JUSTICE. 3l3