CHAPITRE XXV
Commeut le duché de Brabant échut en succession au duc de Bourffongne.
Arrière maintenant me convient changer propos, laisser guerres et dures ennemistés d'entre ces deux parties Bourgongnons et François et reprendre autre cas de fortune qui retirera ce prince de sa poursieute encommencée jà longuement et maintenue devant Compiègne, par nécessité d'entendre en chose de grant et de très-liaut honneur et profit ; c'estoit la duché de Brabant qui luy estoit escheue en succession par la mort du duc Philippe, son cousin, qui souloit estre conte de Saint-Pol, dont en mon premier livre est faite mention assez. Mais avant que venir cheoir si tost sur la mort de luy, me convient faire premier aucunes déclarations d'aucun peu de temps devant sa mort. Sy est vray que ce duc Philippe de Brabant avoit esté un prince fort vigoreux et robuste en son jeusne eage et homme de grant excès en pluseurs manières grevahles au corps , non toutes à mettre en compte. Mais entre les autres moult avoit esté dur et efforcié jousteur, le plus roide de son temps ; en quoy, par trop le quérir et continuer, il estoit apparant qu'il se pooit estre grevé dedens le corps et blessé tellement que ses jours pouvoient estre avancés devant leur terme. Or estoitil un haut et puissant prince, et n'avoit femme, ne enfans légitimes pour succéder après luy; par quoy, ayant maintes fois esté ramentu de mariage, et que entendre voulsist H une haute dame en quelque lieu propre à luy
et séant, finablement conclut sur une qui estoit fille au roy Loys de Cécille, duc d'Anjou, et sœur maintenant au roy Loys sou fils. Renier, duc de Bar et messire Charles d'Anjou, dont la mère, la royne de Cécille, fille au roy d'Arragon, vivoit encore et se tenoit à Saumur, emprès Ang'iers. Geste dame icy, fille au roy Loys, estoit moult belle et moult gente dame et estoit sœur seulette à la royne de France, femme à cestuy Charles VIP dont je traite. Sy estoient jà les approches faites si avant par ambassades entre les deux parties que du costé de la dame et de ses frères le mariage estoit accordé, et du costé du duc de Brabant aussi tant désiré que riens plus ; car moult désiroit à avoir femme pour cause de lignie, et le désiroient beaucoup ses pays aussi. Or avoit-il, par l'enhortement d'aucuns d'emprès luy qui le cuidoient viable longuement et avoir longrègne, en leur auctorité, fait et conclut ce mariage droit cy, sans conseil, ne avis de son cousin le duc de Bourgongne son chief, et faignant de ignorer ou de mettre en nonchaloir aucunes particulières et très-cuysantes rancunes que son cousin le duc de Bourgongne pouvoit avoir et avoit très-justes à l'encontre de la maison où il se vouloit allier, par une fille de Bourgongne, sa sœur, renvoyée jadis confusément à l'hostel, après avoir esté livrée par mariage au roy Loys; laquelle honte tant pouvoit toucher de près aussi bien au duc de Brabant comme cousin germain, comme au duc de Bourgongne comme frère. Ce duc-cy de Brabant néantmoins tendoit tousjours à la fin de ce mariage et d'avoir l'alliance de la maison d'Anjou, tant par le conseil d'aucuns ses gouverneurs, le damoiseau de Montjoye et autres, comme par propre affection. Laquelle chose venue en la congnoissance du duc de Bourgongne son cousin, mais non bien agréable à luy, luy fit remon-
stfer par bel que ailleurs pouvoit bien trouver alliances aussi honnorables pour luy que ceste-là et que s'il vouloit user de son conseil et de sa prière il se voudroit bien employer, comme il devoit, en son bien ailleurs ; mais du lieu où il tendoit et que jà avoit passé le traitié sans son sceu, il n'en estoit, ne ne seroit jamais d'accort, ne d'assentement, car estoient ceux d'Anjou ses doubles ennemis en une manière, par la querelle que maintenoient avecques le roy contre luy pour la mort de son père, et en l'autre par vilipendence de sa sœur, honteusement et mocquamment renvoyée à G and, là où elle mourut d'ennuy'. De quoy la j)laye luy renouvelloit maintenant, parce que son cousin y quéroit habitude, ce que ne devoit, ce luy sembloit, s'il aymoit le sang de Bourgongne qui estoit son tronc. Sy ne sçay de l'amour comment il luy en fut, mais de son propos n'estoit à desmouvoir nullement que tousjours il ne quérast l'alliance que avoit fait requérir et promise à tenir; laquelle, à dire vray, pouvoit tourner à un très-grant grief et à un très-grant dommage au duc bourgongnon de deçà, et pourtant en estoient les autres aussi, ceux de delà, plus affectés et en grant' de le faire et d'avoir l'alliance de ce duc de Brabant, qui leur seroit un grant renforcement à l'encontre du duc bourgongnon. Mais quant le duc bourgongnon apprint que ainsy en iroit, et que remède n'y sauroit mettre que par force, donna bien à entendre que par force et puissance y remédieroit bien, s'il vouloit, et tiendroit bien la chose en rompture quant à ce faire se voudroit disposer, dont, si depuis il dissimula et se laissa contenter, je ne sçay où, comment que lo
' Catherine de Bourgog-nc avait épousé en 1-110 Louis d'Anjou. Elle mourut à Gand à Tàge de trente-deux ans. - En grant de le faire, animés du déyir de le faire.
DE CIIASTELLAIN. 75
cœur luy en disoit après ou bien ou mal, toutesvoyes, un peu devant sa mort , ayant fait g-rant apprest pour aller quérir ladite dame fille du roy Loys, son espouse, sur la fin du mois de juin, partist de sa ville de Louvain en moult noble et belle compagnie de chevaliers et d'escuiers g-rant nombre, dont en quatre ou cinq jours après, surpris de maladie très-griève, le convint retourner arrière à Louvain, là où en son chasteau moult bien et noblement assis en bon air, il s'alita, et en aucuns jours après trespassa de ce siècle ' , moult plaint et ploré de ses subgets; par quoi le mariage demoura rompu, non pas par entendement d'homme, mais fait à croire par ordonnance divine. Et fut mariée la dame depuis au conte de Montfort, Françoys, fils aisné du duc de Bretaigne^ Mais après avoir porté un enfant, mourut tantost et ne vesquit guaires avecques ledit conte.
