CHAPITRE XX

Comment le duc députa le seigneur de Croy pour résister aux Liégeois.

Tournant doncques à la matière et à la provision que faire convenoit encontre ces Liégeois, vray est que le seigneur de Croy, qui bel jeusne chevalier estoit et le plus prochain de son maistre, et avecques ce très-bon homme de guerre, fut député à faire la résistance à l'encontre des

' Chastellaln paraît avoir écrit ceci vers 1456 ou 1457.

Liégeois et de mener gens d'armes en Namur pour leur faire guerre la plus mortelle que pourroit. Sy furent députés pour aller avecques luy pluseurs vaillans et nobles seigneurs de grant pris, desquels la compagnie estoit moult honorable et bonne ; premièrement son frère, messire Jeban, un chevalier de grant commencement et de bon sens, le seigneur de Masmisnes, un moult vaillant chevalier flandrois, le seigneur de Reubempré, le conte de Faulquembergue, le seigneur de Dugelle', le seigneur de Frommessent, le Gallois de Renty, Robert de Neufville, le seigneur de Lannoy et pluseurs autres, dont le nombre, tout ensemble hommes d'armes et archers, monta environ à huit cens combattans, toute gens d'eslite, atout lequel nombre le seigneur de Croy, ayant pris congé de son maistre,-party de devant Compiègne et s'en alla par ses journées tant que à Namur arriva, le seizième de juin, là où le peuple du pa^^s et de la ville trouva durement desconforté et esperdu de la peur que avoit de ses ennemis qui jà avoient commencé à bouter feu en pluseurs lieux et pris le chasteau de Beaufort. Mais par la venue de ceste noble chevalerie tramise en leur secours, peur tantost et frayeur furent jetées darrière le dos, et confort et hardement repris contre Liégeois, comme si nul ne les craignist. Et à tant me tais de ceste matière jusques cyaprès tantost que tout au long je la continueray au plus près de mon savoir , et me rens arrière à la continuation du logis devant Comi:)iègne, là où j'ay laissé le duc non entendant à riens fors que à bouter outre son emprinse et d'avoir la ville de Compiègne par force ou autrement.

' Le seigneur de Dudzeele. Il était issu de la maison de Ghistellos.