SCENE VI
ABONDE, CAMBIEN, CAMILLE.
ABONDE
I'ay plus de deuil que ie voy ceste chose en la bouche du peuple que d'autre inconuenient qui en puisse advenir, et me deuls de Maxime qui a esté la principale occasion qu'on en fait des danses en public. Et certes le fol trouuera des herboristes et enchanteurs, et fait vne solennelle follie qu'a peine feroient les petits enfans.
Te tinsse-ie en prison, comme i'auroy de toy six mille florins deuant qu'ils fussent... Mais quel tintamarre est- ce icy ? O Dieu, quel bruit ie sens ! Themole m'aura ruiné, lequel m'a remply toute la maison d'esprits. Qui est ce garçon qui sort si hastiuement en pourpoint ? C'est Camille. Que vient il faire icy ? Dieu me soit en ayde ! Quand diable est il entré céans ?
CAMILLE
O le cas epouuantable ! ô le grand danger, le grand danger où i'ay esté la hault ! En qui me doy-ie plus fier si ceux qui ont reçeu de moy tant déplaisirs et en reçoyuent tous les iours....
CAMBIEN.
Qu'est ce qu'il crie ?
CAMILLE
... me trahissent! O bonté diuine qui ne m'as point voulu laisser encourir vne si grande infamie, ny vn si gran mal ! O iustice de Dieu qui m'as fait entendre telle chose de laquelle ie ne me doy point fascher, pour sçauoir que i'ay esté en grand branle de laisser auiourd'huy la vie.
CAMBIEN.
le me doute que quelque nouueau malheur nous doyue assaillir.
CAMILLE
Mais de qui pourray-ie au moins emprunter quelque petit manteau pour mettre sur mon pourpoint et aller soudain trouuer Abonde...
Qui est-ce qui me nomme là ?
CAMILLE
... et luy faire entendre et à safille,en infamie de sa maison...
ABONDE
Dieu m'en veuille garder.
CAMILLE
... [ce que] cherchent ces galians de faire.
ABONDE
M'est aduis que c'est Camille Poquesal. C'est luy mesmes.
CAMILLE
Abonde, ie ne voulois autre que vous.
CAMBIEN.
Il ne peut naistre de cecy que dommage et infortune.
ABONDE. '
le vous voy tout en pourpoint comme pour iouer possible à la paume. Mais cherchez en vn autre qui soit meilleur que moy à cest exercice, car ie n'y suis pas fort habille.
CAMILLE
Ce n'est pas pour iouer à la paume que ie vien à vous, Abonde, mais bien pour vous faire entendre qu'on se iouë de vous plus que d'vne balle , qu'on se iouë de vostre honneur à grandes couches et de celuy de vostre fille. Sçachez qu'en ceste maison vostre bon gendre a une autre femme. Mais, pour Dieu, retironnous en une de ces maisons prochaines : car i'ay honte de me monstrer en public ainsi despouillé.
ABONDE
AUon en celle de Maxime.
CA.MILLE
le veux bien que nous allions plustost en la maison de Maxime que d'aucun autre, à fin qu'il m'oye.
CAMBIEN.
Themole, Themole, va tost derrière eux et t'efForce d'ouïr ce de quoy Camille se plainct.
