CHEVAUCHÉE DES ANGLAIS
donnoient garde de ceste chevauchée et embusce ; car , se il se fussent tout trouvé ensamble à l'heure que ordonnée il avoient, il leussent eu par eschiellement, ne jà n'i eussent failli.
Quant messires Thumas Trivès et chil qui ces gens d'armes menoient, veirent que il avoient failli à leur entente, si furent durement courouchié. Si se recoellirent et remisent ensamble au mieux qu'il peurent, et puis eurent nouvel conseil. Si se conseillièrent de boire un cop sus les sommiers et puis envoyer courir devant le Val de Sorie. Ensi fu fait. Tantost apriès le desjeun qui fu moult brief , messires Raymons de Baghes , navarois , fii esleus à XL lances de faire une course devant la ville pour atraire les géniteurs qui le gardoient. Si chevaucha li chevaliers et li sien devant leVal jusques as barrières, et là ot grant escarmuche; car chil géniteur , qui estoient bien IP , saillirent tantost hors et commencièrent à traire et lanchier sus ces gens d'armes qui petit à petit se reculoient pour iaux traire plus avant hors de leur ville. Et vous di que il eussent vaillamment foulé ces gens d'armes , se li embusche ne fust traite avant ; mes il vinrent tout esperonnant jusques à là, abaissant les lances et frapant en iaux. Si en y ot de premières venues moult d'abatus , de mors et de bleciés, et furent rebouté à leur grant damage dedens leur ville. Si fermèrent leurs barrières et leur portes, et puis montèrent as crétiaux ; car il cuidoient bien avoir l'assaut , mes non eurent , car li Englès et li Navarois se retraisent et repassèrent la montaigne de Mont-Kayeu tout de jour et revini'ent à leurs logeis où il trouvèrent leurs gens. Si se tinrent là celle nuit, et Fendemain, qui fu le jour Saint-Estienne, il se retraisent devers une ville prochaine de là , que on dist Gastan en Navare , et là trouvèrent le roi qui y estoit venus le vegille
EN CASTILLE. Hl
dou Noël. Mais, en venant en la ville de Castan , li Englès ardirent le jour Saint-Ëstienne aucuns villages ou Val de Sorie et par espécial un gros village qui s'appelle Negrôte et le pillèrent tout.
. Les nouvelles vinrent au roi dan Henri de Gastille qui se tenoit à Séville ou coer de son royaume , que li Englès avoient chevaucié et ars ou Val de Sorie en faisant guerre pour le roi de Navarre. Si en fu durement courouchié et jura que che seroit amendé, et escripsi tantost lettres devers son fil Jehan de Gastille , en lui mandant expressément que il fesist un mandement par tout son roiaume des nobles et les assamblast , car il seroit temprement en Espaigne et se contrevengeroit sus le roi de Navare des despis que on lui avoit fais. L'enfant de Gastille ne volt, ne n'osa désobéir au commandement de son père, et fist et intima le mandement, ensi que commandé lui fu.
Entrées que ces gens d'armes s'emblèrent et que li rois Henris estoit encores à venir , messires Thumas Trivès se avisa que il metteroit sus une petite chevaucié de gens d'armes et iroit devant une ville en Espaigne que on dist Âlpharo. Si se parti un soir de Gastan et dou roi de Navare , et chevaucha et n'avoit en sa compaignie que G lances , mes estoient toutes gens d'estoffe , et chevaucièrent devers Alpharo. Sus l'adjournement , il vinrent à une petite lieuwe de le ville et se boutèrent là en embusche. Si furent envoyet pour courir devant le ville messires Guillaumes Gendrins et Ândrieus Hansdrac, et avoient en leur compaignie environ X lances. Si vinrent jusques à un rieu qui queurt devant la ville , lequel on passa oultre à grant meschief. Touteffois il le passèrent, et fisent Andrieus de Hansdrac et Pierres Masèles, navarois, saillir oultre leurs coursiers, et vinrent jusques as barrières.
112 CHEVAUCHÉE DES AUGLAIS
Adont commencha li effrois grans et fors à lever en la ville, et sonnèrent leurs trompettes les gens d'armes qui dedens estoient. Si s'assemblèrent et ouvrirent leurs portes et les barrières : si se misent tout au dehors et oommenchièrent à traire et h escarmucher. Des X lances n*en y avoit plus, qui eussent passé le rieu , que les deux dessus nommés. Si retournèrent, quant il veirent le faix venir, et fisent rassal* lir leurs coursiers oultre. Ghil d*Âlpharo veirent que ces gens n'estoient qu'un petit et riens ne savoient de leur embusche. Si les sieuwirent caudement de près et passèrent le rieu à un petit pont amout où il savoient bien le passage. Ches X lances se fisent cachier jusques à leur embusche. Adont sallirent avant messires Thumas Trivès et li aultre en escriant leur cri, et se boutèrent en ces gens qui estoient yssu hors d'Alpharo et en portèrent à ce commenchement de leurs lances grant fuison à terre. Au voir dire , li Espaignol ne peurent longhement durer contre les Englès et retournèrent qui mieux mieux, mes trop petit s'en sauvèrent, que ne fussent mort ou pris. Li efirois fu grans en la ville, et le cuidièrent li Englès trop bien avoir de venues ; mes non eurent, car les femmes de la ville le sauvèrent et recouvrèrent par leur bon convenant ; car entroes que li Englès passoient le rieu , elles s'ensonnioient et vinrent clore et fermer les barrières et le porte , et puis montèrent as crétiaux de la ville et monstrèrent grant volenté de elles deffendre. Quant messires Thumas Trivès en vei lordenanche , si dist en riant : « Velà bonnes femmes. Retournons arrière; « nous n'avons riens fait. » Adont passèrent-il le rieu où il l'avoient passé , et retournèrent vers Castan et enmenèrent leurs prisonniers , et tant flsent que il y parvinrent. De ceste chevauchie acquist grant grâce messires Thumas Trivès au roy de Navare.
