COURONNEE A VALENCIENNES
Très gaie vie est d'amie et d'amant , Qui justement le scet considérer , Car li parler , li signe , li semblant , Les douls regars , li venir , li aler , 5 Li vrai complaint , li maintien gai et gent , Li bel proyer et li detriement Sont ordonné pour tous coers esjoïr.
Dont , quant Testât amoureus je remir , Je di que c'est la plus très gaie vie 10 Que bons coers puist prendre ne poursievir , S'est etireus qui jones s'i otrie.
Car d'amours sont li fait si souffisant Qu'on ne les poet prisier ne exposer ; C'est en aler , en penser , en priant , 15 Qu'on voit coulour pallir , taindre et muer ,
556 CHANSONS ROIAUS
Simple estre amant et amée ensement.
Par douls complains couvient l'amant souvent Très humlement envers sa dame offrir Corps , coer , penser , foi , entente et désir , 20 Et s'a tousjours espérance si lie ; Se de merci ne devoit jà goïr , Se tient il bien sa painne à emploiïe.
Et lors qu'amans a le coer si engrant De ses secrés humblement reeorder ,
25 Uns vrais désirs le moet. Là aimme tant, De si fin coer et de si vrai penser , Que , quant il voelt parler très sentamment , Plaisance si habondamment Fesprent Que il ne poet parler ne bouche ouvrir ;
30 Là le couvient pâlir , taindre et frémir.
Vivre en cremour , moustrer chère assouplie , Taire et servir , nuit et jour obeïr : Tels sont les fais d'amant envers amie.
En cel estât amoureus et plaisant 35 Vodroit amans tous temps sa vie user , Et s'aucuns fais entreprent d'abundant , Foible li sont et legier à porter , Car li espoir de merci qu'il atent Li donnent foi , vigour et sentement 40 De ses grieftés legierement souffrir , Car vis li est que , s'il pooit venir Au noble don que dame a en baillie , Il ne poroit pour servir desservir Les biens qu'auroit receu ceste fie.
45 Dame qui j'aine , où tant bien sont manant , Faitte pour tous amans énamourer , Voeilliés en vous mettre pité , car quant
Prjer vous voeil , si crienc le refuser
Que pooir n'ai , avis ne hardement 50 De vous proyer si très parfettement
Que bien en ai l'entente et le désir ,
Et se ne sçai comment puisse avenir
A la merci de vous , dame agensie ,
Se par pité n'en laissiés convenir 55 Amours , ma dame , à qui mon coer s'afie.
Princes , espoir me donne souvenir ; Quoique ma dame ait refus sans partir , Encor sera ma proyere exaucie :
C'est le confort qui me fait gai tenir 60 Et qui le plus me poet donner aïe.
