ARGUMENT DU PRESENT LIVRE

A fin que les Lecteurs puissent mieux faire leur proffit de ce présent livre, je leur veux bien monstrer en brief* l'utilité qu'ilz auront à en prendre. Car, en ce faisant, je leur monstreray le but, auquel ilz devront tendre et diriger leur intention, en le lisant. Combien* que la 5

iPour les mots suivis d'un astérisque (*), voir le glossaire.

saincte Escriture contienne une doctrine parfaicte, à laquelle on ne peut rien adjouster: comme en icelle* nostre Seigneur a voulu desployer les Thresors infiniz de sa Sapience:* toutesfois, une personne qui n'y sera pas fort 5 exercitée,* a bon mestier* de quelque conduicte et addresse,* pour scavoir ce qu'elle y doibt cercher:* à fin de ne l'esgarer point cà et là, mais de tenir une certaine voye, pour attaindre tousjours à la fin, où le Sainct Esprit l'appelle. Pourtant l'office de ceux qui ont receu plus ample

lo lumière de Dieu que les autres, est, de subvenir aux simples, en cest endroict: et quasi* leur prester la main, pour les conduire et les ayder à trouver la sommée* de ce que Dieu nous a voulu enseigner en sa parolle. Or cela ne se peut mieux faire par Escritures, qu'en traictant les

15 matières principales et de conséquence, lesquelles sont comprinses en la philosophie chrestienne. Car celuy qui en aura l'intelligence, sera préparé à profiter en l'eschole de Dieu en un jour, plus qu'un autre en trois mois : d'autant qu'il scait à peu près, oii il doibt rapporter une chas-

20 cune sentence: et ha sa reigle pour compasser* tout ce qui luy est présenté. Voyant donc que c'estoit une chose tant nécessaire, que d'ayder en ceste façon ceux qui désirent d'estre instruictz en la doctrine de salut, je me suis efforcé, selon la faculté que le Seigneur m'a donnée, de

25 m'employer à ce faire: et à ceste fin j'ay composé ce présent livre. Et premièrement l'ay mis en latin: à ce qu'il peust servir à toutes gens d'estude, de quelque nation qu'ilz feussent: puis après désirant de communiquer ce qui en povoit venir de fruict à nostre Nation Fran-

30 çoise : l'ay aussi translaté* en nostre langue. Je n'ose pas en rendre trop grand tesmoignage, et declairer combien la lecture en pourra estre profitable, de peur qu'il ne

semble que je prise trop mon ouvrage: toutesfois Je puis bien promettre cela, que ce pourra estre comme une clef et ouverture, pour donner accès à tous enfans de Dieu, à bien et droictement entendre l'Escriture saincte. Parquoy si d'ores* en avant nostre Seigneur me donne le 5 moyen et opportunité de faire quelques commentaires: je useray de la plus grande brièveté qu'il me sera possible: * pource* qu'il ne sera pas besoing de faire longues digressions, veu que j'ay icy desduict, au long, quasi* tous les articles qui appartiennent à la Chrestienté. Et puis qu'il lo nous fault recongnoistre, toute vérité et saine doctrine procedder de Dieu: j'oseray hardiment protester, en simplicité, ce que je pense de cest œuvre,* le recongnoissant estre de Dieu, plus que mien : comme, à la vérité, la louenge luy en doibt estre rendue. C'est que j'exhorte tous ceux 15 qui ont révérence à la parolle du Seigneur, de le lire, et imprimer diligemment en mémoire, s'ilz veulent, premièrement avoir une somme* de la doctrine chrestienne: puis une entrée à bien profiter en la lecture tant du vieil que du nouveau Testament. Quand ilz auront cela faict: ilz 20 congnoistront, par expérience, que je ne les ay point voulu abuser de parolles. Si quelqu'un ne peut comprendre tout le contenu, il ne fault pas qu'il se désespère pourtant: mais qu'il marche tousjours oultre, espérant qu'un passage luy donnera plus familièrement exposition* de 25 l'autre. Sur toutes choses, il fauldra avoir en recomm^andation, de recourir à l'Escriture, pour considérer les tesmoignages que j'en allègue.