CHAPITRE VI

Comment ceux de Melun boutèrent hors les Bourgongnons.

Comme en cbascune seigneurie, combien que à force et puissance, villes et chasteaux maintefois sont possessés par ceux qui n'en sont héritiers, le peuple toutesvoyes naturellement s'encline à son naturel prince et se délivre de la servitude du conquéreur là où il peut, ainsy à Melun, le peuple de la ville qui jà avoit esté longtemps en la domination des Bourgongnons et Angles et avoit esté soubstrait à son naturel prince, le roy Charles, depuis le

* Le 9 mars 1429 (v. st.), une somme de vingt-cinq mille nobles fut prise par l'ordre des conseillers de Henri VI au trésor d'Angleterre et remise à Richard de Wydewille pour qu'il la portât au duc de Bourgogne :«^ros^2;^e»rf««'5 mille e( qumgenforum homïnuni, in servitio regii^ exponendorum. » [Acta, IV, 4, p. 158.)

DE CIIASTELLAIN. 2i>

siège que le roy Charles, son père, ensemble le roy d'Engleterre et le duc de Bourgongne, y avoient mis et conquis par puissance , se commençoit moult à annuyer d'estre bourgongnon, et despitant servage non dû , quist voyes et mo3^ens pour retourner en la main de celuy à qui il estoit et de luy rendre son appertenir, sur quoy longuement et bien couvertement aucuns des plus puissans mettant leur estudie prirent une conclusion de bouter hors ceux qui estoient là commis pour la garde de la ville au nom du duc de Bourgongne et d'en ouvrer si sagement que leur entreprise ne tournast point à faute s'ils pouvoient. Sy y veillèrent longuement dessus et finablement déterminèrent de mettre leur conclusion à effet.

Or y avoit esté ordonné le seigneur de Humières pour garde et capitaine de la ville et chasteau, mais entendant à ses affaires par deçà avoit mis la place et la ville en la main d'aucuns de ses frères accompagniés de bonnes gens de guerre, bon nombre, lesquels, non doubtans de la secrète conclusion que avoient prise ceux de la ville à rencontre de eux, se trouvèrent boutés dehors confusément et mis en la loge des champs, de quoy le roy, quant il sceut, fit une grant feste; et luy sembloit bien que moult grant service et bien léal luy avoient fait ceux de Melun, car par iceux il avoit le passage de la rivière de Seine franc et à luy, dont par avant il estoit en dangier. Et sy estoit la ville moult forte et avantageuse à guerre et non à recouvrer que à grant meschief quant elle seroit gardée et deffendue, comme il parut bien, du temps que le siège y estoit.

Sy envoya le roy Charles gens d'armes une bonne quantité dedens la ville de Melun pour la garder d'oppression de ses voisins et pour tenir frontière aussi à l'encontre de

ceux de Paris là où Angles et Bourg'ongnons avoient le règne et comprimoient toutes villes et places voisines à l'entour d'eux.