COURONNEE A ABBEVILLE

Pour ce c'on voit les dames deduisans En pluisours lieus et beaus samblans moustrer Par leurs bouches aus petis et aus grans , Et qu'on les voit humblement converser , 5 Rire en parlant , courtoisement juer , Dient aucuns , par oultrageus cuidier , Qu'il ne fault fors hardiement proyer Qu'en dame lors ne soit mercis trouvée ; Mes tels y vont à la fois essayer 10 Aux quels ele est estrangement veée.

Car se dame est de soi esbanoians , Humaine à tous , courtoise en bel parler , S'avec tout ce estoit merci donnans Tout ossitos qu'on l'iroit demander , 15 II ue faudroit jamès Amours meller

558 CHANSONS ROIAUS

Dou don d'otroi que dame a à bailler ; Sens ne Cremours n'i auroient mestier , Car sans honnour seroit merci donnée.

Or voelt Amours, pour dames exaucier, 20 Qu'elle soit trop plus closement gardée.

Si que en dame est Sens et Cremours puissans Au los d'onnour pour merci refuser.

Quant dame jue avecques les juans Et cuidans cuide en lui merci trover ,

25 Espoir ançois qu'il soit espris d'amer, Dont fait refus ouvrer de son mestier Sens et Cremour , qui ont à conseiller Dame. Adont est si close li entrée D'otroi qu'il fault cuidant pourpos changer ,

30 Car falli a à sa foie pensée.

Ensi cuidiers fait abuser cuidans , Car il prommet ce qu'il ne poet donner ; Dont qui le croit , il est moult ignorans. Mes qui se voelt parfettement fonder ,

35 II doit d'amours servir , croire et amer Dame , et s'elle est humble à l'esbanojer , Don de merci , qui tant fait à prisier , N'est point pour ce sitos abandonnée , Car il en sont Sens et Cremour huissier,

40 Tant qu'Amours plest qu'à l'amant soit gréée.

Dame qui j'ainc , très belle et très plaisans , Li beaus déduis que vous savés moustrer , Vos gracieus maintiens et avenans , Me font souvent de désir embraser , 45 Mes quoiqu'ensi vous saciés déporter , Vo mot sont si de refus coustumicr Qu'à cuidier n'ai que faire d'apoyer.

Or m'est d'amours plaisance présentée , Si que j'en vifs en joious desirier 50 En attendant merci la désirée.

Li horas n'a pas science en lui fondée Qui de dame cuide otroi eslegier Sitos qu'il voit en li ju ne risée.