GRÉGOIRE XIII A AVIGNON

d'Avignon et entendirent aux traitties du mareschal de France, lesquels se portèrent ainsi que il et les siens entrer oient dedens Avignon et assiéger oient le palais, mais violence nulle, ne dommage ils ne feroient, ne porteroient aux cardinaulx, ne à leurs familliers, ne au corps de la ville, et tout ce jurèrent le mareschal de France à tenir bien et loyaulment, et tous les seigneurs et les capitaines des gens d'armes. Les convenences prinses, tous entrèrent en Avignon débonnairement et se logièrent par ordonnance et tout au large, car bien y a ville pour ce faire, et ouvrirent les * pas 2 et les entrées sus la terre et sus la rivière du Rosne pour avoir vivres 3.

Quant celluy qui se nommoit pape Bénédict, qui se tenoit en son palais enclos, vey que, sans parler à luy, les cardinaulx et les hommes d'Avignon avoient par traittié fait accord au mareschal de France et aux Franchois, si en ot grant merveille. Et, non obstant tout ce, si dist-il que jà ne se soubmettroit 4 pour 5 morir et demourer en la paynne, et se tint et enclouy dedens le palais qui est la plus belle et la plus forte maison du monde et la plus aisie à tenir, mais que ceulx qui dedens seroient enclos, euissent 6 vivres 7. Ce pape Bénédict envoya ses lettres et ses messages (et avoit jà fait partir de Avignon avant que le mareschal de France y entrast) devers le roy d'Arragon, et luy prioit par ses lettres très-humblement que il le voulsist à cest grant besoing souscourir et conforter et envoier gens d'armes, par quoy il fuist si fort que pour résister à l'encontre du mareschal de France. Et disoit ainsi ce Bénédict par ses lettres que, se on le povoit ou vouloit oster de là et mettre en Arragon, il tenroit à Parpaignan ou à Barselonne son siège.

4*2 Passages. — 5 Car jà moult grant besoing en avoient plusieurs gens menus. — 4~5 Dust-il. — 8-7 A vivre.