PRIVILEGES DES FOIRES DE LYON

dix huictl1}, cy semblablement attachées soubz ledict contreseel de F. nostre chancellerie, an moyen de quoy icelles foyres ayenl esté et soient encore tenues, continuées et exercées entièrement en ladite ville de Lyon; toutesfois, pour le bien et augmentation dicelles, et à ce qu'elles soient partout myeulx auctorisées, réputées et extimées, et que par inadvertance ou iinporlunité d'aulru\ on n'y puisse jamais contrevenir, soit bien requis faire déclaration de nostre consentement, vouloir et intention sur ce;

Savoir faisons à tous, presens et advenir, que, congnoissans les choses dessus declairées et especialement le bien et utilité procédant en noz pays et subjectz au moyen de l'assiette dicelles foyres en ladite ville de Lyon, qui à ce [est] plus propice que nulle autre, parce mesmement que les marchans estrangers, voyant quelle est sur les extremitez de nostredit royaume et près de plusieurs grans pays, y attirent eulx et leurs marchandises de tant plus voulun tiers et facileme nt , en délaissant à aller en autres lieux , comme ilz pourroient faire , s'ilz estoient contraincls entrer plus loing en nostredit royaume, desirans le bien et enrichissement desdits habitans de Lyon (me nous avons en singulière grâce pour les bons, lovaulx et très speciaulx services, aydes et subventions qu'ils ont toujours libéralement faictz à nosdits prédécesseurs, et du singulier amour qu'ilz nous ont continuellement porté, et coniîans qu'ilz s'employeront à garder et faire entretenir noz ordonnances faictes sur le faict et entrée de l'espicerie, au bien de la chose publique, ayans par ce très agréable qu'ilz jouyssent desdites foyres, et en ce et tous leurs autres affaires voulans les favoriser et adventager, pour lesdites causes et autres à ce nous mouvans, et en ensuwant et entretenant les lettres, provision et octroiz dessus mentionnez, que nous approuvons, louons et agréons, lesdites quatre foyres par chacun an avons confermées et continuées, confermons, continuons et de nouvel establissons, en tant que mestier est, en ladite ville de Lyon, declairans nostre vouloir, plaisir et intention estre (pie lesdits conseillers, bourgeovs, manans et habitans de nostredite ville de Lyon et leurs successeurs les y puissent doresnavant perpétuellement et à tousjours faire, tenir et exercer, aux jours et par le temps dessus declairé, en gardant et observant par eulx

(l' Ces lettres de Louis \l( sont aussi imprimées dans le recueil des Ordonnance* , in-fol., t. XXI, p. 78.

■M'Il'l- I .1 1 .) II. •-.

9'» REGNE DE FRANÇOIS Ipr.

Février i5i5 n. s. nosdites ordonnances faictes sur le faict et entrée de l'espicerie, comme dit est, et qu'ilz et lesdits marchans et marchandises frequentans lesdites fovres, en gênerai et particulier, joissent et usent des privilèges, droictz, auctorité, faveur, libertez et franchises dessusdites, tout ainsi qu'il est contenu èsdites lettres de nostredit feu prédécesseur le roy Loys, entérinées par lesdits gens des comptes, trésoriers generaulx et autres, comme il appartient; et lesquelles, à ceste cause, par ces présentes signées de nostre main, nous voulons et ordonnons sortir leur plain et entier elfect, sans ce qu'il soit besoing prendre sur ces présentes nouvel entérinement ny consentement de nosdits gens des comptes, trésoriers, ne autres, à ce que l'expédition de ceste matière ne chée en dilation, mais seullement mandons et commettons par cesdites présentes aux seneschal de Lyon, bailly de Mascon et à tous noz autres justiciers ou à leurs lieuxtenans, presens et advenir, et à chacun d'eulx, que nos présentes déclaration, approbation, consentement, confirmation, establishment, vouloir, plaisir et choses dessusdites ds entretiennent et observent, et en ce faisant fassent continuer lesdites foyres en icelle ville de Lyon, et lesdits habitans et marchans joyr et user desdits privilèges, octroiz, exemptions, droitz et facilitez, selon le contenu d'icelles lettres dudit feu roy Lovs et vérification d'icelles, sans y contrevenir en quelque manière que ce soit; et s'aucune chose avoit esté ou estoit faicte au contraire, le reparent ou fassent reparer incontinent et sans delav, et pour plus grande approbation de nosdits vouloir, déclaration et choses dessusdites, les fassent publier et enregistrer par tous les lieux où mestier sera, et à icelles entretenir, garder, souffrir et accomplir, contraingnent ou facent contraindre tous ceulx qui pour ce seront à contraindre, par toutes voves en tel cas requises, le tout en ensuivant les privilèges et establissement desdictes fovres; car tel est nostre plaisir, nonobstant les procès et procédures des translation et discontinuation dessusdites et quelconques lettres, ordonnances, restrinctions, mandemens ou defences à ce contraires. Et alin que ce soit chose Terme et estable à tousjours, nous avons faict mettre nostre seel à cesdites présentes, au vidimus desquelles faict soubz seel royal, pource que l'on en pourra avoir à besongner en plusieurs et divers lieux, nous voulons foy estre adjoustée comme à ce présent original.