SCENE VII
THEMOLE, CAMBIEN, CINTHIEN.
THEMOLE.
ATTENDEZ, attendez : voicy Cinthien qui sort.
CAMBIEN.
Cinthien, qu'est-ce cy? Comment,diable,cestuy-là estoit il leans ?
CINTHIEN.
Le Diable l'a tout à point amené : mais qui a fait mettre vn coffre la-dessus, veu qu'on auoit ordonné qu'il fust mis en nostre maison ?
Themole et moy l'auons tout maintenant fait mettre.
CINTHIEN.
Et VOUS et Themole m'auez tout maintenant ruiné et auez mis du haut en bas les espérances que moy et Lauinie auions iusques icy soustenues à si grande peine. Pourquoy l'auez vous fait ?
CAMBIEN.
Pour rompre le dessein du Fizicien : car nous sommes très seurs qu'auec le moyen de tel coffre il taschoit de vous trahir.
CINTHIEN.
Pourquoy ne m'en auez vous dit au moins vne parole, sans me laisser encourir en vn tel erreur ? le suis trahy de vous, et non point du Fizicien. Il y auoit dans le coffre vn ieune homme caché, lequel a auiourd'huy entendu par effect vne trame, ainsi comme il a luy mesme voulu dire par ordre à Lauinie, qui sachant ce qu'il sçait.... ie suis par Dieu venu au terme qu'il me vaudroit mieux estre mort. Or dittes moy où est allé Camille. ce icune homme qui est sorti d'icy,à fin qu'en le suppliant,luy donnant, offrant , et me faisant son esclaue à tout iamais, ie le vienne esmouuoir à pitié de mon infortune, si qu'il tienne secret ce qu'il a sçeu ? Mais il me sera impossible de l'appaiser : car il a trop iuste raison de m'auoir en hayne.
— ecx w-
le vous asseure que vous auez trop tardé, pour ce qu'Abonde, ainsi que il sailloit de la maison, luy est venu au deuant, lequel luy a conté tout, sommairement comme il pouuoit : caria cholere et marissement ne luy laissoit à peine exprimer vne parole.
CINTHIEN.
Il n'y a malheureux au monde auec lequel ie ne changeasse d'estre. Aussi tost que le vieillard le sçaura, car il est nécessaire qu'il le sache entièrement, o Dieu, à quels termes me trouueray-ie ?
CAMBIEN.
F'aites vostre conte qu'il le sçait. Car Camille et Abonde s'en sont allez droit à luy, et sans doute ils luy ont dcsia conté tout.
CINTHIEN.
Ils sont allez ensemble uers Maxime! le suis totalement despeché,ie suis mort. Ouure,ouure toy, Terre, et m'ensevely!
CAMBIEN.
Ne vous désespérez, Cinthien, mais reuenez en vous mesmes : pensez bien et considérez si on peut faire icy aucune prouision, aucun remède.
CINTHIEN.
Ny prendre, ny trouuer autre remède ie ne sçaurois, que de m'enfuir si loin que iamais Maxime ne me reuoye. le ne veus pas attendre sa cholere. Adieu : Cambien, ie vous recommande ma Lauinie ; ie m'en vas.
O lasche et de peu de cœur, où t'en vas tu ? Il s'en est allé. Or, Themole, va t'en à la maison et t'informe soigneusement de tout ce qui est aduenu et me le viens redire.
THEMOLE.
le le feray, attendez moy leans.
