NOMBRE ET MESURE

que la terre a esté quelque temps couuerte d'eau. Item tout corps a naturellement vn lieu propre, lequel faut qu'il remplisse : car autrement il y aurait chose su* perflue en la nature : parquoy appert que la superfice de la terre est propre lieu des eauës : car elles se meuuent continuellement en ce lieu. D'autre part, quand ores deux elemens ne conuiennent en aucune qualité, qui s'appelle communément symbole, il est nécessaire qu'ils s'assemblent par le moyen. Or puis que la terre et l'air n'ont aucune conuenance, s'ensuit qu'il faut qu'ils s'assemblent par vn moyen, qui est l'eau, laquelle tient participation des deux. Par ainsi on monstre que la terre a esté naturellement toute couverte d'eau. On pourroit demander icy pourquoy la rondeur des elemens vint plustost à faillir en Teau que aux autres elemens ? Surquoy on respond, que Dieu et nature n'ont iamais rien fait en vain, mais tousiours pour le mieux. Or donques puis que Dieu a fait l'homme, et toutes autres choses par sa seule grâce et volonté, il laissa ceste partie de la terre descouuerte, afin que les hommes et les animaux se conseruassent en leur estre. Il y a beaucoup à contredire sur ce passage, mais voila la vérité. Dieu l'a fait par sa puissance absolue : comme il est escrit en Genèse au premier chap. où il dit, Que toutes les eaues sous le ciel soyent assemblées, et que la terre soit descouuerte, et qu'elle demeure seiche. »

« Du nombre et mesure : et de combien de parties vn

degré se compose, (Chap. xv.)

» Il est escrit au liure de Sapience, que Dieu fit toutes choses par nombre, poids et mesure. Parquoy sans sçauoir le nombre, ne pouuons cognoistre le temps,