SVR LEQUEL DOUZE NYMPHES ESTOIENT ASSISES

AV ROY

'OUS avions tousiours creu la constance amoureus N'estre rien qu'vne feinte ou vaine ou malheureuî A ceux qui peu rusez s'en laissoient enchanter, Voyant toutes ses loix comme contes friuoles Ne loger qu'en la bouche, et n'estre que paroles, Ou ne viure en vn cœur que pour le tourmenter.

Mais, grand Roy, ceste amour si pure et si constante Et ceste entière foy mesme au temps résistante, Dont vous cueillez des fruicts si plaisans et si doux, Nous prouue le contraire, et fait que tout confesse Qu'elle est aux vrais amants vne heureuse déesse, Qu'on vous en dit l'image, et qu'on l'adore en vous.

C'est pourquoy, désirants offrir à son seruice Nos cœurs et nos désirs ainsi qu'en sacrifice, Et vaincre en fermeté celle des diamants, Nous recourons à vous de qui les belles fiâmes Seruent et de reproche aux inconstantes âmes. Et d'éternel exemple aux fidelles amants.

Ce qui nous y semond, c'est vostre renommée, Dont l'immortelle voix par le monde semée Fait que de vos vertus l'honneur est si chanté. Que mesme les rochers abandonnans leur place