Hypocrisie. (Note de l'auteur

10. Fléau. Pour que ce vers, tel qu'il est, soit juste, il faut que fléau ne compte que pour une syllabe et se prononce flô. Il est monosyllabe dans Jean Marot, Gêner et Ferry ; flau, — Cf. Littré, Fléau. Etymol.

458 ŒVVRES POÉTIQUES

Brusic après le désir de viure en vne histoire : Suit la gloire, et la cherche es mépris de la gloire : N'ayme à faire en ce monde aucun bien sans tesmoin; Et mesme en bien faisant, du bien n'a point de soin.

Geste peste de l'ame, et ceste autre manie Qui jadis eut le nom de Disidaimonie ', Et qui pour craindre Dieu d'vn cœur espouuanté, Reuerant sa iustice outrage sa bonté.

Crainte vrayment seruile et d'erreurs affolée. Ont rendu d'entre nous Eusebie exilée : L'vne pour n'aymer point , l'autre pour mal aymer Ce qu'il faut et mieux craindre, et moins en présumer.

Aussi le poste aillé qui cherchoit ses retraittes, Furettant auec soin les cloisons plus secrettes, Oii le peuple la croit loger incessamment. N'en trouua iamais rien que les pas seulement; Encor qu'il visitast les demeures austères De plusieurs renommez et sacrez Monastères : Mais tousiours au lieu d'elle, entrant en ces saincts lieux LVne de ces fureurs s'opposoit à ses yeux, Couuerte d'vn habit de qui l'humble apparence Trompant les plus accorts, cachoit leur différence.

En fin pourtant son œil cherchant de tous costez. Il la trouua cachée en des lieux escartez. Où plorant nos erreurs antiques et nouuelles , Elle passoit les iours en larmes éternelles, Auec vne humble trouppe à qui le mesme soin D'auoir le monde en haine et de s'en tirer loin, Auoit fait préférer la rigueur volontaire D'vne austère indigence, en vn lieu solitaire, A la richesse, à l'aise, aux vains tiltres d'honneur, A quoy les appelloit ce qu'on nomme bon-heur : Aymant mieux se résoudre à perdre ces délices, Que d'en estre perdue es éternels supplices.