SCENE II
THEMOLE, CAMBIEN, NEBBIE, UN FACQUIN,
THEMOLE.
meschante terre !
CAMBIEN.
Que diable crie cestuy ?
THEMOLE.
On ne peut plus icy vivre. Tout est plein de traistres.
A quoy penses-tu ?
THEMOLE.
Et de larrons.
-^ cicv —
CAMBIEN.
Qui t'a offensé ?
THEMOLE.
0 le pauure gentilhomme !
CAMBIEN.
Il semble que tu sois...
THEMOLE.
O Cambien, la grand' pitié !
CAMBIEN.
Quelle pitié ?
THEMOLE.
O cas horrible ! le ne me sçaurois tenir de pleurer de compassion.
CAMBIEN.
De qui ?
Helas, d'un pauure estranger que ie vien de voir detrancher d'vn grand coup d'espée que luy a donné sur la teste un traistre qui i'attendoit au destour d'vn carrefour.
CAMBIEN.
Qu'as-tu à t'en soucier ?
THEMOLE.
le luy portois amitié, pource qu'il nous estoit
domestique homme de bien : et l'avez mesme connu.
CAMBIEN.
En sçay-ie rien, si vous ne me le nommez?
THEMOLE.
C'est ce docte Espaignol qui fait profession d'Astrologue, que nous appelions le Fizicien.
NEBBIE.
Mon Dieu, que dittes vous du Fizicien ?
THEMOLE.
le ne t'avois pas encor apperceu. N'estois-tu pas son seruiteur? Ton maistre a esté meschaniment frappé, et croy qu'un pendart l'aye tué, qui le guettoit au destour d'vn carrefour.
NEBBIE.
Helas !
C'est derrière la teste qu'est le meschant coup, chacun y court.
NEBBIE.
Las, pour Dieu, enseignez moy où c'est.
THEMOLE.
Va tousiours derrière le Pupagnol iusques au carrefour. Là tourne à main gauche. Cours,
— cxcvn —
cours. Quand tu seras à sainct Dominique, tourne à main droite, et fais qu'on te monstre le chemin pour aller en l'hostellerie du Buffle. Mais que te veux-ie enseigner? Tu ne sçaurois faillir, va derrière les autres : grans et petis, tous y courrent.
NEBBIE.
O Dieu!
THEMOLE.
le ne sçaurois croire que tu le trouves vif.
LE FACQVIN.
Et où mettray-ie le coffre ?
NEBBIE.
O maistre Lachelin malheureux! ie vous l'auois tousiours bien prédit.
CAMBIEN.
D'où auez-vous peu songer en si peu de temps ces mensonges pour l'oster d'autour de nous.
LE FACQVIN.
Voize où il voudra, ie ne luy veux pas courrir après : au moins si ie sçauois où demeure cestui-cy... il ne me souuient plus comme il s'appelle.
THEMOLE.
le t'en feray bien à souuenir : car ie le sçay
bieh. C'est de Maxime. Voilà l'huys, décharge toy là.
LE FACQVIN.
Il m'a dit voirement Maxime; venez et me montrez où ie le doy mettre.
THEMOLE.
Voicy qui est de la maison. Montrez-luy où le maistre l'a dit, en la chambre d'en haut à costé du lit de Lauinie.
CAMBIEN.
De Lauinie ?
THEMOLE.
Ne m'entens-tu pas encor ?
CAMBIEN.
le t'enten.
THEMOLE.
Paye après cest homme et l'enuoye. le veux voir si ie trouueray Cinthien.
