LE PREMIER DOCTEUR

Un Roy craint et aymé de tous, Ainsi qu'est Vostre Majesté, Doit sans cesser, hiver, esté, De son royaume estre jaloux, Par quoy vous fault avecques nous Penser à ce cas secourir.

L'enfant il fault faire mourir, Ou jamais vous n'aurez repous.

HERODES

Si l'enfant ne meurt, je mourray ; Par quoy lui fault faire la guerre Pour l'extirper hors de ma terre, Et lors en paix je demourray.