EN CASTILLE. W

Environ XV jours après que messires Thuraas Trivès ot fait ceste chevaucie devant Alpharo et que il fu retrait en la- garnison de Castan , Jehans , fils au roi dant Henri de Castille , qui son mandement avoit fait par tout le royaume de Castille au commandement et ordonnance de son père , s en vint à Alpharo à tout XX" hommes à cheval et à piet , en grant volenté de combatre les Englès et les gens le roi de Navare. Quant li rois de Navare sceut ces nouvelles , il 6 en vint à Tudèle, et messires Thumas Trivès et li Englès en sa compaignie , et manda tous chiaux des garnisons dou royaume de Navare. A son mandement ne volt nuls désobéir, et vinrent tantost devers lui , et se logièrent à Tudelle ou là environ , et n'atendoient aultre cose que li Espaignol chevauchassent. Ossi li Espaignol n'atendoient aultre cose que li rois Henris fiist venus , liquels se parti de Séville à grant gent et chevaucha parmi son roiaume , et âst tant que il vint à Saint-Dominge et là arresta , et ses gens se logièrent sus les camps et desoubs les oliviers. Quant Jehans, ses fils , sceut que ses pères estoit venus à Saint-Dominge et là logiés , si se parti de Alpharo et là se retraist à toutes ses gens. Et vous di que c'estoit li intentions des Espaignols de venir mettre le siège devant Tudèle et enclorre le roi de Navare là dedens ou combatre. De tout ce estoit li rois de Navare tous enfermés, et bien veoit et savoit que il navoit mie puissance de attendre * à bataille le roi Henri * ; car il avoit plus de XL hommes à cheval et à piet.

Entre le roi Henri et le roi de Navare avoit aucuns sages vaillans hommes de lun roiaume et de l'autre , prélas et

*'* La bataiUe contre le roi Henri si estofféement.