ITEM LECTIO

Clamabi de tribulatione mea ad Dominum • & exaudivit me • de ventre inferi clamavi & exaudisti vocem meam •; Et projecisti me in profundum & in corde maris • & flumen circumdedit me. Omnes gurgites tui & fluctus tui super me transierunt •; Et ego dixi abjectus sum a conspectu oculorum meorum • verumtamen rursum videbo templum sanctum tuum •; Circumdederunt me aque usque ad animam • abyssus vallavit me • pelagus cooperuit caput meum • ; Ad extrema montium descendit terre vectes concluse[runt ////'//////'/////'/

Agios o theos. Sanctus Deus. Agios yscyrros. Sanctus fortis. Agios athanathos eleyson ymas. Sanctus immortalis miserere nobis.

Popule meus quid feci tibi aut in quo contristavi te responde michi • quia eduxi te de terra Egypti parasti crucem Salvatori tuo. Agyos o theos.

Quia eduxi te per desertum quadraginta annis & manna civabi te* & introduxi in terram satis obtimam. Parasti crucem Salvatori tuo.

Quid ultra debui facere tibi & non feci • ego quidem plantabi te vineam meam speciosissimam • & tu facta est michi nimis amara aceto namque siti mea potasti • & lancea perforasti latus Salvatori tuo • Agios o theos • Sanctus Deus.