TO.V. H

les pays d'entour le logis. Sy furent les aucuns devant une petite place qui se tenoit, laquelle fut prise de force et tous ceux de dedans mis à la mort. Là entour dudit Wacquebecque fut trouvé tant de testes à cornes qu'on n'en savoit que faire, et g-agnèrent si largement que celui qui avoit quatre escus, avoit cent bestes à cornes, qui acheter les vouloit.

Entour ledit village de Wacquebecque, avoit grands marécages, et sy y passoit la rivière de Drome, et estoient lesdits marais de très-mauvais fond. Et pourtant iceux marais furent avisés par messire Daviot de Poix et par le seigneur de Contay, et fît-on refaire aucuns passages, espérant que tout l'ost du duc y passeroit ; et de fait fut l'entreprise faite pour y passer, et y passèrent plusieurs, tant à pied comme à cheval : mais lesdits marais s'effondrèrent tellement, qu'il fallut cesser le passage; et qui 'pis fut, il convint de repasser ceux qui estoient allés outre lesdits marais, car si les Gantois fussent venus sur eux, on ne les eust pu aider, ni secourir. Sy furent ceux qui estoient passés, au repasser tellement mouiUés et brouillés, que c'estoit grand pitié à les voir ; et pour celle cause fallut demeurer tout le jour à Wacquebecque, et convint aller refaire les passages et ponts de Mourbecque. Puis se délogea le duc le sixième jour du mois de juillet lui et tout son ost, et au déloger on bouta les feux partout; et sy «voient esté boutés le jour de devant en plusieurs villages, tant à Artevelle ' comme ailleurs. Ce sixième jour de juillet, le duc de Bourgongne passa la rivière de Drome, à un passage à gué nommé Draghenen', et auprès d'icelui passage se logea le duc et tout son ost.

' Ertvelde. ^ Dacknam.