DAMOISELLE RENÉE CHASTELIER

Aslrée le cher lien.

Astrée fut jadis fille de UAstrean; Celle qui la conceut fut la luisante Aurore, Qui de ses clairs râlons nostre monde redore, Chantée tant de fois par le docte Ascrean.

STANCES 8j

On dit le père sien estre prince puissant, Et surtout désireux de faire à tous justice, Exterminant ainsi le misérable vice Qui des pauvres humains va le tout ravissant.

Voila comme sa fille Astrée acquiert le nom De justice; mais lors teincte n'estoit la terre De trouble ny de sang, de meurtre ny de guerre : Chacun vivoit encor en paisible renom.

Or, pour avoir les Dieux tousjours favorisé. Maintenant luit au ciel, vierge, pure et insigne. Et de grande princesse est là-haut un beau signe, Ainsi de tous les Dieux par conseil avisé.

Vostre nom vous promet que vous serez un jour Une seconde Astrée en vertus et puissance, Et si serez. Renée, un bel astre de France Liée chèrement d'un cher lien d'amour.

Celuy qui vous voudra faut que soit vertueux.

Sage, riche et puissant, car une belle Asirée,

Le cher lien d' hymen j mérite estre honorée

D'un homme tout parfait, ou plustost d'un des Dieux.