CHAPITRE Lin

Comment la ville de Ligny en Barrois fut prise par le duc René de Sicile , et r.endue au comte de Saint-Pol.

En cestui mesmes temps, le cardinal de Bar, lequel estoit paisiblement et par droite succession , seigneur et duc du pays dont il porta le nom, (c'estoit la duché de Bar), et avec ce , oncle de René d'Anjou , frère du roy Loys de Sicile et fils de sa sœur germaine (lequel, en son plein vivant, et en sa bonne prospérité, il avoit constitué son héritier, et successeur de ladite duché de Bar, dont le nom et la seigneurie alloient hors du tronc), fit un grand amas de g'ens d'armes , et avec son dit neveu le duc René , qui ensemble estoient du parti et sieute des dauphinois, et avoient tousjours maintenu la bande contraire au duc Jehan de Bourgongne et à son fils , partie pour cause des haines et divisions qui lors estoient en ce royaume de France, partie aussi pour cause légitime, mit le siège devant la ville de Ligny en Barrois, place forte et puissante, merveilleusement belle , dedans ledit pays. Et ce fit-il à cause que le duc Jehan, en son vivant, qui estoit oncle du jeune comte de Saint-Pol , Philippe de Brabant , et avoit eu le bail et gouvernement de luy, n'avoit relevé ou fait les devoirs de ladite ville de Ligny vers le cardinal duc de Bar, ny son frère pareillement, le duc Jehan de Brabant. Et par ainsi, comme non ayant satisfait à luy comme prince du pays à qui le fief appartenoit, fit tant que par

force d'engins et d'armes, avec l'ayde de son neveu le duc René d'Anjou , il recouvra l'obéissance et ouverture de la ville, et y mit pour une espace, comme en ville conquise et forfaite, officiers et gouvernement de par luy. Mais assez tost après , par le moyens d'aucuns notables d'un costé et d'autre, fut la chose radoubée; et fut la ville remise et restituée au vray hoir et appartenant, le comte de Saint-Pol, à toutes les jurisdictions, seigneuries, libertés, franchises et devoirs, que par avant il avoit eu et a voit; et demeurèrent en ce rapaisés les seigneurs d'un costé et d'autre.