SONNET DE SYLVANDRE

Pour Diane endormie

| a belle dont l'Amour me prive de repos

*-* Reposoit doucement sous l'ombre d'un bocage ;

La voloient les Amours autour de son visage,

Qui naissoient de ses yeux, encor qu'ils fussent clos.

Là, les Zephirs, changez en amoureux propos, Rendoient pour ses amours un amoureux hommage ; Les arbres, chargez de tant d'Amours esclos, N'en estoient garantis par les loix de leur âge.

Hommes, Faunes, ny Dieux, rien n'estoit à l'entour, Contemplant ce sommeil, qui ne bruslast d'amour, Et perdist le repos pendant qu'elle repose.

Quelle estes-vous, Beauté, quand vaincre vous voulez, Puis que, sans ce dessein, tellement vous brûlez Que vous voir, vous aimer, n'est qu'une mesmechose ?