EN GRÈCE

de la tribulation d'enfer; et tous les jours l ou 2 lapluspart 3 ils ont les assauls pour aydier la foj crestienne à garder et soustenir à rencontre des mescréans : si doivent estre vaillans hommes et nourris d'armes.

Quant le conte de Nevers et les seigneurs de France furent venus en Roddes, le grant prieur de Roddes et le grant prieur d'Acquitaine, qui là estoient, et tous les seigneurs de Roddes , chascun en son ordonnance , de degré en degré, les recueillièrent doulcement et 4 lyement 5, et se offrirent à euls prester finance d'or et d'argent, si avant que leur povoir se pourroit estendre, pour payer et faire leurs menus frais, laquele chose sembla au conte de Nevers et aux autres 6 ung grant membre de 7 courtoisie, et les en remerchièrent moult de fois ; car au voire dire il leur besoingnoit , et de fait le grant prieur d'Acquitaine, ung moult vaillant homme et chevalier d'oultre mer , presta au conte de Nevers trente mille frans en deniers appareilliés , et les comptèrent messire Régnier Pot , maistre d'ostel dudit conte 8 , et le sire de Rochefort-en-Bourgoingne. Je 9 pense assés 10 que ce fut autant bien pour les autres que pour le conte, et que tous les seigneurs, chascun n à leur advenant 12, en eurent leur part ; mais le conte de Nevers en fist sa debte souverainement.

Les seigneurs de France séjournèrent en l'isle de Roddes ung long temps par raison pour eulx raffreschir et 13 aaisier 14 et remettre en bonne ordonnance ; car encoires y est l'air plus attempré qu'il ne soit ens es parties où ils avoient conversé. Et advint que , eulx séjournans en la ville de Saint-Jehan en Roddes attendans les gallées de Venise qui les deyoient venir querre , maladie prist à messire Guy

1 Aucques. — S3 Près. — *~B Joyeusement. — 6 T Grant. — 8 De Nevers. — 9 i0 Crov bien. — |I*H En leur endroit. — iZ'u Aider.

deJaTrimouille, seigneur de Sully, de laquelle maladie il fut si aggrevé qu'il moru, et ordonna à demourer sur le lieu où il estoit mort, et fut ensévely en l'église Saint-Jehan de Roddes et là gist, et là firent faire les seigneurs dessus nommés son obsèque moult 1 révéramment , lesquels furent de sa mort très-doulans et courrouchiés, se 2 amender 3 le peuissent, et par espécial le conte de Nevers ; car il sentoit bien que de la mort messire Guy , le duc Phelippe de Bourgoigne son père seroit 4 trop 5 courrouchié, pour tant que il l'avoit tousjours trouvé sage, froit, prudent et de bon conseil.

Or vindrent et arrivèrent les gallées de Venise en l'isle de Roddes toutes armées et appareillies, dont les seigneurs de France eurent grant joye, et ne 6 se détrièrent 7 point depuis longuement que tous se ordonnèrent au départir , et prindrent congié aux seigneurs de Roddes qui leur donnèrent et recommandèrent euls et l'isle de Roddes à euls et à leurs bienffais et à tous ceulx qui bonne affection 8 ont de euls bien faire.

Suscel estât se départirent messire Jehan deBourgoingne, conte de Nevers , messire Henry de Bar, messire Bouchicault , le seigneur de Rochefort , messire Régnier Pot et tous les autres ; et pour mieulx cheminer par mer à leur aise et euls rafFreschir plus souvent et pour monstrer 9 au conte de Nevers les ysles et les terres qui sont entre Venise et Roddes, les maistres patrons des gallées de Venise eurent conseil de aler de ysle en ysle et de eulx rafFreschir là dedens, et escheirent premièrement à 10 Moudon " à cinq cens miles de Roddes et là se raffreschirent, et est la terre, le port et la seignourie aux Vénissiens.

1 Honneur ablement et. — 2-3 Remédier. — 4-5 Moult. — *-7 Séjournèrent. — s Dévotion. — 9 Par espécial. — i0U Modon. •