LES ROIS DE PORTUGAL ET DE CASTILLE
s'ordonnoit pour chevauchîer. Si avisa pour plus honnerablement user de ceste guerre, ou cas que il se sentoit fors assés de gens et de poissance , que il manderoit au roy de Portingal la bataille et que il vosist livrer pièce de terre en Portingal pour combatre poissance contre poissance , et , se che ne voloit faire , il ly livreroit en Espagne. Si en fu encargiés de porter ces nouvelles li hiraus dou roy , et chevaucha tant que il vint à Lusebonne , et là trouva le roy et fist son message bien et à point. Li rois respondy et dist au hiraut que il en aroit avis et temprement conseil laquelle parchon il prenderoit, et que ce qui en seroit, il le remanderoit au roy d'Espaigne. Li hiraus , quant il eut fait sa semonse et il eut response , il se départy dou roy en prendant congiet , et retourna à Séville. Là trouva - il le roy et les barons de France , d'Arragon et de Gallisse qui Festoient venu servir. Sy recorda tout che que il avoit oy, veu et trouvé, et tant que il souffy à tous.
Depuis ne demora gaires de tanips que li rois de Portingal fu consilliés par Tavis qu'il eut des Englès , que il livreroit en son païs place et terre pour combatre , et furent ordonné de Taler aviser où che seroit , de par le roy , messires Thumas Simons et li soudis de Lestrade , et avissèrent à place entre Elvès et Val-de-Yosse bon lieu ample et plentiveux pour bien combatre. Et vous dy que chil doy chevalier et leurs routes furent * escarmuchiet , en alant aviser celle place , des géniteurs dou roy de Castille, et y ot grant hustin de tnors et de blechiés d'une part et de l'autre. Toutesfois il retournèrent devers le roy de Portingal et les chevaliers , et recordèrent où et comment il avoient aviset plache et le nommèrent : ce souffy. bien as dessus dis. Adont
Fort.
SE PRiPARENT A COMBATTRE. 487
ftt ordonnés uns chevaliers alemans qui s*appelloit messii^es Jehans Tieste-d*or , de faire che message avec un hiraut au roy d*Espaigne. Si se départy li chevaliers, et chevaucha tant que il vint à Séville et là trouva le roy, et âst son message et conta tout ce que li rois de Portingal mandoit et corn* ment de grant volonté il acordoit la bataille et livreroit place entre Elvès et Val-de-Yosse , et là dedens V jours , li retourné à LuseboAne , il trouveroit le roy de Portingal logiet et toutes ses gens qui ne désiroient el que le bataille.
De ces nouvelles furent li Espagnol tout resjoy , et ossi furent li François, et prissent messires Tristrans de Roye, messires Jehans de Berghettes , messires Pières de Velinnes et autre le chevalier de Portingal entre eux, et le festyèrent un jour tout entier moult grandement à Sjéville et fissent toute la bonne compaignie qull pooient faire à chevalier , et le reconvoyèrent jusques à Jafre et puis retournèrent arière à Séville ; et li chevalier chevaucha tant que il vint devers le roy de Portingal et les signeurs, et recorda son message , enssi comme il Tavoit fait , et le response que on li avoit donné. De ce se contentèrent ' li rois et li chevalier.
Depuis ne demora paires de tamps que li rois de Portingal s*en vint logier en la place que ses gens avoient aviset entre Elvès et Val-de-Yosse ens uns biaus plains desous les oliviers , et là amena la gi^igneur partie de ceulx de son roiaulme , dont il se pooit aidier , et estoient environ XV mille hommes. Le tierch jour apriès , vint li contes de Cambruge et tout li Englès moult ordonnéement, et estoient en compte environ VP hommes d'armes , et otant d'archiers , et s'en vinrent logier en che propre lieu, et prissent place pour eux , et se sevrèrent des gens le roy et se tinrent tout ensamble.
' Assés.. Moalt.
