CHAPITRE V

Comment la duchesse Michelle ne put oncques recouvrer joye.

Ces paroles et autres semblables disoit madame Michelle toute défigurée de pleurs, et mise en si extrême pitié que toute sembloit à soy-mesmes dessemblable. Sy vit-on ces dames et ces filles par compassion plorer avec elle à tous lez et donner paroles confortatives plusieurs , l'une à genoux, l'autre à jointes mains, l'autre en larmes et en humbles prières, afin de la réduire à rapaisement de courage et à aucune modération de son deuil qui par trop

' Escharse, avare.

= Qui faherdront, qui s'attacheront à toy. qui te poursuivront.

' Mérie, méritée.

* Relenquis {relinquo) je laisse.

* Planée, effacée, rejetée, enlevée

estoit excessif. Et lui remonstrèrent de par son seigneur inary j)ropre, qui toutes-voies avoit assez à entendre à luimesmes, que, en ceste horrible faute commise, posé que sœur fût î\ l'accusé, elle ne pouvoit, ny ne devoit porter coulpe; et que elle qui se sentoit innocente du conseil du frère ne se devoit défier de l'amour du léal espoux qui jusques à maintenant l'avoit aymée et chérie beaucoup; car prince estoit selon son âge prudent et non léger de cœur, et souverainement aux femmes le plus bénigne des autres. Sy \uj annonçoient de fait, et ainsi fut, que luy eu estable amour la tenoit tousjours, et ne luy vouloit donner plus reproche, ny moins grâce, quoi qu'il avoit appris. Dont et si du cas advenu il loisist avoir deuil, luy seul en porteroit assez pour les deux et s'en vengeroit plus honnorablement sur le frère que sur la sœur martire avec luy, h laquelle il ne volt refuser le lit de sa due privante plus que autresfois ; mais ignorant que sœur fust à nuUuy luy offroit ses bras et la rabilitoit à son amour non forfaite. Toutes-voies, ny pour beaux mots, ny pour grands acertenemens que l'on sçut mettre avant, ne se voult oncques, ny ne pouvoit consoler , ains demoura tousjours en une défiance et en une cremeteuse souspechon d'estre reboutée vers luy et de non pouvoir jDarvenir jamais là oii elle avoit esté ; car elle-mesmes s'en désignoit et réputoit indigne. Et posé que vray fût ce que son seigneur mary en dit et mandoit, toutes-voies ne voulut oncques prendre le hardement devers elle que de l'oser accepter par aucun temps. Toutes-voies vesqui et régna avecques luy, que gaires ne fut , car tellement s'entoulla' en mérancolyo que oncques puis ne monstra joye.

' S'entoulla, s'enveloppa, se voila comme d'un vêtement rte deuil.

DE CHASïEf.LAlN. 57