SCENE III

CINTHIEN, THEMOLE, CAMBIEN.

CINTHIEN.

le l'ay esté retrouuer et l'ay rencontré, mais qu'il ne espère pas auoir rien de moy qu'il ne

m'aye depestré de tous ces maux. le trouue finalement qu'il n'y a point d'autre remède que de faire sembler Emilie adultère.

THEMOLE.

Mais le voicy par Dieu.

CINTHIEN.

Il me veut donner à entendre que l'affaire pourra facilement tomber sans infamie aucune, le suis confus et ne me sçay résoudre en ce que ie doy faire.

THEMOLE.

Vous VOUS en allez tousiours cacher quand nous auons plus de besoin de vous.

CINTHIEN.

Quel besoin est-ce ?

THEMOLE.

Si vous ne courrez viste à consoler Lauinie, ie doute que ne la trouuiez morte.

CINTHIEN.

Ha dy moy, Themole,que luy est-il aduenu?

La pauurette a telle crainte que ce Negromant auec son meschant art ne vous face changer de courage, que elle se destruit et luy est venu vn euanouissement d'esprit.

— ce —

CINTHIEN.

l'en ay crainte.

THEMOLE.

Elle se porte fort mal.

CINTHIEN.

le m'en vais à elle.

THEMOLE.

Pour Dieu allez y.

CAMBIEN.

Cinthien,cestuy VOUS at-ildit comme Lauinie...

CINTHIEN.

Or mevoicy.