SCÈNE PREMIÈRE lAQVELmE, vieille dame — la novrrice

lAQVELINE.

METTEZ peine de vous réiouir, Restitue : ie veux ce que vous voulez, si vous tenez chaudement dessus vostre lict.

NOVRRICE.

Hé ma foy, vous faites très bien, dame Jacqueline, de lui accorder qu'elle s'en vienne auecques moy prendre un peu l'air aux champs. Aussi bien elle se trouue toute mal.

IAQ.VEL1NE.

Je ne refuse point qu'elle ny voise, et moy mesmes ie luy eusse tint compaignie, n'eust esté que i'atten tous les iours le père de Filadelfe. Mais il me fasche que ie ne sçay à la vérité ce qu'elle a ainsi à se plaindre.

NOVRRICE.

Que voudriez-vous qu'elle eust la pauvre fille ? Ne pensez-vous point qu'estre tousiours

à vne ville à n'auoir aucun plaisir, d'estre tousiours dans vne chambre enfermée, ou dans vne église à prier Dieu, cela ne soit assez suffisant pour la rendre mal disposée?

lAQVELlNE.

Dieu me la veuille garder : ie serois bien marrie qu'elle eustmal,lapauure fille, car oultre que ie n'ay qu'elle d'enfant, le te puis bien dire, en son absence, que c'est la plus honneste fille du monde : elle n'est point mondaine, elle ne fait point parler d'elle comme vn tas d'autres : elle ne hante point auec les ieunes hommes, comme ie sçay qu'on dit de nos voisines : elle est tousiours en prière et en oraison : elle vit proprement en samte.

NOVRRICE.

O comme vous en dittes bien la vérité ! Elle est pleine d'vn bon fruit : ceux que la hantent en sçauent bien que dire.

IACQ.VELINE.

Mais voicy le médecin que i'auois mandé à ce qu'il vint voir sa maladie auant qu'elle s'enallast aux champs, car on n'y reçouure pas des médecins aiseement.

NOVRRICE.

Le diable y ait part : ie gage que le cas va mal pour moy.