SVR LES ŒVVRES POETIQVES

DE FEV MONSIEVR BERTAVT.

SONNET

Beaux vers, sainctes fureurs, douces loix d'vn empire Qui couure de lauriers le Tyran de nos cœurs, Venez encore vn coup, adorables vainqueurs, Adoucir le tourment de tout ce qui respire.

Ces diuines Beautez dont la rigueur aspire Au degré souuerain des extrêmes rigueurs Donneront quelque tresue à toutes nos langueurs, Puisque vostre douceur la pitié leur inspire.

Desja mon cœur espreuue vn grand allégement, Mon mal à vostre abord n'est plus si véhément. Ma Belle fond sa glace aux ardeurs de vos fiâmes,

Beaux vers, sainctes fureurs qui reuoyez le iour. Puis qu'ainsi vous domptez ce qui dompte nos âmes, Que nous sommes heureux d'estre vaincus d'Amour.

G. COLLETET Par.