CHAPITRE XVII

Comment y avoit tous les jours des escarmouches entre les assiégeans et les assiégés.

Or se faisoient tous les jours felles et dures escarmuces devant ce bollewert du pont, là où Englès et Bourgongnons vaillamment et bien se portèrent encontre Françoys, et Françoys moult valereusement aussi encontre Englès et Bourgongnons en très-aigre et très-fîère deffense, jusques

UE CIIASTELLAIN. S5

à sang respandre souvent entre les deux parties d'un costé et d'autre et estre durement blessés, dont toutesvoyes, ne l'un, ne l'autre ne se pouvoit vanter de la victoire pour ce que nul n'avoit sur l'autre riens d'avantage encore, jusques le duc fît asseoir ses gros engins à l'endroit de la porte du pont, et ailleurs aussi ; par lesquels il leur porta moult de dommage et d'annuy, et leur rompist tours et murailles largement, et par les engins volans enfondra maisons, pons et moulins, dont aucuns furent tous démolis jusques à non pouvoir plus moudre. Dont les habitans devinrent durement effrayés et tous desconfortés du remède, si la chose continuoit longuement, et eussent de légier varié en rendre la ville, si n'eust esté le reconfort que les gens de guerre leur donnoient avecques ce que maistres estoient du peuple et par-dessus eux et qui encontre toutes telles battures qui viennent de dehors, scèvent les expédiens et les remèdes enquels on se peut garantir et sauver, comme cestes gens-cy qui estoient vaillans es faits de la guerre mirent peine à eux deffendre encontre les engins volans le mieux que purent et à sauver eux et les habitans de tels dangiers, entre lesquels toutesvoyes, Loys de Flavy, frère à Guillaume, en l'eage de vingt-deux ans, fut tué, que dommage fut pour hommes de son party, car moult estoit bel escuier, fort et radde et de grant hardement, mais son eur ne chéoit de plus longuement vivre, ce sambloit, que jusques à maintenant, de quoy son frère mena grant dueil. Mais pour rompre celuy , tantost fit sonner ses trompettes devant luy, comme si riens advenu n'en fust, et ce fit-il tant pour rebaudir ses gens comme pour soy-mesmes rompre en son dueil. Or, avoient les Bourgongnons par dessoubs leur taudis commenchié aucunes mines pour venir com-

battre ceux du bollewert, et tous les jours labouroieni à les bouter outre à leur grant péril et labeur, car Françoys s'en apperçurent, lesquels y mirent toute résistance à rencontre par armes de leur corps ; dont souvent estoit dure la meslée , et tellement que par diverses fois pluseurs y reçurent mort, çà et là; dont, de la part des Bourgongnons, me sont venus à congnoissance messire Jehan de Bailleul, chevalier flandrois, Allard d'Escaussines , Thiebaut de Tantignies , haynuiers , et aucuns autres.