POUR PIERRE DE BREZE. CI

-d'homme mais divin, te requit de ta gloire, de ta félicité et salut, et de ta perpétuelle duration en la mémoire des hommes èsquels tu dois désirer entrer pa:r Lien faire, comme tes pères. Tu es entré en r^gne soubs miséricorde manifeste de Dieu ; tu as reçu ton sceptre et couronne soubs un Saint-Père nommé Débonnaire ' ; tu as esté servi et assisté du plus humain prince en règne de la terre, qui plus a toléré et souffert injures, plus pardonné et moins vengé, plus remis en Dieu et moins recogité faute. Et toy doncques, qui es le roy des roys , qui es l'estoile fixe du firmament pour arrigler autruy et estre exemple, et vois que tout est miséricordieux, l'eage qui se revolve sur toy, et débonnaires les personnes soubs et emprès qui tu règnes. Et ne voudras-tu estre du mesmes, et de la nature du temps et des personnes qui te semondent? 0 ! et n'en souffre Dieu le reffus ! Tu sçais que miséricorde est le reclaim des hommes ; c'est l'espoir du monde et l'attente ; c'est ce par quoy les bienheureux seront admis à la vie pardurable, et par quelle non avoir monstrée se feral'incrépation des maudits, dont Dieu préserve vostre majesté excelse et tous vos suppos !

« 0 cieux ! descendez-vous et vous reclinez pour recevoir mes clameurs. Disposez-vous, vents et nuées, pour les capter promptement. Oyseaux du ciel , paroffrez-vous droit-cy aussy pour les incorporer et entendre , afin que, subits messages, les présentiez à la dignité royale, que je ne voy que par fiction. Espoir que son cœur s'en amollira par pité intériore ; et tirera ma povre désolée et malheurée vie , fruit et confort en sa miséricorde, »

' De môme que Louis le Débonnaire est appelé par les historiens qui ont écrit en latin : Louis le Pieux, Chastellain traduit ici par débonnaire le nom du pape Pie IL

G-2 DÉPRÉGATION

A tant vis-je que ce jone baceler fina ses mots, et comme à demy mort par complaindre et par multiplier ses regrets, se reclina sur la couclie, lors que la dame aisnée, la plus triste que je vis oncques par semblant et la plus> esvuidée de pleurs, soy relevant desus ses coudes, plus morte que vive, commença à dire ainsy :

« Beau fils, bel amy, cliier fruit et portée de moçi ventre, qui es une mesme cbose avecques moy , et moy avecques toy une substance et nature, tu esvuides droit-cy et desbondes tes cuisances; tu respans tes amertumes; tu te tourmentes et tempestes aux sourdes parois ; tu cries au vent et aux g-rues qui volent : mais où est-il qui t'escoute clamant? Où est qui resconforte et qui rassouaigist ta tristeur? Qui est-il qui respond à tes pétitions lamentables? Et qui est-il qui puist mettre et réduire à mémoire tes exclamations doloreuses? N'es-tu seul droit-cy en un bois avecques nous deux, là où tu perds ton crier, et n'y a à qui serve ton remonstrer bel , ne à qui il entre à cœur, ne en cbaloir. Et moy qui ta mère suy Noblesse Jiumaine^ qui suy le parement des royales cours , le vaisseau et le ventre où se congréer soloient mœurs et vertus, et dont les roys et les princes soloient prendre par emprunt leurs conditions : aujourd'hui n'ay voix, ne ascout, n'ay lieu, ne siège, qui me soit offert, ne vue tant seulement une qui se recline sur mon congnoistre. Je soloye les haulx et grands hommes instruire de beaux exemples, leur faire congnoistre les diversités de fortune, les faire ensievir les enseignements de raison par compassion, par recongnoissance, par humanité et franchise ; et là où par haine ou courroux, parfois consentoient ou déclinoient en autruy grief, par reprendre eux-mesmes en leurs propres fautes, ils se remittigeoient envers autruy. La balance alors pendoit

POUR l'IERRE DE BREZE. 63

devant les liuis des princes, là où se pesoieut les vertus, ensemble aussy et les vices de leurs subgets. Les vertus y estoient concueillies et mises en estorcment, et les vices jetés dehors et reboutés de leurs palais. Riens n'y avoit qui grant fust et de digne record, qui ne fust rétribué, et qui de haute et magnifique œuvre ne reçust glorieuse paye. Princes rompoient alors leurs propres passions, vainquoient leurs courages , contretenoient leurs ires , grandissoieut leurs mœurs, et pour tant plus dignement régner et seignourir sur les hommes, apprenoient et labouroient à dominer premier sur eux-mesmes : certes et droit-là et en ce temps faisoit-il heureux vivre. Il faisoit estre de bonne heure traitié sur leurs mains, venir à eux reffuge pour justice, pour ayde et confort, pour espargne, et pour pité et clémence. N'y avoit froideur, ne durté en cœur de noble homme , comme aujourd'huy. N'y avoit fraude , ne déception , ne pourchas honteux. N'y avoit descongnoissemens si grans , comme ores. N'y avoit déboutement [que] pour les meschans, n'y avoit oubli nul de vallereux hommes, ne confusion soufferte à procurer aux vaillans et louables. Mais ce temps est passé, iceluy eage a fait son cours, et ne reste que tout le contraire aujourd'hu}' , dont suy experte. Mesmes la chambre du roy m'en est vif exemple, là où j'ay tant ploré devant l'huis, tant jeté clameurs et souspiremens , que à son ascout mesmes en a esté estonnée, et là où j'ay moullié ses pieds en mes larmes , cave ' la terre de mes genoux devant luy en la multitude de mes orations, et s'est dolu par tanance, non pas par durté, qui en luy soit, mais par mes hayneux. 0 mon fils doncques, et que veux faire droit-cy ? Quel acquest

' Catfé, creusé.

<i4 DÉPRÉCATION

espoires-tii en la déprécation, qui n'as personne, neymago devant toy, qui te conçoive? Fine tes doleurs, restance tes larmes , rends-toy à Dieu et en luy remets tout. Au fort, il ne pourra aller pis que mal. Souvent proposement de prince aïré est contretenu de la main de Dieu, qui au lyon rugissant donne cœur d'aigniel , quant il luy plaist , et au simple aignelet une horrible espoentable exécution rigoreuse, quant il fait besoing. »

Et alors la dame, ayant fine ces mots, hurta du coude l'autre couchée emprès elle, disant :

a Et fille, ne direz-vousriens?Demourez-vous meshuy droit-cy morne et pensive sans vuidier parole àla clameur de vostre frère , Noble sang, à l'incitation de vostre mère Noblesse humaine , et à l'intérest que vous y avez le plus piteux des autres? Sus! suscitez-vous et vous sourdez, et nous croissez nostre espoir par aucune adjunction confortable, ou nous aidez à soustenir le fardeau qui nous poise sans nombre. »

Et alors la jeusne dame qui s'appeloit Vertu et estoit belle par exemple et par patron pour mirer au truy, dressée à demy assise, mais bien pâle et destainte de couleur par deuil longuement porté, ce sembloit, à basse voix respondy :

« Ha ! dame Noblesse humaine, ma mère et mon sourgeon, que diray-je droit-cy, ne que responderay-je? En quoy vous donray-je espoir, ne allégement, qui tant suis fade, tant mortifiée et estainte , que veines désormais n'ont pouvoir en moy de . rendre pleurs, bouche, raisons aucunes , ne paroles , ne à peine puissance de ymagiuer en quoy je me resconfortasse ? J'ay tout perdu mon espoir mondain ; j'ay perdu mon honneur et ma joye, ma chierté et mon seul trésor. Je me trouve avieutie et despecte en