Var

Une vivante mort, une image de cendre.

28 ŒVVRES POÉTIQVES

Ma bouche incessamment ouuertc aux tristes plaintes

Ne fait que souspirer :

Et de mes pauures yeux les prunelles esteintes Ne me seruent de rien si ce n'est de pleurer '.

Cependant des ingrats, Seigneur, qui de ta voye

Ont destourné leurs pas.

Se couronnent de fleurs et font des feux de joye. De voir mes iours descendre en la nuict du trespas- : Nul son, tant soit-il doux, n'est si doux à leur ame

Que mes gemissemens :

Et nul si grand ennuy le cœur ne leur entame. Que de voir quelque bien consoler mes tourmens.

Aussi vont cheminant d'vn pied si dissemblable

Ma vie et leur erreur, Que ce qui me déplaist leur estant agréable. Nous sommes l'vn à l'autre en mutuelle horreur : Ma pluie est leur beau temps, mon repos leur misère.

Mon plaisir leur douleur :

Et comme s'ils viuoient en vn autre hémisphère, Estant iour à mon ame il est nuit à la leur 3.

Tenant entre tes mains la grâce, et le supplice

La clémence, et la loy, Déployé, ô Tout-puissant, l'vne et l'autre iustice De ton siège éternel et sur eux et sur moy : Sur eux, celle qui iuge et condamne à la peine

Le méchant endurcy :

Sur moy, celle qui douce à la foiblesse humaine. Le pécheur iustifie et le prend à mercy.