CHAPITRE VII

Comment le duc mist sept cents combattans sous la conduite du seigneur de Ternant pour la protection des Parisiens.

Laquelle chose venue en la cognoissance du duc, comment Melun s'estoit rendue au roy son adversaire , délibéra à pourvoir à l'encontre, et désirant la grâce et protection des Parisiens qui sur toute riens du monde se fioient en luy et n' avoient autre si vray refuge que à luy, ordonna à mettre sus une armée de sept cens combattans, tant seulement gens d'eslite et de bonne maison et beaucoup des siens propres , et ceux-là bien payés et ordonnés de ce qui appartenoit, mist en la conduite du seigneur de Ternant, chevalier encore de jeusne eage, mais de grant vertu', et luy bailla l'estandart de sa devise à porter.

Quant le seigneur de Ternant se vit avoir ceste charge, qui estoit jeusne chevalier vert et vineux^ et le plus homme en semblant qui fût en son temps, moult s'enfîérissoit en sa queue que veoit reluire, car avoit de moult nobles gens beaucoup dessoubs luy et de grans seigneurs, et soy voyant estre du nombre des chevaliers de l'ordre de la Toyson d'or, ymagina bien, puisque l'espée luy estoit mise au poing, de faire chose aucune en son premier venir dont il

' Philippe de Ternant, ami de Chastellain. Tl fut chevalier de la Toison d'or, dès la création de l'ordre. En 1435, le duc de Bourgogne lui donna la baronnie d'Aspremont.

* Vineux, énergique, ardent.

DE CIIASTELLAIN. 51

pourroit estre mémoire et de qiioy ses envieux pourroient avoir dueil, et luy avancement; car moult estoit fier de condition et fort quérant gloire singulière. Sy se mist aux champs avecques ses gens, et passant la rivière de Somme par Abbeville, tant erra que vint à Paris, là où en son venir fist assaillir plusieurs petites places, comme Saint- Mor-des-Fossés, Colomiers et aucunes autres, que toutes prist et mist en la subjection de son maistre; et entrant à Paris, fut festoyé et conjoy merveilleusement fort, et lionnoré et doubté pour cause de son maistre le duc et que luy-mesmes le valoit aussi. Et là, demourant par l'espace de bien trois mois, fit maintes belles courses et saillies sur ses ennemis, dont il acquist los de vaillance et grant renommée devers son maistre, pour un jeusne chevalier, et tellement que depuis il se fia de plus grant chose en luy et luy donna plus grant honneur et plus grant charge.