LA PAIX EST CONCLUE
barons, qui ymaginoient le grant péril et damaige qui entre iaux naistre en porroient, se par bataille s^entre-encontroient. Si commenchièrent à traictier sus une partie et Tautre d*un respit avoir pour mieux amoyenner les besoingnes , et convint les traicteurs avoir beaucoup de paine et de traveil d'aller de lun à Tautre , ainchois que la besoingne se peust entamer ; car li Englès qui se trouvoient bien doy mille, se tenoient grant et orgheilleux contre les Espaignols et conseilloient au roi de Navare la bataille. D*autre part , li* Ëspaignol , qui estoient grant fhison , amiroient petit les Englès , ne les Navarois : pour tant estoient li traictié plus dur à conclure. Nequedent tant y traveillièrent chil qui s en ensonnièrent, que uns respis fu pris entre ces deux rois et leurs royaumes à durer VI sepmaines, et là endedens bonne paix, mes que on le peust trouver; et estoit li intentions des traicteurs que uns mariages se feroit de lenfant de Castille, ainsné fil au roy Henri , à la fille dou roi de Navare , par quoy plus sceure et plus ferme pais demorroit et seroit entre iaux à tousjours. A ce entendoit li rois de Navare volentiers , car il veroit sa fille hautement mariée et dalés lui. Chis premiers traictiés ne se peut tenir, car l'enfant de Castille estoit obligiés ailleurs par mariage.
Or fu regardé des prélas et barons de Tun royaume et de l'autre, que Charles de Navare, aisné fils dou roi de Navare, aroit la fille dou roi dant Henri. Chis traictiés passa oultre, parmi tant que li rois dans HenrLs devoit tant faire envers le roi de France, en cui garde Charles de Navare estoit, que il devoit retourner en Navare, ensi qu'il fist ; car à sa prière li rois de France le renvoia, et deubt, parmi le mariage faisant , li rois de Navare prester X ans en cause de sceureté au roi Henri le ville et le castel de l'Estoille , le cité et le chastel de Thudelle , le ville et le chastel de la Garde ; et
ENTRE LES ROIS DE CASTILLE ET DE NAVARRE. il5
devoit li rois Henris rendre as Englès messire Pierre de Coiu'tenay qui estoit son prisonnier , ensî qu'il flst , et le seigneur de Lespare , gascon. Toutes œs coses furent scellées , confermées et accordées et jurées à tenir fermes et estables à tousjours mes entre Tun roi et l'autre et leurs royaumes, et quiconques les brisoit, ne rompoit par aucune incidence , il se mettoit et soubmettoit «n la sentence dou pape.
Entroes que cil traictié se faisoient et composoient, li rois de Navare , qui estoit tenus devers les Englès en le somme de XX™ frans , pour lui acquiter envers iaux , enmena en Ârragon le visconte de Ghastelbon pour quérir ces deniers et emprunter au roi d'Arragon , liquels rois lui presta volentiers ; mes ses bonnes villes en demorèrent en pièges , telles que Pampelune , Mirande , le Pont-la-Roine , Corelle et Saint-Jehan-dou-Piet-des-Pors. Ensi furent li Englès payés, et se partirent content dou roi de Navare, et retournèrent arrière à Bourdiaus et de là en Engleterre ; et li mariages se flst de Charle de Navare et de la flUe au roi Henri qui s appielloit Jehanne , moult belle dame.
En cel an trespassa li rois dans Henris de Castille , dont tous ses royaumes fu durement courouciet. Tantost apriès son trespas, li Espaignol et li Castellain couronnèrent à roi son aisnet fll dant Jehan. Si demora rois par lacort des prélas et des barons dou royaume d'Esp'aigne, de Castille, de Galice , de Séville et de Corduan , et li jurèrent tout foi et hommage à tenir à tousjours mes. Adont s'esmut la guerre entre le roi de Portingal et le roi Jehan de Castille, qui dura moult longhement, sicomme vous orrés recorder avant en ristore ; mes nous retournerons as besoingnes de France.
