PEDRO MEDINA

heures, ny mouuemens : ainsi appert que sans la science de conter, l'on ne sçait aucune chose. Or il y a deux sortes de quantité, ou nombre, IVne est continue l'autre discrète. La continue est en trois manières, c'est assauoir, en longueur seulement, comme est la ligne, et s'appelle quantité ligneale. La seconde est continue au long et large sans profondité : et s'appelle superficielle. La troisième est continue en long et large et profond : et est appellee ferme, ou solide. La quantité diuisée, ou discrète, est quand nous disons, vn, deux, trois, dont semble qu'on entend diuers sentemens des escritures, par la diuersité des nombres : tellement que celuy qui l'ignore, ne se peut appeller homme. Platon dit que l'homme est vn sage animal, pource qu'il sçait conter : et pour ceste cause il escriuit à la porte de son Académie, que celuy qui ne sçauoit conter, n'avoit que faire d'y entrer. Les mesures, et leurs raisons, et propriétés, naissent en Géométrie : car la Géométrie est science de mesure, laquelle contient lignes, superfices, et corps, comme appert par les cercles triangulaires, cartes, et autres figures. Plusieurs autheurs en ont escrit, principalement Eiiclides. Plutarque raconte que Archimedes Syracusan fit vn engin par Géométrie, par lequel il esleuoit les naux de Marcellus, de la mer en l'air, et les mettoit dedans là ville : qui fut lors que ledit Marcellus, conducteur de l'armée des Romains, auoit assiégée la ville de Syracuse en Sicile. Ceste science est appellee Géométrie, selon sainct Isidore, pour la distribution des terres et campagnes : la Géométrie proprement est des choses corporelles : pource que toute chose qui a corps, a sa propre mesure et dimension. Et quant aux espaces et distances qu'ont les provinces de l'vne à l'autre, tout est compassé par stades, par miles, et