KM \ ET FORETS

5. Item, après que lesdictes defences auront esté publiées à son Mars 1S16 n. s. de trompe et cry public ausdicles forestz, buissons et garennes., de sorte que nul n'en puisse prétendre cause d'ignorance, nous voulions que les infracteurs d'icelles soient pugniz en la forme et manière qui s'ensuit.

4. Item, premièrement ceulx qui chasseront aux grosses bestes ou icelles prandront, contre les prohibicions et deff'enses susdictes, pour la première lois seront condannez en l'amende de deux cens cinquante livres tournoys, s'ilz ont de quoy les payer, et leurs engins et bastons confisquez, et eul\ privez des offices des forestz, si aucuns en ont; et ceulx qui n'auront de quoy paier, seront batluz de verges soubz la custode, jusques à effusion de sang; et neantmoins les engins ou bastons desquelz auront prins lesdictes bestes confisquez et, s'ilz ont offices aux garennes ou forestz, en seront privez.

5. Item, s'ilz y retournent la seconde foys et après ladicte pugnicion, seront battuz de verges autour des forestz ou garennes où auront delinqué et banniz , sur peine de la hart , de quinze lieues à l'entour desdictes forestz ou garennes, avecques conliscacion des bastons et engins, comme dessus, et privacion d'offices, s'ilz sont officiers.

6. Item, et s'ilz retournent après lesdictes pugnicions, la tierce foys, seront mis aux gallères par force ou battuz de verges et banniz perpétuellement de nostre royaulme, et leurs biens confisquez, et, s'ilz estoient incorrigibles ou obstinez et recidivoient après lesdictes pugnicions, en enfraignant leur ban, seront pugniz du derrenier supplice.

7. Item , ceulx qui seroient contrevenu/, èsdictes deffences ef , non obstant icelles, auroient prins ou chassé par plusieurs fois à icelles grosses bestes, et n'auroient esté pugniz d'icelles contravencions, pour icelles seront pugniz de cinq cens livres d'amende, s'ilz ont de quoy les paier, les engins ou bastons confisquez et eulx privez de leurs offices; et en default de ce, battuz de verges aux garennes ou forestz èsquelles auront delinqué et banniz à trente lieues desdictes forestz ou garennes, et les engins ou basions confisquez, et privez de leurs offices, si aucuns en ont.

Mars i5i6 n. s. 8. Item, et si après ladicte pugnicion, ilz contreviennent èsdictes

defences, Hz seront pugniz en la forme et manière que ceulx qui contreviennent la tierce foys et comme il est contenu au septiesme article précèdent.

9. Item, ceulx qui prendront ou chasseront aux buissons, forestz et garennes, lièvres, connins, perdris, faisans et autres gibiers, en venant contre nosdictes ordonnances, pour la première foys, paieront vingt livres d'amende, s'ilz ont de quov, et au default de ce, demoureront ung mois en prison au pain et eaue; la seconde foys, seront battuz de verges soubz la custode, jusques à eifusion de sang, et la tierce foys, battuz de verges autour des for est», buissons ou garennes où ilz auront delinqué, et banniz à quinze lieues desdictes forestz, buissons ou garennes.

10. Item, si ceulx qui seroient contrevenuz èsdictes défenses et, non obstant icelles, auraient prins ou chassé par plusieurs foys à icelles menues bestes et gibiers, et n'auraient esté pugniz dicelle contravencion, pour icelle seront pugniz de quarante livres, s'ilz ont de quoy, et s'ilz n'ont de quoy, demoureront deux mois en prison en pain et eaue, et seront privez des offices des forestz, s'ilz sont officiers, et les engins et bastons confisquez; et si, après ladicte pugnicion, ilz retournent, seront pugniz ainsi qu'il est contenu en l'article preceddent, depuis ces parolles : « et la tierce, battuz, » jusques à la fin.

1 1. Item, et ceulx qui porteront ou auront en leurs maisons, arbalestes, arcs, eseboppètes, bacquebutes, colletz, filletz, tonnelles ou autres engins, en venant contre lesdictes probibicions et defences, seront pugniz comme s'ensuit : c'est assavoir, les officiers èsdictes forestz privez de leurs offices, les bastons et engins confisquez, et condempnez en centsolz d'amende, et les autres non officiers, leursdicts bastons et engins confisquez, et eulx condempnez en cent solz d'amende; et pour la seconde foys, les dessusdicts seront pugniz en trente livres d'amende, et la tierce, banniz des forestz à quinze lieues à l'entour; et à chacun desdicts cas, les engins et bastons confisquez; et à la première et seconde pugnicion, ceulx qui n'auront de quoy paier les amendes, demoureront en prison au pain et à l'eaue, à l'arbitre du juge.