CHAPITRE XLVI

Des noms.

Quelque diversité d'herbes qu'il y ait, tout s'enveloppe sous le nom de salade : de mesme, sous la considération des noms, je m'en voys faire icy une galimafrée de divers articles.

Cbasque nation a quelques noms qui se prennent, je ne sçais comment, en mauvaise part : et à nous Jehan, Guillaume^. Benoist. Item, il semble y avoir, en la généalogie des princes, certains noms fatalement affectés : comme des

(1) Cité par plct., Vie d'Agésilas. p. G05,éd. de 1599. G.

(S5) Guillaume , dit le Dictionnaire de Trévoux , se disait aotrefois par .népris des gens dont on ne taisait pas grand cas. E J

ESSAIS DE iAlONTAIGNE,

Ptolemées à ceulx d'vCgypte, des Henrys en Angleterre, Charles en France, Bandoins en Flandres, et en nostre ancienne Aquitaine des Guillaumes, d'où l'on dict que le nom de Guienne est venu», par un froid rencontre, s'il n'en y avoit d'aussi cruds dans Platon mesme.

Item, c'est une chose legiere, mais toutesfois digne da mémoire pour son estrangeté, et escripte par tesmoing oculaire, que Henry, duc de Normandie, (ils de Henry second, roy d'Angleterre, faisant un festin en Franc^ l'assemblée de la noblesse y feut si grande que, pour passe-temps, s'estant divisée en bandes par la ressemblance des noms, en la première troupe, qui feut des Guillaumes, il se trouva cent dix chevaliers assis à table portants ce nom, sans mettre en compte les simples gentilshommes et serviteurs.

Il est autant plaisant de distribuer les tables par les noms des assistants comme il estoit à l'empereur Geta de faire distribuer le service de ses mets par la considération des premières lettres du nom des viandes^ : on servoit celles qui se commenceoient par M : mouton, marcassin, merlus, marsoin; ainsi des aultres.

Item, il se dict qu'il faict bon avoir bon nom, c'est à dire crédit et réputation; mais encores, à la vérité, est il commode d'avoir un nom beau, et qui ayséement se puisse prononcer et retenir, car les roys et les grands nous en cognoissent plus ayséement et oublient plus mal volontiers; et de ceulx mesmes qui nous servent, nous commandons plus ordinairement et employons ceulx desquels les noms se présentent le plus facilement à la langue. J'ay veu le roy Henry second ne pouvoir nommer à droict un gentilhomme de ce quartier de Gascoigne ; et à une fille de la royne, il feut luy mesme d'advis de donner le nom gênerai de la race, parce que celuy de la maison paternelle luy sembla trop divers. Et Socrates estime digne du soing paternel de donner un beau nom aux enfants.

Item, on dict que la fondation de nostre Dame la grand', à Poitiers, print origine de ce qu'un jeune homme desbauché, logé en cest endroict, ayant recouvré une garse, et luy ayant d'arrivée demandé son nom, qui estoit Marie, se sen-

(1) Le iiom de Guienne ne -vient point de Guillaume, mais bien du mot Aquitania , l'Aquitaine , dont on a fait d'abord XAquicwie, cl ensuite la Guienne. A. D.

(2) Spartien , Geta, c. 5. J. V. L.

tit si vifvement esprins de religion et de respect de ce nom sacrosainct de la Vierge mère de nostre Sauveur, que non seulement il la chassa soubdain, mais en amenda tout le reste de sa vie; et qu'en considération de ce miracle, il feut basty, en la place où estoit la maison de ce jeune homme, une chapelle au nom de nostre Dame, et depuis l'église que nous y veoyons. Geste correction voyelle et auriculaire, devotieuse, tira droict à Tame. Geste aultre suivante, de mesme genre, s'insinua par les sens corporels. Pythagoras, estant en compaignie de jeunes hommes, lesquels il sentit complotter, eschauffés de la feste, d'aller violer une maison pudique, commanda à la menestriere de changer de ton ; et, par une musique poisante, sévère et spondaïque, enchanta tout doulcement leur ardeur et l'endormit*.

Item, dira pas la postérité que nostre reformation d'aujourd'huyayt esté délicate et exacte, de n'avoir pas seulement combattu les erreurs et les vices, et rempli le monde de dévotion , d'humilité, d'obeïssauce, de paix et de toute espèce de vertu, mais d'avoir passé jusques à combattre ces anciens noms de nos baptesmes, Charles, Louys, François, pour peupler lemonde de Mathusalem, Ezechiel, Malachie, beaucoup mieux sentants de la foy? Un gentilhomme, mien voisin, estimant les commodités du vieux temps au prix du nostre, n'oublioit pas de mettre en compte la fierté et magnificence des noms de la noblesse de ce temps là, Dom Grumedan, Quedragan, Agesilan; et qu'à les ouïr seulement sonner il se sentoit qu'ils avoient esté bien aultres gents que Pierre, Guillot et Michel.

Item, je sçais bon gré à Jacques Amyot d'avoir laissé," dans le cours d'une oraison françoise, les noms latins touts entiers, sans les bigarrer et changer pour leur donner une cadence françoise. Cela sembloit un peu rude au commencement; mais desjà l'usage, par le crédit de son Plutarque, nous en a osté toute l'estrangeté. J'ai souhaité souvent que ceulx qui escrivent les histoires en latin nous laissassent nos noms touts tels qu'ils sont; car, en faisant 'de Vaudemont, Valiemontanus, et les métamorphosant pour les garber à la grecque ou à la romaine, nous ne sçavons où nous en sommes, et en perdons la cognoissance. ,

tO Sbxtcs EvpiKicvs , adversus Maihem., liv. VI, p. 128. C.