SCENE III

LE FiziciEN OU le Negromant, maxime, vieillard, NEBBiEN, seruiteur du Negromant.

FIZICIEN.

AVANT que nous facions autre chose, ie veus, Maxime, faire ce que peu d'autres médecins voudroient faire, ou le voulant ne le pourroient.

MAXIME

Que voulez-vous faire ?

FIZICIEN.

le veux voir, premier que la despense commence plus à croistre, si ce mal se peut guérir ou non : car Iç connoissant sans remède, ce que

ie ne veus toutefois présupposer, plus d'honneur ce me sera, et à vous plus de proufit, si ie le vous fais clairement entendre.

MAXIME

N'ayez doute de ne le guérir. Employez-vous seulement auec bon courage à sa guerison. C'est quelque malie (i) q'un homme ou femme luy a fait par enuie, et laquelle vous sera facile à dissoudre.

FIZICIEN.

l'espere qu'il ne doyue estre ainsi : mais aussi ce pourroit estre l'œuure de quelqu'un bien entendu en tels charmes, en sorte que la médecine en sera longue ou impossible.

MAXIME

le ne veux pas croire que ce soit vn si meschant charme.

FIZICIEN.

Si ainsi estoit ?

MAXIME

Si ainsi fust, pacience.

(i) Malie, nom italien, duquel mesmes vse le Rommant de la Rose, signifie ensorcellements [Note de Vauteur). — Un texte cité par Ducangc montre bien que ce mot était passé dans la pratique: « Incantationes quas vulgo Malias appellanl. » (Mirac, S. Joh. Gualberti t. III.)

FIZICIEN.

Si cela estoit ainsi, ne vaudroit-il pas mieux le sçauoir auant que les despens augmentassent plus?

Ouy.

FIZICIEN.

Partant ie veux mettre vn esprit en un corps mort qui auec voix intelligible me die la cause de l'indisposition de vostre Cinthien. le vous sçauray depuis bien promettre ou de le guérir, ou vousoster d'espérance.

MAXIME

Faites comme vous l'entendrez.

FIZICIEN.

Si i'auois a point un veau, mais qu'il fust de lait et gras, car il m'en faut faire vn sacrifice, ceste mesme nuit ie feroy la bezongne.

NEBBIEN.

Mon maistre en veut faire un festin à quelques siens disciples.

MAXIME

Donnez moy terme.

FIZICIEN.

Pourueu qu'il soit un peu noir, il me suffit,

NEBBIEN.

le m'attens bien encor de m'en oindre le museau.

l'enuoiray à mon bestail et feray choisir le meilleur qu'y soit.

FIZICIEN.

Qu'en la teste, et aux espauUes, ou en quelques autres parties, il soit noir et fort bon.

NEBBIEN.

Quand il seroit plus blanc que neige, il luy plaira, moyennant qu'il soit de lait et tendre.

MAXIME

Vous l'aurez à ce soir.

FIZICIEN.

l'en feray le sacrifice ceste nuit.

NEBBIEN,

A Sainct Godence.

FIZICIEN.

Or où pourrons-nous trouuer vne aube neuue qui n'aye iamais serui ?

MAXIME

le ne sçay.

FIZICIEN.

Nous la ferons de vingt braces de toile, mais bien déliée et fort blanche.

NEBBIEN.

Il a besoing de chemise !

Pour les fanons, et pour l'estole, et pour orner l'aube et l'amict, il faut deux aunes de drap noir.

NEBBIEN.

Son saye est usé : il en faut un neuf.

FIZICIEN.

Ah, i-auois quasi oublié le pentacle (i).

MAXIME

l'ay assez de pentoles à la maison (2).

FIZICIEN.

le ne dy pas pentole, mais pentacle.

NEBBIEN.

Il seme le terroy pour faire naistre des chausses.

MAXIME

le verray si i'en pourray emprunter de quelqu'un qui en aye.

(i) Pentacolo, talisman.

(2) Pentoles c'est à dire pots. {Note de l'auteur.) — Pentola.

FIZICIEN.

Telles choses ne se prestent pas aizément.

Comment doncques en aurons-nous ?

FIZICIEN.

lepense à ce que nous ferons. Ha voirement il m'en souuient, iecroy qu'il n'y a pas encor dix iours qu'un prestre me vint trouuer qui m'en voulut vendre vn à pris raisonnable. Il ne fut iamais achepté à moins de six florins, mais il le laisseroit pour quinze liuresimperialles (i),

NEBBIEN.

Il en fera naistre non-seullement des chausses, mais le bonnet, iusqu'aux pantoufles.

MAXIME

Ces pennaches la se vendent-ils tant ?

FIZICIEN.

le ne dy pas pennaches (2), mais pentacles.

MAXIME

Qu*ay-ie aff'aire du nom ? le regarde à ce qu'ils coustent.

(i) Le florin vaut xxv solz, et la liure imperialle vaut la brelingue françoise, asçauoir viij solz. {Note de l'auteur).

(2) Pennacchio, panache, plumet.

FIZICIEN.

Si ie puis faire qu'il vous le donne pour cent solz, fermez seulement les yeux et le achetez, ie vous en feray bien tousiours auoir quatre francz ttdemy : et quant est de la toile et de tout le reste, vous en tirerez tousiours vos deniers auec peu de perte.

MAXIME

Faut-il autre chose?

FIZICIEN.

le ne vous demanderay plus rien pour ceste heure. Il est vray que i'auroisencor besoing de deux grands flaccons de fin argent, mais vous les pourrez bien auoir par emprunt.

NEBBIEN.

Il en fera réussir autre chose que le saye et les chausses.

MAXIME

l'en ay en la maison sans en chercher ailleurs. Me faut-il plus rien à pourvoir ?

FIZICIEN.

Il faut icy et des cierges, et des chandelles, et mainte sorte d'herbes, et diuerses gommes pour les perfuns, si que le tout coustera quinze

ou seize carlins (i). Auisez à les acheter, ou bien baillez-moy les deniers et le chariage.

NEBBIEN ,

La sansue est à la peau et ne s'en voudra leuer tant qu'il y aura sang à sucer.

Allon vn peu à la maison. le me délibère que nypar diligence ny par despense à moy ne tiendra que ie puisse auiourd'huy sçavoir au vray si cestuy doit estre guery.

FIZICIEN.

Or allez et mettez en ordre ce que ie vous ay dit, et retournez icy viste.

MAXIME

Allez leans, car ie voy icy venir Cinthien, a qui ie veux parler sans tesmoins.