LEVÉE DU SIÈGE
Au V** jour il s en partirent et prisent le chemin de Navare ; mes messires Mahieus de Goumay retourna en le cité de Bayone avoec chiaux de sa délivrance pour garder le pais et reconquérir cel yvier aucuns petis fors qui se tenoient bretons.
Tant esploitièrent messires Thumas Trivès et se route que il vinrent à Saint-Jehan-dou-Piet-des-Pors , et là trouvèrent le roi de Navare qui les rechut à grant joye. Si se logièrent li chevalier en le ville , et les gens d armes et li archier sus le païs au mieux qu il peurent. Li rois de Navare endevant ce avoit fait un très-grant mandement par son païs que toutes manières de gens en eage pour porter armes venissent devers lui et se assamblassent devant la cité de Mirande. Nuls nosa désobéir au commandement dou roi , et se pourveirent et appareillièrent parmi Navare chevalier et escuier et toutes autres gens as lances et as pavais, et s'ordonnoient pour venir devant Pampelune combatre les Espaignols.
Nouvelles vinrent en Tost que li Englès à tout grant poissance estoient avoecq le roi de Navare à Saint-Jehandou-Piet-des-Pors et que il se trouvoient bien XX° hommes d'armes parmi les archiers pour iaux venir combatre. Adont se misent les capitaines ensamble pour conseillier quel cose il feroient et comment il se maintenroient se il attenderoient le roi de Navare ou non , ou se il retrairoient. Là eut en lost grant conseil et longhement parlementé , et voloient li aucun des capitaines que li Englès et Navarois fussent attendu , et li autre disoient non et que il n estoient point si fort que pour attendre tel poissance encores en Tivier et que par lonc siège il estoient trop travilliet. Chis parlemens fîi
DE PÂMPELUNE. 107
longhement débatu. Toutesfois ânablement uns certains arrôs et consaux fu donnet dou deslogier et retraire tout sagement et bellement en leur païs ; et che qui plus les inclina à ce faire ( car bien disoient li pluisieurs vaillans hommes, chevalier et escuier usé d'armes, que point ne faisoient leur honneur) che fii ce que dans Henris de Castille, estans en son païs puis XV jours, avoit remandé son iSls et ne voloit plus que li sièges se tenist devant Pampelune. Si se deslogièrent li Espagnol. A leur deslogement il boutèrent les feus dedens leur logeis et retraisent devers Le Groing et devers Saint-Dominique en Castille. Quant chil de Pampelune, qui estoient moult astraint, veh'ent le deslogement , si en furent tous resjoïs , car il n avoient pas esté toudis à leur aise.
Nouvelles vinrent au roi de Navare et as Englès qui se tenoient à Saint-Jehan-dou-Piet-des-Pors , que li Espaignol estoient deslogiet et retrait en leur païs : si en furent par semblant tout courouchiet , car volontiers les eussent combatus. Nonobstant ce il se deslogièrent de là où il estoient logiet, et s'en vinrent vers Pampelune. Si trouvèrent le visconte de Chastelbon et le seigneur de Lescut et les autres qui les recueillirent liement. Quant ces gens d'armes et leurs routes se furent deux ou trois jours rafresqui à Pampelune , il eurent conseil que il se partiroient et s'en iroient par garnisons pour estre mieux au large et pour plus aise passer l'ivier ; car les montaignes de Navare sont trop dures et trop froides en yvier pour hostoyer , et trop y a de nège. Si furent ordené li Englès que de aller à Tudelle , et là allèrent ; et li contes de Palas et messires Rogiers , ses frères, s'en allèrent à Corolle, et li sires de Lescut au Pont-
